دوڭگەلەك ۇستەل شەڭبەرىندە قاتىسۋشىلارعا قۇتقارۋشى-ۇشقىشتاردىڭ دايىندىق دەڭگەيى كورسەتىلدى, سونداي-اق جەكە قاۋىپسىزدىك دەڭگەيى رەتىندە دايارلاۋ الگوريتمى جانە اۆياتورلاردىڭ قاۋىرت قىزمەتىنىڭ ىقتيمال ەموتسيالىق بۇزىلۋىنىڭ الدىن الۋ كورسەتىلدى. بۇدان ءارى قۇرال-جابدىقتارمەن (پسيحو-قولدانبالى تەحنولوگيالار), سونداي-اق ۇشقىش-قۇتقارۋشىلارمەن جۇمىس ىستەۋگە ارنالعان كاسىبي پسيحولوگيالىق دايىندىق ورتالىعىنىڭ قىزمەتىمەن تانىستى. توتەنشە جاعدايلار ءمينيسترىنىڭ باستاماسى بويىنشا «قازاۆياقۇتقارۋ» اق بازاسىندا «كاسىبي پسيحولوگيالىق دايىندىق ورتالىعى» (بۇدان ءارى – ورتالىق) قاناتقاقتى جوباسى قۇرىلدى. ورتالىقتىڭ نەگىزگى يدەياسى قىزمەتكەردىڭ ەكسترەمالدى جاعدايلارعا پسيحولوگيالىق تۇراقتىلىعىن, ويلاۋ جەدەلدىگىن ارتتىرۋعا, سونداي-اق قىزمەتكەرلەردەگى كاسىبي سترەسستىڭ تەرىس سالدارى رەتىندە كاسىبي شارشاپ قالۋ قاۋپىن ازايتۋعا باعىتتالعان. ماقساتى – تجم قىزمەتكەرلەرىنىڭ جەكە قاۋىپسىزدىگىن قامتاماسىز ەتۋ مەن فيزيكالىق جانە پسيحيكالىق دەنساۋلىعىن ساقتاۋ.
كاسىبي-پسيحولوگيالىق دايىندىق ورتالىعى قۇتقارۋشىلار, ۇشقىشتار جانە ينجەنەرلىك-اۆياتسيالىق قۇرام ءۇشىن پسيحولوگيالىق دەنساۋلىقتى جانە قىزمەتتىڭ جوعارى ونىمدىلىگىن قولداۋ ءۇشىن قۇرىلدى. ورتالىق اعزانىڭ نەيروكوگنيتيۆتىك جانە نەيروموتورلىق فۋنكتسيالارىن جاتتىقتىرۋعا, پسيحوەموتسيونالدىق جاعدايدى وڭتايلاندىرۋ ءۇشىن زاماناۋي قولدانبالى پسيحوتەحنولوگيالاردى بىرىكتىرۋگە, تۇلعالىق ءوسۋدىڭ ءبىلىم بەرۋ باعدارلامالارىنا ارنالعان پلاتفورما.
ي.كۇلشىمباەۆ تجم قۇتقارۋشىلارى ءۇشىن كاسىبي-پسيحولوگيالىق دايىندىق ورتالىعىن قۇرۋدىڭ ماڭىزدىلىعىن اتاپ ءوتتى, ونىڭ كومەگىمەن ازاماتتىق قورعاۋ جانە اۆياتسيا سالاسىندا ساپالى جانە قاۋىپسىز ۇشۋلاردى ۇيىمداستىرۋدىڭ تۇراقتى جۇيەسى قالىپتاسۋدا.
تجم «قازاۆياقۇتقارۋ» اق باس ديرەكتورىنىڭ ورىنباسارى ا.ماجيكەنوۆتىڭ ايتۋىنشا, تەك سوڭعى بەس جىلدىڭ ىشىندە 5 مىڭنان استام ۇشۋ جۇزەگە اسىرىلعان, ونىڭ ىشىندە سانيتارلىق اۆياتسيا جەلىسى بويىنشا 1300-دەن استام ۇشۋ بولعان, وندا 2 مىڭنان استام ناۋقاس ادام تاسىمالدانعان.
بيىلعى تامىز ايىندا ەل پرەزيدەنتىنىڭ تاپسىرماسى بويىنشا «قازاۆياقۇتقارۋ» اق مي-8امت 2 تىكۇشاعىنىڭ بورتىندا تجم 16 قۇتقارۋشىسىمەن جىبەرىلىپ, اۋقىمدى ورمان ورتتەرىن ءسوندىرۋ بويىنشا جۇمىستاردى ءساتتى ورىندادى. تجم جەكە قۇرامى مەملەكەت باسشىسى قويعان مىندەتتى تولىق كولەمدە ورىندادى.
دوڭگەلەك ۇستەل سوڭىندا پسيحولوگيالىق دايىندىق ورتالىعىنىڭ باسشىسى گ.احمەتوۆا قازاقستاندا العاش رەت پايدالانىلاتىن ۇشقىش-قۇتقارۋشىلارعا ارنالعان مۇلدەم جاڭا جابدىقتى كورسەتتى. كوز, مي جانە دەنە بايلانىسىن جاتتىقتىرۋعا ارنالعان senaptec strobe كوزىلدىرىگى. سۇيىق كريستالدى قاقپالاردى قولدانا وتىرىپ, لينزالار مولدىرلىكتى وزگەرتەدى, ۆيزۋالدى اقپارات كولەمىن ازايتادى جانە قۇتقارۋشىنى ونى تيىمدىرەك وڭدەۋگە ءماجبۇر ەتەدى, بۇل بولاشاقتا ۇشقىشتار ورىندايتىن جۇمىسقا وڭ اسەر ەتەدى. سونداي-اق ۇشقىشتارمەن جاتتىعۋلاردا قولدانىلاتىن يزرايلدىك Blazepod جابدىقتارى رەاكتسيا جىلدامدىعىن, پەريفەريالىق كورۋ قابىلەتىن, ويلاۋ جىلدامدىعىن, بەيستاندارتتى جاعدايلاردا توزىمدىلىك پەن پسيحولوگيالىق تۇراقتىلىقتى دامىتۋعا كومەكتەسەدى.
