ۇكىمەت • 13 قازان، 2021

ءماجىلىس ءولىم جازاسى تۋرالى زاڭ جوباسىن ماقۇلدادى

170 رەت كورسەتىلدى

ءماجىلىس دەپۋتاتتارى «قازاقستان رەسپۋبليكاسىنىڭ قىلمىستىق كودەكسىنە ءولىم جازاسى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» زاڭ جوباسىن ءبىرىنشى وقىلىمدا ماقۇلدادى، دەپ جازادى Egemen.kz.

زاڭناما جانە سوت-قۇقىقتىق رەفورما كوميتەتىنىڭ توراعاسى ارمان قوجاحمەتوۆتىڭ ايتۋىنشا، زاڭناما جانە سوت-قۇقىقتىق رەفورما كوميتەتى «قازاقستان رەسپۋبليكاسىنىڭ قىلمىستىق كودەكسىنە ءولىم جازاسى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» زاڭنىڭ جوباسىن قاراپ شىقتى.

«زاڭ جوباسى قازاقستان رەسپۋبليكاسى 2021 جىلعى 2 قاڭتاردا راتيفيكاتسيالاعان ازاماتتىق جانە ساياسي قۇقىقتار تۋرالى حالىقارالىق پاكتىگە ەكىنشى فاكۋلتاتيۆتىك حاتتامانىڭ 1-بابىنىڭ 2-تارماعىنا سايكەس ازىرلەندى. زاڭ جوباسى ۇلتتىق زاڭنامانى قابىلدانعان حالىقارالىق قۇقىقتىق مىندەتتەمەلەرگە سايكەس ۇندەستىرۋگە باعىتتالعان. قازاقستان حاتتامانى سوعىس ۋاقىتىندا جاسالعان اسكەري سيپاتتاعى اسا اۋىر قىلمىستار جاساعانى ءۇشىن كىنالى دەپ تانىلعاننان كەيىن سوعىس ۋاقىتىندا ءولىم جازاسىن قولدانۋ قۇقىعىن وزىنە قالدىرادى دەگەن ەسكەرتپەمەن راتيفيكاتسيالادى»، دەدى ول.

سونداي-اق زاڭ جوباسىن تالقىلاۋ كەزىندە قۇقىقتىق اكتىلەر تۋرالى زاڭ تالاپتارىنا سايكەس زاڭنامانىڭ ءتۇسىندىرۋ اپپاراتىندا تەرميندەردىڭ قازاق جانە ورىس تىلدەرىندەگى جازىلۋ تارتىبىنە قاتىستى رەداكتسيالىق ناقتىلاۋشى سيپاتتاعى تۇزەتۋ ۇسىنىلدى.

«پارلامەنت ءماجىلىسىنىڭ تۇراقتى كوميتەتتەرى زاڭ جوباسى بويىنشا وڭ قورىتىندىلارىن بەردى. باياندالعاننىڭ نەگىزىندە كوميتەت وسى زاڭ جوباسىن ءبىرىنشى وقىلىمدا پارلامەنت ماجىلىسى جالپى وتىرىسىنىڭ تالقىلاۋىنا ەنگىزۋگە بولادى دەپ ەسەپتەيدى»، دەپ ايتتى ارمان قوجاحمەتوۆ ماجىلىستە.

جوعارىدا ايتىلعانداردىڭ نەگىزىندە كوميتەت زاڭ جوباسىن ءبىرىنشى وقىلىمدا ماقۇلداۋدى ۇسىندى.

سونىمەن قاتار دەپۋتاتتار زاڭ جوباسىنا قولداۋ ءبىلدىردى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار