وزىندىك مۇمكىندىگى بار بولعانىمەن, شارۋاسى شالقي قويماعان شالعايداعى ۇيعىر اۋدانىندا دا تابىس كوزىنىڭ كىلتى تابىلدى. ناقتىلاي تۇسسەك, «قازروس-برويلەر» اق قۇس فابريكاسى مەملەكەتكە ءىرى كولەمدە سالىق تولەپ, وسى اكتسيونەرلىك قوعامدا تۇراقتى ەڭبەك ەتەتىن 1 100 ادامعا 45 500 تەڭگە كولەمىندە ورتاشا ايلىق جالاقى بەرەدى. قۇرىلعانىنا بيىل تۋرا 10 جىل تولاتىن قۇس فابريكاسىنا 9 ملرد. 128 ملن. تەڭگە ينۆەستيتسيا تارتىلىپ, 1094 گا. جەر ءبولىنىپ بەرىلگەن ەدى. ناتيجەسىندە بۇگىنگى تاڭدا قۇستىڭ جالپى سانى 2 531 410 باسقا جەتتى.
اتالعان ءوندىرىس ورنى 2011 جىلدىڭ مامىر ايىنان باستاپ يسو, حاسسپ ساپا مەنەدجمەنت جۇيەسىمەن جۇمىس ىستەپ كەلەدى. شونجىداعى قۇس فابريكاسىنىڭ تاعى ءبىر ارتىقشىلىعى – باعىمىنداعى قۇسقا ازىقتى سىرتتان تاسىمالداماي, ءوز قاجەتتىلىگىن تولىق وتەيتىن قۇراماجەم زاۋىتى تاۋلىگىنە 400 توننا جەم وندىرەدى. وسىنداي جۇمىستارعا كەرەكتى 8 دانا «ۆالتەر» تراكتورى, 3 «SAMPO» كومباينى, 10 جۇك كولىگى, 5 «مان» جەم تاسىعىشى, 10 «حوۆا» اۆتوكولىكتەرى تاعى بار. ۋاقىت تالابىنا ساي ەڭ باستىسى ەت باعىتىنداعى تاۋىقتاردىڭ تەز ءوسىپ, بالاپانداردىڭ جىلدام جەتىلۋىنە جانە جۇمىرتقا باعىتىنداعى تاۋىقتاردىڭ قوڭىن ساقتاۋىنا بارلىق جاعداي جاسالعان. بورداقىلاۋ جانە جۇمىرتقا باسىپ شىعاراتىن 24 كورپۋس, سونداي-اق, ساعاتىنا 5-6 مىڭ باس تاۋىق سويىپ, ساپالى دايىنداپ, پايدالانۋعا شىعاراتىن تسەح ءوز الدىنا جۇمىس ىستەپ تۇر.
مىنە, وسىنداي ەت جانە جۇمىرتقا باعىتىنداعى الىپ قۇس فابريكاسىن سالىپ, جۇيەلى جۇمىس جۇرگىزۋ ۇلكەن جەتىستىك ءارى جەرگىلىكتى بيلىكتىڭ ءدال وسى سالادا ۇيلەستىرە ءبىلىپ ۇتقانىن دا كورسەتەدى. شونجىدان نەبارى 15 شاقىرىم جەردە ورىن تەپكەن «قازروس-برويلەر» اق قازاقستاننىڭ ىشكى رىنوگىندا قۇس ەتىن وندىرەتىن وتە ءىرى ءوندىرىس ورنى بولىپ سانالادى. جوبالىق قۋاتى جىلىنا 29 000 توننا قۇس ەتىن ءوندىرىپ, ەلىمىزدەگى قۇس ەتىنە سۇرانىستىڭ 14 پايىزىن وتەپ وتىر.
تۇتاستاي العاندا, ەل ەكونوميكاسىن كوتەرۋ ارقىلى تۇرعىنداردىڭ تۇرمىسىن تۇزەۋدىڭ ءبىر جولى ينۆەستيتسيا تارتۋ ماسەلەسى اۋدان باسشىسىنىڭ ءتول مىندەتىنە كىرەتىندىكتەن, وسى ساۋالعا جاۋاپ ىزدەگەن ەدىك.
«2008 جىلى اۋدانىمىزعا 62 ملرد. 293 ملن. تەڭگە ينۆەستيتسيا تارتىلىپ, سونىڭ باسىم بولىگى «قازروس-برويلەر» قۇس فابريكاسىنىڭ قۇرىلىس جۇمىستارىن ءجۇرگىزۋگە جانە تالاپقا ساي جۇمىس ءىستەۋىنە قاجەتتىلىكتەردى ساتىپ الۋعا جۇمسالدى. اۋدانعا ينۆەستيتسيا تارتۋ ماسەلەسىن جان-جاقتى ايتسام, اعىمداعى جىلى اۋدان اۋماعىندا حالىقارالىق ماڭىزى بار ينۆەستيتسيالىق جوبالار «باتىس ەۋروپا – باتىس قىتاي» اۆتوكولىك جولى مەن ىلە وزەنىنە سالىناتىن كوپىردىڭ قۇرىلىسى باستالادى. ءوندىرىس سالاسى بويىنشا بىلتىر 6 ملرد. 868 ملن. تەڭگەنىڭ ءونىمى ءوندىرىلىپ, ارعى جىلمەن سالىستىرعاندا, وندىرىلگەن ءونىمنىڭ ناقتى يندەكسى 107,7 پايىزدى قۇرادى. جالپى, ونەركاسىپتە جۇمىس ورىندارى قىسقارعان جوق. بۇل سالادا 3 جاڭا نىسان ىسكە قوسىلىپ, 13 جاڭا جۇمىس ورنى اشىلدى. بيىل ونەركاسىپ وندىرىسىندە قۇس فابريكاسى 6 ملرد. 983 ملن. تەڭگە, ءۇي شارۋاشىلىعى وندىرىسىندە 850 ملن. تەڭگە, جەراستى تابيعي سۋىن ءوندىرۋ جانە تاعى باسقا ونىمدەردەن 7 ملرد. 998 ملن. تەڭگە كولەمىندە ساپالى ءونىم ءوندىرۋدى جوسپارلاپ وتىرمىز.
قازاقستان رەسپۋبليكاسى ۇكىمەتىنىڭ «ۇدەمەلى يندۋستريالىق-يننوۆاتسيالىق دامۋ» مەملەكەتتىك باعدارلاماسىنا سايكەس, 2013 جىلى اۋدانعا تارتىلعان ينۆەستيتسيا كولەمى 17 ملرد. 211 ملن. تەڭگەگە جەتىپ, ارعى جىلمەن سالىستىرعاندا, 13 ملرد. 838 ملن. تەڭگەگە ارتىعىمەن ورىندالدى. مۇنىڭ سىرتىندا «Premium Spa Resort» سەرىكتەستىگىنىڭ تۋريزم جانە دەمالىس ورنى, «وركەن جايۋ» سەرىكتەستىگىنىڭ جۇگەرى ساقتايتىن كەشەنى جانە «ونىك» سەرىكتەستىگىنىڭ جىلىجاي كەشەنىنىڭ قۇرىلىسى مەن «تەلمانجان» شارۋا قوجالىعىنىڭ جاڭادان سالىپ جاتقان ءجۇن جۋ, وڭدەۋ زاۋىتىنىڭ قۇرىلىس جوبالارى وڭىرلىك يندۋستريالاندىرۋ كارتاسىنا ەنگىزىلدى.
راس, اتقارىلىپ جاتقان جۇمىستارمەن قاتار, جىبەرىلگەن كەمشىلىكتەر دە جوق ەمەس. سونى دەر كەزىندە تۇزەۋ, ياعني بىلتىر باستالعان بىرقاتار جۇمىستاردى ساپالى اياقتاۋ جەردەگى توڭ كەتىسىمەن قايتا جالعاسىن تابادى. وعان كەرەكتى قاراجات ماسەلەسى وڭ شەشىمىن تاپتى. ەلباسى «ءبىزدىڭ باستى ماقساتىمىز – الەۋمەتتىك قاۋىپسىزدىك جانە ازاماتتارىمىزدىڭ باقۋاتتىلىعى. بۇل – قوعامداعى تۇراقتىلىقتىڭ ەڭ جاقسى كەپىلى», دەپ اتاپ كورسەتتى عوي. كەدەيشىلىكتىڭ وسۋىنە جول بەرمەۋ ءۇشىن مەملەكەت ەڭ تومەنگى الەۋمەتتىك ستاندارتتار مەن كەپىلدىكتەردى بەلگىلەدى. مەملەكەتتىك ساياساتقا ساي ارەكەت ەتۋ باستى مىندەتىمىز», دەدى ۇيعىر اۋدانىنىڭ اكىمى كويۋمچان وماروۆ.
قورىتا ايتقاندا, «سالىم سالۋ» دەگەن ماعىنانى بىلدىرەتىن لاتىننىڭ «ينۆەستيتسيا» تەرمينى ءبىزدىڭ قوعامعا ءىس جۇزىندە ەنگەنى قۇپتارلىق جايت. سول ينۆەستيتسيانى ءىرى كولەمدە تارتىپ, ەل ەكونوميكاسىن دامىتىپ, اۋىلدا تابىس كوزىن اشۋ ەكىنىڭ ءبىرىنىڭ ماڭدايىنا جازىلماعان. ءبىر عانا ءوندىرىس ورنىن اشۋ ارقىلى اۋىلداعى كوپ تۇيتكىلدى شەشۋ ىسكەرلىكتى تانىتپاي ما؟!
نۇربول الدىباەۆ,
«ەگەمەن قازاقستان».
الماتى وبلىسى.
اتالعان ءوندىرىس ورنى 2011 جىلدىڭ مامىر ايىنان باستاپ يسو, حاسسپ ساپا مەنەدجمەنت جۇيەسىمەن جۇمىس ىستەپ كەلەدى. شونجىداعى قۇس فابريكاسىنىڭ تاعى ءبىر ارتىقشىلىعى – باعىمىنداعى قۇسقا ازىقتى سىرتتان تاسىمالداماي, ءوز قاجەتتىلىگىن تولىق وتەيتىن قۇراماجەم زاۋىتى تاۋلىگىنە 400 توننا جەم وندىرەدى. وسىنداي جۇمىستارعا كەرەكتى 8 دانا «ۆالتەر» تراكتورى, 3 «SAMPO» كومباينى, 10 جۇك كولىگى, 5 «مان» جەم تاسىعىشى, 10 «حوۆا» اۆتوكولىكتەرى تاعى بار. ۋاقىت تالابىنا ساي ەڭ باستىسى ەت باعىتىنداعى تاۋىقتاردىڭ تەز ءوسىپ, بالاپانداردىڭ جىلدام جەتىلۋىنە جانە جۇمىرتقا باعىتىنداعى تاۋىقتاردىڭ قوڭىن ساقتاۋىنا بارلىق جاعداي جاسالعان. بورداقىلاۋ جانە جۇمىرتقا باسىپ شىعاراتىن 24 كورپۋس, سونداي-اق, ساعاتىنا 5-6 مىڭ باس تاۋىق سويىپ, ساپالى دايىنداپ, پايدالانۋعا شىعاراتىن تسەح ءوز الدىنا جۇمىس ىستەپ تۇر.
مىنە, وسىنداي ەت جانە جۇمىرتقا باعىتىنداعى الىپ قۇس فابريكاسىن سالىپ, جۇيەلى جۇمىس جۇرگىزۋ ۇلكەن جەتىستىك ءارى جەرگىلىكتى بيلىكتىڭ ءدال وسى سالادا ۇيلەستىرە ءبىلىپ ۇتقانىن دا كورسەتەدى. شونجىدان نەبارى 15 شاقىرىم جەردە ورىن تەپكەن «قازروس-برويلەر» اق قازاقستاننىڭ ىشكى رىنوگىندا قۇس ەتىن وندىرەتىن وتە ءىرى ءوندىرىس ورنى بولىپ سانالادى. جوبالىق قۋاتى جىلىنا 29 000 توننا قۇس ەتىن ءوندىرىپ, ەلىمىزدەگى قۇس ەتىنە سۇرانىستىڭ 14 پايىزىن وتەپ وتىر.
تۇتاستاي العاندا, ەل ەكونوميكاسىن كوتەرۋ ارقىلى تۇرعىنداردىڭ تۇرمىسىن تۇزەۋدىڭ ءبىر جولى ينۆەستيتسيا تارتۋ ماسەلەسى اۋدان باسشىسىنىڭ ءتول مىندەتىنە كىرەتىندىكتەن, وسى ساۋالعا جاۋاپ ىزدەگەن ەدىك.
«2008 جىلى اۋدانىمىزعا 62 ملرد. 293 ملن. تەڭگە ينۆەستيتسيا تارتىلىپ, سونىڭ باسىم بولىگى «قازروس-برويلەر» قۇس فابريكاسىنىڭ قۇرىلىس جۇمىستارىن ءجۇرگىزۋگە جانە تالاپقا ساي جۇمىس ءىستەۋىنە قاجەتتىلىكتەردى ساتىپ الۋعا جۇمسالدى. اۋدانعا ينۆەستيتسيا تارتۋ ماسەلەسىن جان-جاقتى ايتسام, اعىمداعى جىلى اۋدان اۋماعىندا حالىقارالىق ماڭىزى بار ينۆەستيتسيالىق جوبالار «باتىس ەۋروپا – باتىس قىتاي» اۆتوكولىك جولى مەن ىلە وزەنىنە سالىناتىن كوپىردىڭ قۇرىلىسى باستالادى. ءوندىرىس سالاسى بويىنشا بىلتىر 6 ملرد. 868 ملن. تەڭگەنىڭ ءونىمى ءوندىرىلىپ, ارعى جىلمەن سالىستىرعاندا, وندىرىلگەن ءونىمنىڭ ناقتى يندەكسى 107,7 پايىزدى قۇرادى. جالپى, ونەركاسىپتە جۇمىس ورىندارى قىسقارعان جوق. بۇل سالادا 3 جاڭا نىسان ىسكە قوسىلىپ, 13 جاڭا جۇمىس ورنى اشىلدى. بيىل ونەركاسىپ وندىرىسىندە قۇس فابريكاسى 6 ملرد. 983 ملن. تەڭگە, ءۇي شارۋاشىلىعى وندىرىسىندە 850 ملن. تەڭگە, جەراستى تابيعي سۋىن ءوندىرۋ جانە تاعى باسقا ونىمدەردەن 7 ملرد. 998 ملن. تەڭگە كولەمىندە ساپالى ءونىم ءوندىرۋدى جوسپارلاپ وتىرمىز.
قازاقستان رەسپۋبليكاسى ۇكىمەتىنىڭ «ۇدەمەلى يندۋستريالىق-يننوۆاتسيالىق دامۋ» مەملەكەتتىك باعدارلاماسىنا سايكەس, 2013 جىلى اۋدانعا تارتىلعان ينۆەستيتسيا كولەمى 17 ملرد. 211 ملن. تەڭگەگە جەتىپ, ارعى جىلمەن سالىستىرعاندا, 13 ملرد. 838 ملن. تەڭگەگە ارتىعىمەن ورىندالدى. مۇنىڭ سىرتىندا «Premium Spa Resort» سەرىكتەستىگىنىڭ تۋريزم جانە دەمالىس ورنى, «وركەن جايۋ» سەرىكتەستىگىنىڭ جۇگەرى ساقتايتىن كەشەنى جانە «ونىك» سەرىكتەستىگىنىڭ جىلىجاي كەشەنىنىڭ قۇرىلىسى مەن «تەلمانجان» شارۋا قوجالىعىنىڭ جاڭادان سالىپ جاتقان ءجۇن جۋ, وڭدەۋ زاۋىتىنىڭ قۇرىلىس جوبالارى وڭىرلىك يندۋستريالاندىرۋ كارتاسىنا ەنگىزىلدى.
راس, اتقارىلىپ جاتقان جۇمىستارمەن قاتار, جىبەرىلگەن كەمشىلىكتەر دە جوق ەمەس. سونى دەر كەزىندە تۇزەۋ, ياعني بىلتىر باستالعان بىرقاتار جۇمىستاردى ساپالى اياقتاۋ جەردەگى توڭ كەتىسىمەن قايتا جالعاسىن تابادى. وعان كەرەكتى قاراجات ماسەلەسى وڭ شەشىمىن تاپتى. ەلباسى «ءبىزدىڭ باستى ماقساتىمىز – الەۋمەتتىك قاۋىپسىزدىك جانە ازاماتتارىمىزدىڭ باقۋاتتىلىعى. بۇل – قوعامداعى تۇراقتىلىقتىڭ ەڭ جاقسى كەپىلى», دەپ اتاپ كورسەتتى عوي. كەدەيشىلىكتىڭ وسۋىنە جول بەرمەۋ ءۇشىن مەملەكەت ەڭ تومەنگى الەۋمەتتىك ستاندارتتار مەن كەپىلدىكتەردى بەلگىلەدى. مەملەكەتتىك ساياساتقا ساي ارەكەت ەتۋ باستى مىندەتىمىز», دەدى ۇيعىر اۋدانىنىڭ اكىمى كويۋمچان وماروۆ.
قورىتا ايتقاندا, «سالىم سالۋ» دەگەن ماعىنانى بىلدىرەتىن لاتىننىڭ «ينۆەستيتسيا» تەرمينى ءبىزدىڭ قوعامعا ءىس جۇزىندە ەنگەنى قۇپتارلىق جايت. سول ينۆەستيتسيانى ءىرى كولەمدە تارتىپ, ەل ەكونوميكاسىن دامىتىپ, اۋىلدا تابىس كوزىن اشۋ ەكىنىڭ ءبىرىنىڭ ماڭدايىنا جازىلماعان. ءبىر عانا ءوندىرىس ورنىن اشۋ ارقىلى اۋىلداعى كوپ تۇيتكىلدى شەشۋ ىسكەرلىكتى تانىتپاي ما؟!
نۇربول الدىباەۆ,
«ەگەمەن قازاقستان».
الماتى وبلىسى.
