سوچيدە قازاقستاننان قونىس اۋدارعاندار دا كەزدەسەدى. قاراعاندىدان كەلگەن ەر اداممەن كوشەدە كەزدەسىپ قالدىق. ايالدامادا اۆتوبۋس كۇتىپ وتىرعانىمىزدا جانىمىزعا كەلىپ, قازاقشا امانداستى.
قاسىمىزعا كەلگەن بەتتە: «حالدەرىڭ قالاي, قازاقتار؟ امانسىڭدار ما؟», دەپ انا تىلىمىزدە ءجون سۇراستى. ءوزى رەسەيگە 15 جىل بۇرىن كوشىپ كەلگەن ەكەن. قاراعاندىدا تۇرىپتى. قازىر سوچيدە تۇرادى. از-كەم اڭگىمەلەسكەنىمىزدە ءبىزدى الىستان كورىپ, سىرت كيىمىمىزدەگى «Kazakhstan» دەگەن جازۋدى كورگەن سوڭ, ارنايى قاسىمىزعا كەلگەنىن ايتتى. سوچي تۋرالى سۇراعانىمىزدا, بۇل جەردە باسقا قالالاردان گورى حالىقتىڭ تۇرمىس جاعدايى جاقسى ەكەنىن جەتكىزدى. دەگەنمەن, قازاقستاندا تۋىپ-وسكەن سوڭ, ءبىزدىڭ ەلدى ساعىناتىنىن دا جاسىرمادى. ءوزى كوپ سوزگە جوق ادام ەكەن. وسىلاي ونىمەن ءجون سۇراسىپ, قوشتاستىق.
ەكىنشى اداممەن دە كوشەدە كەزدەستىك. كوشەنى جاياۋ ارالاۋعا شىعىپ, دەم الىپ وتىرعانىمىزدا جانىمىزعا جاسى 40-تان اسقان كەلىنشەك كەلىپ, امانداستى. بىردەن: «سالەم بەردىك!», دەدى. قاسىمىزدا بلوگگەر, munara.kz سايتىنىڭ باس رەداكتورى ارشات ورازوۆ بار ەدى. سول جىگىت ودان: «اقتوبەدەنسىز بە؟», دەپ سۇرادى. ول بولسا اقتوبەدە تۇرعانىن ايتتى. ارشات: «باسە, ءبىزدىڭ جاقتا ادامدارمەن وسىلاي امانداسادى», دەپ قويادى.
ول ءوزىن يۋليا دەپ تانىستىردى. ءبىزدى الىستان كورگەندە سوڭىمىزدان ءجۇرىپ, امانداسقىسى كەلگەنىن جەتكىزدى. بۇعان دەيىن دە قازاقستاندىقتاردى كورىپتى. بىراق ولاردىڭ جانىنا كەلە بەرگەندە اۆتوبۋسقا وتىرىپ كەتكەندەرىن ايتتى. وسى كەزدە يۋليانىڭ كۇيەۋى دە قاسىمىزعا كەلىپ, امانداستى. ول دا بۇرىن قازاقستاندا تۇرعان ەكەن. ناقتىراق ايتساق, تۇركىستاندا تۋىپتى. وسىلاي, ءبىر كۇندە بۇرىنعى ەكى وتانداسىمىزبەن كەزدەستىك.
كەلەسى كۇنى اۆتوبۋستا تاعى ءبىر قازاقستاندا تۇرعان اداممەن كەزدەسىپ قالدىق. اۆتوبۋستا زەينەتكە شىققان ايەل ادام ءبىزدى كورىپ, ريزا بولىپ وتىرعانىن جاسىرمادى. وسى كەزدە قاسىمىزعا تاعى ءبىر ايەل ادام كەلە بەرگەندە, بىزبەن جۇرگەن ارىپتەسىمىزدىڭ بىرەۋى ءوز ورنىن بەرگەندە ەكەۋى تىپتەن ريزا بولدى. جالپى, بۇل ەلدە اۆتوبۋستا ۇلكەن كىسىگە ورىن بەرۋ دەگەندى كوپ بىلە بەرمەيدى ەكەن. ورىن بەرمەۋ قالىپتى جاعداي سياقتى. ماسەلەن, اۆتوبۋستا, ەلەكتريچكادا بولسىن جاستار ايەل ادام, جاسى ۇلكەن ادام تۇرەگەپ تۇرسا دا وتىرا بەرەدى. وعان تۇرعان ادامدار ەشتەڭە دەي المايدى. وسىدان كەيىن بياتلون جارىسىنا بارا جاتقانىمىزدا قاسىمىزعا ءتارتىپ ساقشىسى كەلىپ, بۇرىن قازاقستاندا تۇرعانىن ايتتى. ول ستەپنوگورسكىدە تۇرىپتى. قازىر وندا اتام قالدى, ءوزىم ۋدمۋرتيادا تۇرامىن, دەدى. سودان كەيىن بياتلون جارىسىنا بارىپ, ۆوكزالدان شىعا بەرگەندە تاعى ءبىر كوشەدە كولىكتەردىڭ ءجۇرىسىن رەتتەپ تۇرعان جول ساقشىسىمەن كەزدەستىك. ول قاراعاندىدا تۇرعان ەكەن. سوچيگە كوشىپ كەلگەنىنە 15 جىلداي ۋاقىت بولىپتى.
ال كەشە وليمپيالىق پارككە بارا جاتىپ, ەلەكتريچكادا كەزدەسكەن ادامىمىز استانادا تۇرىپتى. رەسەيگە ەكى جىل بۇرىن كوشىپ كەلىپتى. ول دا بىزگە ەلەكتريچكادا قازاقتاردى كورىپ, كوڭىلى كوتەرىلىپ قالعانىن ايتتى. جالپى, سوچيگە قونىس اۋدارعان ادامداردىڭ ءبارىنىڭ قازاقستانعا دەگەن سەزىمى جاقسى ەكەنى كورىنىپ تۇردى. ءبىزدى كوشەدە كورگەندە: «ءبىزدىڭ قازاقتار. ءبىزدىڭ وتانىمىز», دەيدى. ونىسىن جانىندا جەرگىلىكتى تۇرعىندار تۇرسا دا جاسىرمايدى. بىزگە دە ولاردىڭ وسى سوزدەرى ۇنادى.
داستان كەنجالين,
«ەگەمەن قازاقستان» –
سوچيدەن.
قاسىمىزعا كەلگەن بەتتە: «حالدەرىڭ قالاي, قازاقتار؟ امانسىڭدار ما؟», دەپ انا تىلىمىزدە ءجون سۇراستى. ءوزى رەسەيگە 15 جىل بۇرىن كوشىپ كەلگەن ەكەن. قاراعاندىدا تۇرىپتى. قازىر سوچيدە تۇرادى. از-كەم اڭگىمەلەسكەنىمىزدە ءبىزدى الىستان كورىپ, سىرت كيىمىمىزدەگى «Kazakhstan» دەگەن جازۋدى كورگەن سوڭ, ارنايى قاسىمىزعا كەلگەنىن ايتتى. سوچي تۋرالى سۇراعانىمىزدا, بۇل جەردە باسقا قالالاردان گورى حالىقتىڭ تۇرمىس جاعدايى جاقسى ەكەنىن جەتكىزدى. دەگەنمەن, قازاقستاندا تۋىپ-وسكەن سوڭ, ءبىزدىڭ ەلدى ساعىناتىنىن دا جاسىرمادى. ءوزى كوپ سوزگە جوق ادام ەكەن. وسىلاي ونىمەن ءجون سۇراسىپ, قوشتاستىق.
ەكىنشى اداممەن دە كوشەدە كەزدەستىك. كوشەنى جاياۋ ارالاۋعا شىعىپ, دەم الىپ وتىرعانىمىزدا جانىمىزعا جاسى 40-تان اسقان كەلىنشەك كەلىپ, امانداستى. بىردەن: «سالەم بەردىك!», دەدى. قاسىمىزدا بلوگگەر, munara.kz سايتىنىڭ باس رەداكتورى ارشات ورازوۆ بار ەدى. سول جىگىت ودان: «اقتوبەدەنسىز بە؟», دەپ سۇرادى. ول بولسا اقتوبەدە تۇرعانىن ايتتى. ارشات: «باسە, ءبىزدىڭ جاقتا ادامدارمەن وسىلاي امانداسادى», دەپ قويادى.
ول ءوزىن يۋليا دەپ تانىستىردى. ءبىزدى الىستان كورگەندە سوڭىمىزدان ءجۇرىپ, امانداسقىسى كەلگەنىن جەتكىزدى. بۇعان دەيىن دە قازاقستاندىقتاردى كورىپتى. بىراق ولاردىڭ جانىنا كەلە بەرگەندە اۆتوبۋسقا وتىرىپ كەتكەندەرىن ايتتى. وسى كەزدە يۋليانىڭ كۇيەۋى دە قاسىمىزعا كەلىپ, امانداستى. ول دا بۇرىن قازاقستاندا تۇرعان ەكەن. ناقتىراق ايتساق, تۇركىستاندا تۋىپتى. وسىلاي, ءبىر كۇندە بۇرىنعى ەكى وتانداسىمىزبەن كەزدەستىك.
كەلەسى كۇنى اۆتوبۋستا تاعى ءبىر قازاقستاندا تۇرعان اداممەن كەزدەسىپ قالدىق. اۆتوبۋستا زەينەتكە شىققان ايەل ادام ءبىزدى كورىپ, ريزا بولىپ وتىرعانىن جاسىرمادى. وسى كەزدە قاسىمىزعا تاعى ءبىر ايەل ادام كەلە بەرگەندە, بىزبەن جۇرگەن ارىپتەسىمىزدىڭ بىرەۋى ءوز ورنىن بەرگەندە ەكەۋى تىپتەن ريزا بولدى. جالپى, بۇل ەلدە اۆتوبۋستا ۇلكەن كىسىگە ورىن بەرۋ دەگەندى كوپ بىلە بەرمەيدى ەكەن. ورىن بەرمەۋ قالىپتى جاعداي سياقتى. ماسەلەن, اۆتوبۋستا, ەلەكتريچكادا بولسىن جاستار ايەل ادام, جاسى ۇلكەن ادام تۇرەگەپ تۇرسا دا وتىرا بەرەدى. وعان تۇرعان ادامدار ەشتەڭە دەي المايدى. وسىدان كەيىن بياتلون جارىسىنا بارا جاتقانىمىزدا قاسىمىزعا ءتارتىپ ساقشىسى كەلىپ, بۇرىن قازاقستاندا تۇرعانىن ايتتى. ول ستەپنوگورسكىدە تۇرىپتى. قازىر وندا اتام قالدى, ءوزىم ۋدمۋرتيادا تۇرامىن, دەدى. سودان كەيىن بياتلون جارىسىنا بارىپ, ۆوكزالدان شىعا بەرگەندە تاعى ءبىر كوشەدە كولىكتەردىڭ ءجۇرىسىن رەتتەپ تۇرعان جول ساقشىسىمەن كەزدەستىك. ول قاراعاندىدا تۇرعان ەكەن. سوچيگە كوشىپ كەلگەنىنە 15 جىلداي ۋاقىت بولىپتى.
ال كەشە وليمپيالىق پارككە بارا جاتىپ, ەلەكتريچكادا كەزدەسكەن ادامىمىز استانادا تۇرىپتى. رەسەيگە ەكى جىل بۇرىن كوشىپ كەلىپتى. ول دا بىزگە ەلەكتريچكادا قازاقتاردى كورىپ, كوڭىلى كوتەرىلىپ قالعانىن ايتتى. جالپى, سوچيگە قونىس اۋدارعان ادامداردىڭ ءبارىنىڭ قازاقستانعا دەگەن سەزىمى جاقسى ەكەنى كورىنىپ تۇردى. ءبىزدى كوشەدە كورگەندە: «ءبىزدىڭ قازاقتار. ءبىزدىڭ وتانىمىز», دەيدى. ونىسىن جانىندا جەرگىلىكتى تۇرعىندار تۇرسا دا جاسىرمايدى. بىزگە دە ولاردىڭ وسى سوزدەرى ۇنادى.
داستان كەنجالين,
«ەگەمەن قازاقستان» –
سوچيدەن.
