قارقىن

بيتۋم زاۋىتى... بۇل ءبىزدىڭ ەلىمىزدى وزگەدەن بۇيىم سۇراۋ تاۋەلدىلىگىنەن قۇتقارىپ, ءوز قاجەتىمىزدى ءوزىمىز وتەي باس­تاۋى­مىزدىڭ بەلگىسى. جۋىردا, ياعني وتكەن جىلدىڭ جەل­توق­سان ايىندا مەملەكەت باسشىسى الدىندا تەلەكوپىر ارقىلى ىسكە قوسىلعان زاۋىت قازىر العاشقى ونىمدەرىن بەرە باستادى.

 

اقتاۋ پلاستيكالىق ماسسا­ زاۋى­تىنا جول بيتۋمدارى ءوندى­رى­سى – 2010-2014 جىلدارعا ارنال­عان ۇدەمەلى يندۋستريالىق-يننو­ۆا­تسيالىق دامۋ مەملەكەتتىك باع­دار­لاماسىنىڭ جەمىسى. زاۋىت جۇ­مىسى جوعارى ساپالى جول بيتۋم­دارىن ءوندىرۋ ءۇشىن ءتيىمدى بو­لىپ تابىلاتىن «قاراجانباس» كەن ورنىنان جىلىنا 1 ملن.توننا مۇناي وڭدەۋگە نەگىزدەلگەن. مۇ­نايدان وندىرىلگەن توتىققان بي­تۋم قازاقستاننىڭ بارلىق جول-كليماتتىق ايماقتارىنا ءتو­زىمدى كەلەدى. ەكى ءتۇرلى ماركالى­ تو­تىققان بيتۋم ءوندىرىسىنىڭ كو­لەمى جىلىنا 406 مىڭ توننانى قۇراماق. اقتاۋ بيتۋم زاۋىتىندا دايىندالاتىن پوليمەرلى-موديفيكاتسيالانعان جول بيتۋمى قازاقستاندا بۇرىن وندىرىلمەگەن, سول سەبەپتى جول قۇرىلىسىندا قولدانىلماعان يننوۆاتسيالىق جول ماتەريالى بولىپ تابىلادى. ىستىق پەن سۋىققا ءتوزىمدى, جولدىڭ جارامدىلىق مەرزىمىن ۇزارتىپ, ولاردىڭ جوندەۋ شىعىندارىن ايتارلىقتاي ازايتا­تىن اتالمىش بۇيىمنىڭ جىلىنا 120 مىڭ تونناسىن شىعارۋ جوسپارلانعان. بي­تۋم ساپاسىنىڭ جوعالماۋى  ءۇشىن ءونىم وندىرۋشىلەر جول بيتۋمدارىن ءبىر جول­عى پوليمەرلى كولىكتىك ىدىستىڭ ەكى ءتۇ­رى­نە – بيگ-بەگي (1000 كگ) جانە قاپتارعا (40 كگ)  بولشەكتەپ وراۋدى قولعا الىپ وتىر. ولشەنىپ ورالعان سالقىن بيتۋمدى قولدانۋ تەك ماتەريالدىڭ باستاپقى فيزيكا-حيميالىق كورسەتكىشتەرىن ساقتاۋعا عانا ەمەس, سونىمەن بىرگە, ۇلكەن كولەمدى بيتۋم قويمالارىندا بيتۋمداردى بالقىمالى تۇردە ۇستاۋداعى شىعىنداردىڭ ازايۋى ەسەبىنەن اسفالت-بەتون زاۋىتتارىندا ۇنەمدىلىككە قول جەتكىزەدى. بۇگىنگە دەيىن 5 مىڭ توننادان استام بيتۋم مەن 7 مىڭ توننادان استام ۆاكۋمدىق گازويل دايىنداپ ۇلگەرگەن زاۋىتتىڭ بولاشاقتا ءوز ونىمدىلىك اياسىن كەڭەيتە ءتۇسۋ مەجەسى بار.  ءساۋىر ايىندا تولىق قۋاتىنا ەنىپ جۇمىس جۇرگىزۋدى جوسپارلاپ وتىرعان ءوندىرىس ورنى 286 ادامدى جۇمىسپەن قامتىعان. قىتايلىق ارىپتەستەرىنەن ۇيرەنۋ ارقىلى ءوندىرىستى ءتيىمدى جۇرگىزۋ باعىتىندا تاجىريبە جەتىلدىرگەن ماماندار جۇمىسقا تىڭ كۇشپەن كىرىسكەن.  الدىمەن ءوڭىردىڭ, ەلىمىزدىڭ ىشكى قاجەتتىلىگىن قامتاماسىز ەتىپ, كەيىن سىرت ەلدەرگە ەكسپورتقا شىعارىلاتىن جول بيتۋمى  شاعىن بولسا دا ەل ەكونوميكاسىنا وڭ اسەر ەتەتىن ءوندىرىس كوزدەرىنىڭ ءبىرى بولادى دەپ كۇتىلۋدە. گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى. ---------------------------------------- سۋرەتتەردى تۇسىرگەن س.مايەمەروۆ.