فوتوگالەرەيا • 13 قازان، 2021

ەلوردا – قوعامدى دامىتۋدىڭ قوزعاۋشى كۇشى

267 رەت كورسەتىلدى

ەسىلدىڭ بويىندا ەڭسە تىكتەگەن ەلوردا – الاسارماس ايبارىمىزدىڭ، سارقىلماس رۋحاني قاينارىمىزدىڭ التىن قازىعى. باس قالادان باستاۋ الاتىن بايىپتى باستامالار مەن سەنىمدى سەرپىلىستەردى ەل تۇرعىندارى ەرەكشە ىقىلاسپەن قابىلداپ، كەلەشەكتىڭ كەلبەتىنە ۇڭىلەدى. ماسەلەن، ەلباسى نۇرسۇلتان نازارباەۆ ۇسىنعان «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا نۇر-سۇلتان قالاسىنىڭ اكىمدىگى بيىل اۋىز تولتىرىپ ايتۋعا تۇرارلىق الۋان ءتۇرلى ءىس تىندىرىپ، قوعامدىق سانانى جاڭعىرتۋدىڭ جارقىن ۇلگىسىن كورسەتتى.

 

ۇلتتىق بولمىستىڭ ۇستىنىن ايقىن­داپ، بولاشاعىن بەدەرلەگەن ەلباسى ما­قا­­لاسىنىڭ ءمانى مەن ماڭىزى جىلدار جىل­جىعان سايىن ايرىقشا ايشىقتالا تۇس­كەنى انىق. بۇل رەتتە نۇر-سۇلتان قالاسىنداعى «رۋحاني جاڭعىرۋ» جوبالىق كەڭسەسى اتالعان باعدارلامانىڭ باسەكەگە قابى­لەتتىلىك، پراگماتيزم، ۇلتتىق بىرە­گەي­لىكتى ساقتاۋ، ءبىلىمنىڭ سالتانات قۇرۋى، قازاق­ستاننىڭ رەۆوليۋتسيالىق ەمەس، ەۆو­ليۋتس­يا­لىق دامۋى، سانانىڭ اشىقتىعى سىندى 6 باعىتىن باسشىلىققا الا وتىرىپ، 17 ارنايى جوبانى ىسكە اسىرۋدىڭ جول كارتاسى مەن ينديكاتورلارى اياسىندا ءتيستى جۇمىستار اتقارىپ جاتىر.

بۇل جوبالاردى جۇيەلى ىسكە اسىرۋ ماقساتىندا 2021 جىلدىڭ ءبىرىنشى جارتىجىلدىعىندا ەلور­دا اۋماعىندا «رۋحاني جاڭعىرۋ» باع­دارلاماسىن تۋ ەتكەن 400-دەن استام ءىس-شارا ۇيىمداستىرىلدى.

 

بەرەكەلى باستامالاردىڭ بەرەرى كوپ

«رۋحاني جاڭعىرۋ» باعدارلاماسىن اركىم ارقالاي تۇسىنەتىنى انىق. الايدا ونىڭ اۋەلگى ماقساتى ەلىمىزدىڭ بارىن با­عام­داپ، جوعىن تۇگەندەۋ، ۇلتتىڭ رۋحاني قازىنا بايلىعىن ەسەلەپ، حالىقتىڭ وتان­سۇيگىشتىك سەزىمىن جاڭعىرتۋ ەدى. سون­دىق­تان بۇعان دەيىن ايتىپ وتكەن 17 جو­با­نىڭ كوش باسىندا «تۋعان جەر» ارنا­يى جوباسىنىڭ تۇرۋى – زاڭدى. ەلباسى ءدال وسى جوبا جونىندە «جەرگىلىكتى بيلىك «تۋعان جەر» باعدارلاماسىن جيناقى­لىق­پەن جانە جۇيەلىلىكپەن قولعا الۋعا ءتيىس. بۇل جۇمىستى ءوز بەتىمەن جىبەرۋگە بولمايدى، مۇقيات ويلاستىرىپ، حالىققا دۇ­رىس ءتۇسىندىرۋ قاجەت. تۋعان جەرىنە كومەك جاساعان جانداردى قولداپ-قۇر­مەت­تەۋ­دىڭ ءتۇرلى جولدارىن تابۋ كەرەك. بۇل جەر­دە دە كوپ جۇمىس بار. وسى ارقىلى قالا­لاردى كوگالداندىرۋعا، مەكتەپتەردى كومپيۋتەرلەندىرۋگە، جەرگىلىكتى جوعارى وقۋ ورىندارىنا دەمەۋشىلىك جاساۋعا، مۋزەيلەر مەن گالەرەيالار قورىن بايىتا تۇسۋگە بولادى. قىسقاشا ايتقاندا، «تۋعان جەر» باعدارلاماسى جالپىۇلتتىق ءپاتريو­تيزم­نىڭ ناعىز وزەگىنە اينالادى»، دەگەن بو­لاتىن.

ا

اتالعان جوباعا قاتىستى اۋقىمدى جۇمىس ەل استاناسىندا دا قولعا الىنىپ جاتىر. جەرگىلىكتى بيلىك جەمىستى جۇ­مىس ىستەپ، ۇيلەستىرۋ جۇمىستارىنا اي­رىقشا نازار اۋدارىپ كەلەدى. ماسەلەن، وسى «تۋعان جەر» ارنايى جوباسىنىڭ اياسىندا نۇر-سۇلتان قالاسىنداعى مە­تسەناتتاردىڭ قولداۋىمەن 85،8 ملن تەڭ­گەگە كومەك كورسەتىلدى. وسى جوبا شەڭبەرىندە دەمەۋ­شى­لەردىڭ 4 ملرد 100 مىڭ تەڭگەنى قۇراعان قارجىلاي كومەگىمەن 3 ملن-نان استام ادام باعدارلامانىڭ يگىلىگىن كوردى. سو­نىمەن بىرگە «تۋعان جەر» ارنايى جو­باسىنىڭ اياسىندا «رۋحاني جاڭ­عىرۋ» جوبالىق كەڭسەسى مەن نۇر-سۇلتان قا­لا­سى اكىمدىگىنىڭ ء«بىلىم بەرۋدى جاڭ­عىر­تۋ ور­تا­لى­عى» مكقك اراسىندا ىنتى­ماق­تاس­تىق تۋرالى مەموراندۋمعا قول قو­يىل­دى.

قازاقستاننىڭ تۇڭعىش پرەزيدەنتى ن.نازارباەۆ وسى «بولاشاققا باعدار: رۋحاني جاڭعىرۋ» باعدارلامالىق ماقالاسىندا «تۋعان جەرگە دەگەن سۇيىسپەنشىلىك تۋعان ەلگە – قازاقستانعا دەگەن پاتريوتتىق سەزىمگە ۇلاسادى»، دەگەن ەدى. تۇپتەپ كەلگەندە، پاتريوتتىق سەزىم ۇلتتى ۇيىس­تى­رادى، جۇرتتى جۇمىلدىرادى، جاستار­دى ىزگىلىك پەن مەيىرىمگە جەتەلەيدى. ماسە­لەن، جاستاردىڭ ەلگە دەگەن شىنايى ما­حابباتى مەن العاۋسىز سەزىمى ء«بىز – ەل پاتريوتىمىز» حالىقارالىق جاستار فورۋمىندا ايرىقشا بايقالدى. وسى فورۋم جۇمىسىنا قاتىسقان نۇر-سۇلتان قالا­سى­نىڭ اكىمى التاي كولگىنوۆ ەلور­دا­دا­عى جاستاردىڭ ەسەلى ەڭبەگىنە توقتالىپ، ەرىكتىلەر جاھاندىق پاندەميا­­­مەن كۇرەس كەزىندە ۇلكەن ۇلەس قوسقانىن العا تارتتى. «پرەزيدەنت 2020 جىلدى «ەرىكتىلەر جىلى» دەپ جاريالادى. ەرىكتىلەر جاھاندىق پاندەميامەن كۇ­رەسكە زور ۇلەس قوستى. باس قالادا ەرىك­تى­لەرمەن بىرگە 600-دەن استام ءىس-شا­را ۇيىمداستىرىلىپ، 170 مىڭنان استام ادامعا كومەك كورسەتىلدى. قازىرگى ۋاقىتتا نۇر-سۇلتان قالاسىندا ەرىكتىلەر شتابى جۇمىس ىستەيدى. «قايىرىمدى ىستەر مارافونى» اكتسياسى اياسىندا قازاقس­تان رەس­پۋبليكاسى تاۋەلسىزدىگىنىڭ 30 جىل­دى­عى­نا وراي قالالىق ەرىكتىلەر شتابى 700-دەن استام ءىس-شارا وتكىزۋدى جوسپارلاپ وتىر»، دەدى قالا اكىمى.

ا

«رۋحاني جاڭعىرۋ» باعدارلاماسىنىڭ ءمانى مەن ماڭىزىن ايقىنداۋداعى قا­رىمدى قادامنىڭ ءبىرى ءھام بىرەگەيى – «100 جاڭا ەسىم» ارنايى جوباسى. ەلباسى ءبىر سوزىندە «قازاقستانداعى 100 جاڭا ەسىم» جوباسى – تاۋەلسىزدىك جىلدارىندا تابىسقا جەتكەن، ەلىمىزدىڭ ءار وڭىرىندە تۇراتىن ءتۇرلى جاستاعى، سان الۋان ەتنوس وكىلدەرىنىڭ تاريحى. جوبادا ناقتى ادامداردىڭ ناقتى تاعدىرلارى مەن ءومىرباياندارى ارقىلى بۇگىنگى، زاماناۋي قازاقستاننىڭ كەلبەتى كورىنىس تابادى»، دەگەن بولاتىن.

ا

بيىل بۇل جوبانىڭ رەسپۋبليكالىق كەزەڭىن­دەگى ىرىكتەۋدەن ءوتىپ، جەڭىمپاز اتان­عان ەلوردالىق ازاماتتاردىڭ قاتارىن­دا ۇلتتىق ايەلدەر حوككەي ليگاسىندا ونەر كورسەتكەن العاشقى قازاق ويىنشىسى بۇلبۇل قارتانباي بار. ول – ايەلدەر اراسىنداعى العاشقى قازاقستاندىق NHL، اقش حوككەي كلۋبىنىڭ باس جاتتىق­تىرۋ­شىسى. قازاقستاندىق حوككەي شابۋىلشىسى، قازىرگى ۋاقىتتا كاسىبي ايەلدەر حوككەي­ش­ىلەرى قاۋىمداستىعىنىڭ مۇشەسى جانە قازاقستان ۇلتتىق قۇراماسىنىڭ مۇشەسى.

سونداي-اق جۇزدەن جۇيرىك اتانعان جاننىڭ ءبىرى – سۋرەتشى، گرافيكالىق ديزاينەر، يلليۋستراتور ايگەرىم كارىباەۆا. ءون بويىنا ونەر تۇنعان سۋرەتشى نۇر-سۇلتان قالاسىنداعى دارىگەرلەرگە ارنالعان مۋرال ەسكيزىنىڭ اۆتورى. ول Umay Global Sammit III دۇنيەجۇزىلىك سامميتىنە يلليۋس­­تراتسيا جاسادى. ءا.كارىباەۆا ءومىر­­دىڭ ءتۇرلى كەزەڭىن، ۇلتتىق كولوريت پەن قازىرگى زاماندى بەينەلەيتىن شىعار­ما­لارى ار­قى­لى حالىقتىڭ سۇيىس­پەن­شىلىگى مەن تانى­مال­دىلىعىنا يە بولدى. يلليۋسترا­تور­­دىڭ ەڭ باستى ەڭبەكتەرى – وتباسىنا، ايەل­دەردىڭ الەمدەگى ۇلەسىنە ارنالعان. گرا­فيكالىق ديزاينەر EXPO DUBAI – 2020 كور­مە­سىن­دەگى قازاق پا­ۆيلو­­­­نى­نىڭ كور­نە­كى­لىگىن ارتتىرۋعا ولشەۋسىز ۇلەس قوستى.

ۆا

ال بالالار دارىگەرى-رەابيليتولوگ لاتيف پارپيەۆ بولسا قيمىل-قوزعا­لى­سىندا بۇزىلۋ بايقالعان بالالارعا كو­مەك­تەسەدى. «جاڭا تۋعان نارەس­تە­لەردى ەرتە وڭالتۋ» جوباسىنىڭ نەگىزىن قا­لاۋشى. «اتا-انا­لار­عا ارنالعان مەكتەپ» جو­باسىنىڭ ناتي­­جەسىندە دارىگەرلەر مەن مەديتسينا قىز­مەتكەرلەرىنە، ەلىمىز­دىڭ ءارتۇرلى قالا­لا­­رىنداعى اتا-انا­لارعا 15-تەن استام مەدي­تسي­نالىق كومەك كور­­سەتىلدى. وسى جوبانىڭ شاراپاتىن جالعىز قازاقستاننىڭ عانا ەمەس، وزگە ەلدەردەگى كومەككە مۇقتاج با­لا­لار كوردى. ولاردىڭ سانى بۇگىندە 10 مىڭ­نان اسىپ جىعىلادى. سونداي-اق ل.پارپيەۆ ەلىمىزدىڭ رەابيليتولوگ-دارى­گەر­لەرىمەن بىرگە سوVID-19-بەن اۋىر­عان پاتسيەنتتەردىڭ دەنساۋلىعىن قال­پىنا كەلتىرۋگە كومەكتەسكەن بىرنەشە بەينە-سا­باقتار ءتۇسىردى. ول «ۆFك» قوعامدىق قو­رىنىڭ، «داري دوبرو» باستاماشىلار توبىنىڭ، ونكولوگيالىق دياگنوزى بار بالالارعا كومەك كورسەتەتىن توپتىڭ، «28 پەتەل» قوعامدىق قورىنىڭ ۆولونتەرى.

ۆ

بيىلعى جەڭىمپازداردى نۇر-سۇلتان قالاسىنىڭ اكىمى التاي كولگىنوۆ ارنايى قابىلداپ، ء«ار ۋاقىت پەن كەزەڭنىڭ ءوز باتىرلارى بار. ولاردى بىرىكتىرەتىن ءبىر نارسە – مەيىرىمدىلىك، جاڭا بىلىمگە، ەل مەن قالانىڭ دامۋىنا ۇلەس قوسۋعا دەگەن ۇمتىلىس. «100 جاڭا ەسىم» جوباسى – بىرەگەي جوبا. بۇل جاي ساندار مەن جەڭىمپازداردىڭ ەسىمدەرىنىڭ ءتىزىمى ەمەس، بۇل – ناقتى ادامداردىڭ ناقتى وقيعالارى. ولار – كۇن سايىن قوعامعا پايدا اكەلەتىن ادامدار»، دەپ شىنايى پەيىلىن ءبىلدىردى. سونىمەن قاتار جوبا جەڭىمپازدارىنىڭ قوعامعا پايدالى جۇمىستارىنا اكىمدىك تاراپىنان قولداۋ كورسەتىلدى.

 

الاش ارداقتىلارىنا ەڭسەلى ەسكەرتكىش

«رۋحاني جاڭعىرۋ» باعدارلاماسى شەڭ­بەرىندە قولعا الىنعان باياندى باستا­مالاردىڭ ءبىرى – « ۇلى دالانىڭ ۇلى ەسىمدەرى» ارنايى جوباسى. بۇل جوبا اياسىندا ەلورداداعى بارلىق قوعامدىق كولىك ايالدامالارى مەن جارنامالىق ورىنداردا ەل تاريحىندا ەسىمى ەرەكشە اتالاتىن تۇعىرلى تۇلعالارىمىزدىڭ ناقىل سوزدەرى ورنالاستىرىلدى. سونىمەن قاتار بيىل نۇر-سۇلتان قالاسىندا بىرقاتار ۇلى تۇلعالاردىڭ ەسكەرتكىشتەرى ورناتىلدى.

ۇلت كوشباسشىسى نۇرسۇلتان نازار­باەۆ « ۇلى دالانىڭ جەتى قىرى» اتتى ماقالاسىندا «كوپشىلىكتىڭ ساناسىن­دا تاريحي ۇدەرىستەر، نەگىزىنەن، تۇلعا­لان­دىرۋ سيپاتىنا يە بولاتىنى بەلگىلى. كوپ­­تەگەن حالىقتار ءوز ەلىنىڭ ەرەكشە ەل­­شىسى سىندى ۇلى بابالارىنىڭ ەسىم­دەرىن ماقتان تۇتادى»، دەي كەلە اتاقتى تاري­حي تۇلعالارىمىز بەن ولاردىڭ جەتىس­­تىكتەرىنىڭ قۇرمەتىنە اشىق اسپان استىن­­دا ەسكەرتكىش-مۇسىندەر قويىلاتىن « ۇلى دالانىڭ ۇلى ەسىمدەرى» اتتى وقۋ-اعارتۋ ەنتسيكلوپەديالىق ساياباعىن اشۋ قاجەت ەكەنىن ايتقان بولاتىن. بۇل رەتتە، جىل ساناپ ەلوردا اۋماعىندا ەل مەن جەردى قورعاعان، قازاقتىڭ عىلىمىنا، ونەرىنە ولشەۋسىز ۇلەس قوسقان تۇرعىرلى تۇل­عا­لار­دىڭ ەڭسەلى ەسكەرتكىشتەرى بوي كوتە­رىپ كەلەدى.

ا

ماسەلەن، ەلوردادا مەملەكەت باسشىسى قاسىم-جومارت توقاەۆتىڭ قاتىسۋىمەن قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازار­باەۆ­­تىڭ قۇرمەتىنە ورناتىلعان ەسكەرت­كىش اشىلدى. ەسكەرتكىش باس قالا­دا­عى ءاليحان بوكەيحان مەن كەرەي، جانىبەك حاندار كوشەلەرىنىڭ ساياباقتىڭ اۋماعىندا ورنالاسقان. ەل پرەزيدەنتى جىل سايىن ەلوردا كۇنى قارساڭىندا قالانىڭ رۋحاني كەلبەتىن كوركەيتە تۇسەتىن جاڭا كەشەندەر اشىلاتىنىن اتاپ ءوتىپ، بىلتىر وسى يگى داستۇرمەن ەلباسى كىتاپحاناسى مۋزەيىنىڭ بوي كوتەرگەنىن جانە ونىڭ الدىنان اشىلعان ساياباق قالا تۇرعىندارى ءۇشىن جايلى دەمالىس ورنىنا اينالعانىن ايتتى. «سوندىقتان بۇگىن ءبىز ەلباسى نۇرسۇلتان ءابىش ۇلى نازارباەۆتىڭ قۇر­مە­تىنە ورناتىلعان تاريحي ەسكەرتكىشتى ءدال وسى جەردە اشىپ وتىرمىز. مەرەيلى جىلدا مۇنداي ساۋلەت تۋىندىسىنىڭ بوي كوتەرۋى – زاڭدى قۇبىلىس»، دەدى پرە­زيدەنت. قاسىم-جومارت توقاەۆ مەملە­كەت­­تىلىكتىڭ نەگىزىن قالىپتاستىرۋعا، ەلى­مىزدىڭ شەكارا شەبىن ايقىنداۋعا، حالىق­ارالىق كەلىسىمدەرمەن ءبىرجولا شەگەندەۋگە، جاھاندىق داعدارىستى ەڭ­سەرۋ­گە، حالىقارالىق بەدەلىن نىعايتۋعا نۇرسۇلتان نازارباەۆتىڭ زور ۇلەس قوس­قا­نىن اتاپ ءوتتى.

ا

الاش توپىراعى ايبارلى اقىندا­رى­مەن، ءبىرتۋار باتىرلارىمەن ايگىلى. ماسەلەن، نۇر-سۇلتان قالاسىندا كەڭەس وداعىنىڭ ەكى مارتە باتىرى، اتى اڭىزعا اينالعان ۇشقىش تالعات بيگەلدينوۆتىڭ ەسكەرتكىشى اشىلدى. قالا اكىمى ءوز سوزىندە ۇلى وتان سوعىسىنىڭ ارداگەرلەرى ەرلىك­تىڭ ۇلگىسى ەكەنىن ايرىقشا اتاپ ءوتىپ، « ۇلى جەڭىس قارساڭىندا مەم­لە­كەت باس­شىسىنىڭ تاپسىرماسى بو­يىن­­شا تالعات بيگەلدينوۆكە ارناپ ەسكەرت­كىش اشىل­دى. ۇلى وتان سوعىسىنىڭ اردا­گەر­لە­رى ەرلىكتىڭ، تابان­دىلىقتىڭ، وسكە­لەڭ ۇر­پاق ءۇشىن ەرلىك پەن داڭقتىڭ ۇلگىسى بو­لىپ سانالادى! باتىر اتا-بابا­لا­رى­مىز­­دىڭ ارقاسىندا قازىر بەيبىت كۇندە ءومىر ءسۇرىپ ءجۇرمىز! ءبىزدىڭ مىندەتىمىز – باتىر­لاردى جادىمىزدان شىعارماي، ەسكە الۋ»، دەدى. الىپ ءمۇسىن سارىارقا داڭعىلى مەن تالعات بيگەلدينوۆ كوشەسىنىڭ قيىلىساتىن تۇ­سىن­داعى اللەيادا تۇرعىزىلدى. ەسكەرت­كىش قولا مەن گرانيتتەن جاسالدى. ءمۇسىنشى – نۇرلان دالباي، ال ساۋلەتشى – راسۋل ساتىبالديەۆ.

ۆ

سونىمەن بىرگە ەلوردادا ا­لاش قاي­­رات­­كەرلەرى – ءاليحان بوكەي­حان، مىر­جاقىپ دۋلاتوۆ، احمەت بايتۇر­سىن­ ۇلى­­نا ارنالعان ەسكەرتكىش اشىلدى. ەس­كەرت­­­كىشتىڭ اشىلۋ سالتاناتىنا مەم­­لەكەت باسشىسى قاسىم-جومارت توقاەۆ، مەملەكەتتىك حاتشى ق.كوشەرباەۆ، نۇر-سۇلتان قالاسىنىڭ اكىمى التاي كول­گىنوۆ، ۇكىمەت مۇشەلەرى، الاشتانۋشى عالىمدار قاتىستى. ەل پرەزيدەنتى الاش قايراتكەرلەرىنىڭ مەموريالىنا گۇل شوعىن قويىپ، ەسكەرتكىشتىڭ ەلوردا كۇنىنە وراي اشىلۋىنىڭ سيمۆولدىق ءمانى زور ەكەنىن اتاپ ءوتتى. ء«بىز الاش ارىستارىنىڭ ەسىمىن جاڭعىرتىپ، تاريحي رولىنە باعا بەرۋدى قولعا الدىق»، دەدى مەملەكەت باسشىسى.

 

تاريحي تۇلعالار تۇعىرعا قوندى

سونداي-اق ەلوردا كۇنىنە وراي نۇر-سۇلتان قالاسىندا عالىم، اكادەميك، گەولوگ قانىش ساتباەۆ پەن حالىق كومپوزيتورى، كۇيشى-دومبىراشى دينا نۇرپەيىسوۆاعا ارنالعان ەكى ەسكەرتكىش اشىلدى. قانىش ساتباەۆتىڭ ەسكەرتكىشى ق.ساتباەۆ جانە ق.مۇڭايتپاسوۆ كوشە­لەرىنىڭ قيىلىسىندا، ياعني «قازاق­ستان» سپورت كەشەنىنىڭ الدىن­دا­عى الاڭدا اشىلدى. ەسكەرتكىشتىڭ اۆتورى – بەلگىلى ءمۇسىنشى، قازاقستان سۋرەت­شى­لەر وداعىنىڭ مۇشەسى اسقار نارتوۆ. ەسكەرتكىشتىڭ جالپى بيىكتىگى – 10،25 مەتر. قولادان جاسالعان. عالىمنىڭ ءمۇسىنى 5،25 مەتر­­­گە جەتەدى. گرانيت تۇعىرىنىڭ بيىكتىگى – 5،8 مەتر. تۇعىرىندا عالىمنىڭ ايگىلى «مەنىڭ حالقىم مەنەن دە بيىك» دەگەن ءسوزى قاشالعان.

ال دينا نۇرپەيىسوۆانىڭ ەسكەرتكىشى ابىلاي حان مەن كۇيشى دينا كوشەلەرىنىڭ قيىلىسىندا ورنالاستى. اۆتورى – ءمۇسىنشى باۋىرجان جالىن. كۇيشىنىڭ ءمۇسىنى قولادان جاسالعان. تۇعىرى – گرانيت. ەلباسى اتاپ وتكەندەي، «دومبىرا – قا­زاقتىڭ برەندى مەن پاسپورتى، ەشكىمگە ۇق­سا­ماي­تىن قايتالانباس كەلبەتى. ءبىزدىڭ مادەني قۇندىلىقتارىمىز، داستۇرلەرىمىز بەن اڭىزدارىمىز ىشەكتى جانە كۇي اۋەن­دە­رى ارقىلى ۇرپاقتان-ۇرپاققا بەرىلىپ كەلەدى». كورنەكتى تۇلعالارعا ارنالعان ەس­كەرتكىشتەر مەملەكەت باسشىسىنىڭ تاپ­سىرماسىنا سايكەس ىسكە اسىرىلدى. ەل تۇرعىندارىنىڭ ەندىگى مىندەتى – اتا-بابالارىمىزدى ەستە ساقتاۋ، قۇرمەتتەۋ.

ەلوردادا تاريحي تۇلعالارعا قويىلعان ەڭسەلى ەسكەرتكىشتەردىڭ قاتارىن اسكەري-تاريحي مۋزەي جانىنداعى الاڭدا ورنا­تىل­عان مەملەكەت قايراتكەرى جۇمابەك تاشەنوۆتىڭ سوم بەينەسى تولىقتىردى. ۇلت جادىنان ۇمىتىلمايتىن كەسەك تۇل­عا­­نىڭ ەسىمى ەل ازاماتتارىنا ەتەنە تانىس. بۇعان دەيىن نۇر-سۇلتاندا ۇلى تۇلعاعا كوشە اتى بەرىلگەن بولاتىن. ەندىگى كەزەك ەسكەرتكىشكە كەلىپ وتىر. ءمۇسىن كوميسسيا مۇشەلەرىنىڭ، زيالى قاۋىم وكىلدەرىنىڭ، ۇرپاقتارىنىڭ كەلىسىمىمەن قۇيىلدى. ەسكەرتكىشتىڭ ساۋلەتشىسى – ق.قورعانوۆ، ءمۇسىنشى – ە.ەرجانوۆ. ءمۇسىن قو­لا­دان قۇيىلىپ، تۇعىرى گرانيتتەن قالان­دى. ەسكەرتكىشتىڭ جالپى بيىكتىگى – 8،2 مەتر. ەلوردا وتانىمىزدىڭ تەك ساياسي عانا ەمەس مادەني جانە رۋحاني ورداسى. بۇگىنگە دەيىن نۇر-سۇلتاندا ەلىمىزدىڭ تانىمال تۇلعالارىنا ارنالعان بىرقاتار ەسكەرتكىش اشىلدى. الداعى ۋاقىتتا بۇل جۇمىستار جالعاسا بەرەتىن بولادى.

قازاق ەلىن الەم جۇرتشىلىعى باتىر، بالۋان حالىق رەتىندە تانيتىنى انىق. وعان سوم بىلەكتى، ارىستان جۇرەكتى با­­­لۋان­دارىمىز دالەل. بوزكىلەمدە ۇلتتىڭ ابىرويىن اسقاقتاتىپ، مەرەيىن ۇستەم ەتكەن سونداي اسىل ازاماتتىڭ ءبىرى ءھام بىرەگەيى داڭقتى بالۋان، الەم، وليمپيادا چەمپيونى جاقسىلىق ۇشكەمپىروۆ ەدى. بيىل نۇر-سۇلتان قالاسىندا الاشتىڭ ارداقتىسىنا ارنالعان ەسكەرتكىش اشىلدى. ەسكەرتكىش ج.ۇشكەمپىروۆ اتىنداعى Jekpe-Jek سارايىنىڭ الدىنا ورناتىلدى.

بۇعان دەيىن ارنايى جاڭادان سالىنعان Jekpe-Jek سپورت كەشەنىنە جاقسىلىق ۇشكەمپىروۆتىڭ ەسىمى بەرىلگەن بولاتىن. بولاشاقتا جاس بالۋاندار، سپورتشىلار، كەلەشەك وليمپيادا چەمپيوندارى، ارداقتى ازاماتتىڭ ءىزباسارلارى كوپ بولادى دەگەن ويدامىز.

ۇلت اعارتۋشىسى، قوعام قايراتكەرى ىبىراي التىنسارين – ەسىمى ەل ەسىندە ماڭگى ساقتالعان اسا كورنەكتى تۇلعا. ۇستاز­دىڭ «كەل، بالالار، وقىلىق»، دەگەن ءبىر اۋىز ءسوزىن بۇگىندە بۇكىل قا­­­زاق حالقى بىلۋگە ءتيىس. سوندىقتان ى.ءالتىن­ساريننىڭ جارقىن بەينەسى جاس­تار­دىڭ ساناسىنان وشپەيتىنى انىق. بۇل رەتتە، بيىل نۇر-سۇلتان قالاسىنداعى №83 مەكتەپتىڭ الدىندا تاريحي تۇلعانىڭ ءبيۋستى ورناتىلدى. ءبيۋستتىڭ بيىكتىگى تۇعىرىن قوسا العاندا 4 مەتردەن اسادى. اۆتورى – نۇربول قاليەۆ. تۇعىرى گرانيتتەن، ال ءمۇسىننىڭ ءوزى قولادان قۇيىلعان.

ەل تاريحىنداعى ەلەۋلى تۇلعالاردى ۇلىق­تاۋ – حالىقتىڭ پارىزى. سوندىقتان ەلوردادا قازاق حالقىنىڭ اياۋلى پەرزەنتى، سانالى عۇمىرىن، قاجىر-قايراتىن بالا تاربيەلەۋگە جانە حالىقتىڭ اعارتۋ ىسىنە ارناعان ۇلى تۇلعا ى.ءالتىنساريننىڭ ءبيۋستى اشىلعانى ەل ءۇشىن ەرەكشە ماڭىزعا يە. بۇل قادام اعارتۋشىنىڭ 180 جىلدىق مەرەيتويىنا ارنالعان يگى شارا بولعانى انىق. الداعى ۋاقىتتا ءدال وسى №83 ورتا مەكتەبىنە ى.ءالتىنساريننىڭ ەسىمى بەرىلەدى دەگەن ويدامىز.

ا

ا

ۆ

پ

سونداي-اق نۇر-سۇلتان قالاسىندا ءورت سوندىرۋشىلەر مەن مەديتسينا قىز­مەتكەرلەرىنىڭ قۇرمەتىنە مونۋمەنتتەر ورناتىلدى. بۇل جۇمىس جاستارعا رۋحاني، پاتريوتتىق جانە مادەني قۇندىلىقتاردى ناسيحاتتاۋ ماقساتىندا قولعا الىنعانى انىق.

 

 

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار