ايماقتار • 12 قازان، 2021

جىلۋ جەلىلەرىندە اقاۋ بار

76 رەت كورسەتىلدى

بيىل وڭىرگە جىلۋ بەرۋ ماۋسىمىنا 40 ملرد تەڭگە قاراجات بولىنگەنىمەن، تۇيتكىل از ەمەس. ەلدى مەكەندەردەگى بىرنەشە قازاندىق ءالى كۇنگە دايىن ەمەس. بىرقاتار اۋداندار دايىندىق كەستەسىنەن كەيىن قالدى. وتىن قورىن جيناقتاۋدا دا الاڭداۋشىلىق تۋعىزاتىن جايت بار.

كۇز ەرتە ءتۇستى. ءارى سالقىن. وبلىس ورتالىعىنداعى كوپقا­بات­تى ۇيلەردىڭ سۋىپ كەتۋىنە بايلانىستى جىلۋ بەرۋ ماۋسىمى 22 قىركۇيەكتە باستالدى. ءدال وسى كەزدە جىلۋ بەرۋ جۇيەسىندەگى ورىن الىپ وتىرعان ولقىلىقتار بەلگىلى بولدى. قالانىڭ ەكى شاعىن اۋدانى، بىرنەشە الەۋمەتتىك-تۇرمىستىق نىساندار جىلۋسىز قالدى. ور­تا­لىق جىلۋ جەلىسىنە جىلۋ بەرىلگەنىمەن، اۋلا ىشىندەگى تاراتۋ جەلىلەرىندە اقاۋ بار ەكەنى انىقتالدى. ەڭ باستىسى، جەلىدە قىسىم جوق. بۇل جايتتى قالا اكىمىنىڭ ورىنباسارى باۋىرجان ەرنازاروۆ بىلايشا ءتۇسىندىردى:

– ورتالىق جىلۋ جۇيەسى ار­قىلى جىلۋ بەرىلگەنىمەن، قۋاتتىڭ بارلىق تۇ­تى­نۋشىعا جەتپەيتىنى بەلگىلى بولىپ وتىر. سوندىقتان قوسىمشا جىلۋ ما­گيس­ترالىن سالۋ قولعا الىندى. قۇ­رى­لىس مونتاج جۇمىستارى قازان ايىنىڭ 4-ءى كۇنى عانا اياقتالدى. بۇل جۇمىستى كەش باستاعان سەبەبىمىز، شەڭبەرى مىڭ ميلليمەتر بولاتىن قۇ­بىر دايىنداۋ ءۇشىن رەسەيلىك كاسىپورىنعا تاپسىرىس بەرگەن بولاتىنبىز، سول قۇبىر كەش كەلدى، – دەيدى ول.

ايتسا ايتقانداي، سوڭعى جىلدارى قۇرىلىسى قارقىن العان وبلىس ورتالىعىندا جا­ڭا­دان سالىنىپ جاتقان عيما­رات كوپ. وسى ارادا كوك­ش­تاۋ­دىڭ ەلىمىزدەگى جىلۋ ەلەكتر ورتالىعى جوق جالعىز قالا ەكە­نىن تاعى ەسكە سالا كەتسەك، ار­تىق بولماس ەدى. قۇرىلىستىڭ كو­بەيگەنىن كورگەن قالا تۇرعىن­دا­رى كونە قازاندىقتىڭ شاماسى جەتە مە، جەتپەي مە دەپ كۇ­ماندانىپ وتىر. قازىر جىلۋ كەش بەرىلگەن ەكى شاعىن اۋدان­داعى جىلۋ تۇرعىندار كوڭى­لى­نەن شىعاتىن ەمەس. كەيبىر پاتەرلەردەگى تەمپەراتۋرا 15º س شاماسىندا عانا. جىلۋدىڭ بەرىلۋ جۇيەسىندەگى جىلۋ جاقسى بولعانىمەن، قايتۋ جۇيەسىنەن كىنارات تابىلىپ، اينالىم جاق­سارماي تۇر.

وبلىستىق ەنەرگەتيكا جانە تۇرعىن ءۇي-كوممۋنالدىق شار­ۋا­­شىلىعى باس­قارماسىنىڭ باس­شىسى دانيار قۋا­نىش­باەۆتىڭ ايتۋىنا قاراعاندا، بيىل جىلۋ بەرۋ ماۋسىمىنا تياناقتى دا­يىن­­دالۋ ءۇشىن 40 ملرد تەڭگە قاراجات بولىنگەن. وقىرمانعا تۇسىنىكتى بولۋ ءۇشىن 2019 جىلى وسى ماقساتقا 32 ملرد، 2020 جىلى 37 ملرد تەڭگە بولىنگەنىن ايتا كەتسەك تە بولار. جىل سايىن قىر­­ۋار قاراجات بولىنگەنىمەن، وبلىس ورتا­لىعىن جىلۋمەن قامتاماسىز ەتە­تىن، كەي­­بىرەۋىنىڭ سالىنعانىنا جار­­تى عا­سىرعا جۋىق ۋاقىت وتكەن ەسكى ج­ۇ­يەنىڭ كەم-كەتىگى جون­دە­لىپ بىتەر ەمەس. جىلۋمەن جاب­دىق­تاۋ سالا­سىن جاڭ­عىرتۋعا جانە جوندەۋ جۇ­مىس­تا­رىن جۇيەلى جۇرگىزۋگە، وتىن قو­رىن جي­ناق­تاۋ­عا 13 ملرد تەڭگە قا­راجات قاراس­تىرىلىپتى. بيىل وب­لىس­تىڭ 7 ەلدى مەكەنىندەگى جىلۋ كوز­­دەرى مەن جىلۋ جەلىلەرىن جاڭ­عىر­تۋ جانە سالۋ باعى­تىندا 13 جوبا قولعا الىنسا، ونىڭ بەسەۋى وبلىس ورتالى­عىنداعى جىلۋ جەلىلەرىن قايتا جاڭ­عىر­تۋعا باعىت­تال­عان. وسى جو­با­لاردىڭ اياسىندا قوسىمشا 21 كوپپا­تەرلى تۇرعىن ءۇي، 189 جەكەمەنشىك ءۇي، 22 اكىمشىلىك نىسان جىلۋ جۇ­يەسىنە قوسىلىپ وتىر. مەملەكەت تاراپىنان مول قامقورلىق جاسالىپ، قىرۋار قارجى بولىنسە دە وڭىردەگى 664 قازان­دىقتىڭ بەسەۋى ءالى كۇنگە كەشەۋىل­دەۋ­دە.

ءبىرجان سال اۋدانىنىڭ ور­تا­­­­لىعى ستەپنياك قالاسىن­دا­عى، بۋراباي كەن­تىن­­دەگى، اتباسار قا­لاسىنداعى قا­زان­­دىقتار ۋا­ق­تىلى جوندەلمەي، ا­ر­­شالى كەن­­تىنىڭ ماگيسترالدى جەلى­لە­رى­نىڭ اعىم­داعى جوندەۋى، زەرەندى اۋىلىنداعى جاڭا بلوكتى-مو­­دۋلدىك قازاندىقتان باس­تاپ، جالپى ۇزىندىعى 2،9 شا­قى­­رىم­دى قۇرايتىن جەلىنىڭ جۇ­مىس­تارى كەشەۋىلدەتىلۋدە. ەسىل قالاسىنداعى مىرزاشاەۆ، گاگارين، اباي، مير كوشەلەرى بويىن­داعى جىلۋمەن جابدىق­تاۋ جەلى­لە­رىندە ءتيىستى قىسىم­نىڭ بولماۋى دا كۇر­دە­لى ما­سە­لە­گە اينالعان سى­ڭاي­لى. ستەپ­نو­گورسك جىلۋ ەلەكتر ورتا­لى­عىنىڭ جوندەۋ جۇمىستارى 82،4 پا­يىز­عا ورىندالعان.

وبلىستىڭ كەيبىر اۋدانىن­دا وتىن قورىن دايىنداۋ ماسەلەسىنە مۇقيات نازار اۋدارىپ، دايىندىق جۇمىستارىن شيراتا ءتۇسۋ قاجەت. ايتالىق، اتباسار اۋدانىندا – 85، ەرەي­مەنتاۋ، ەسىل اۋداندارىندا – 80، كوكشەتاۋ قالاسىندا 75 پا­يىزعا جەتەر-جەتپەس وتىن قورى بار.

ءوڭىر تۇرعىندارىنا شامامەن 662 مىڭ توننا كومىر قاجەت بولسا، ونىڭ جارتىسى عانا قامتاماسىز ەتىلگەن. قازىر كومىر ساتاتىن ورىنداردا ۇزىن-سونار كەزەك پايدا بولا باستادى. تۇ­تى­نۋشىلار ورتاشا باعاسى 13 200 تەڭگە تۇراتىن كومىردىڭ ساپاسىنا نا­رازى. ىشىندە توپىراق تا، تاس تا كەزى­گىپ جاتادى. جىلۋ بەرۋ ماۋسىمىن ويدا­عىداي وتكىزۋ ءۇشىن وڭىرگە 42 مىڭ توننا مازۋت قاجەت. بۇل وتىننىڭ ءار تونناسى 100 مىڭ تەڭگە شاماسىندا. ەگەر جول شىعىنىن قوسا ەسەپتەسەڭىز، ءار تونناسى 113 مىڭ تەڭگەدەن اينالادى.

ەلەكترمەن جابدىقتاۋ جەلى­لە­رىن جاڭعىرتۋ ءبىرشاما ءتاۋىر. وسى جىلدىڭ العاشقى 8 ايىندا 1،7 ملرد تەڭگە قارا­جات يگەرىلىپ، 2 مىڭ شا­قى­رىم­نان اساتىن ەلەكتر جەلىلەرى جون­دەل­دى. بۇل – جوسپاردىڭ 87 پايىزى.

تاعى ءبىر ايتا كەتەرلىك ما­سە­لە، بەرەشەك جايى. ۇستى­مىز­دەگى جىلدىڭ 17 قىركۇيەك­تەگى جاعداي بويىنشا وبلىستا جىلۋ، ەلەكتر، سۋمەن جابدىقتاۋ قىز­مەتتەرىنە دەبيتورلىق بەرەشەك 1 ملرد 736 ملن تەڭگەگە جەتكەن. ونىڭ ىشىندە مەرزىمى وتكەن بەرەشەكتىڭ كولەمى – 669،3 ملن تەڭگە. اعىمداعى بەرە­­شەكتىڭ ءوزى 1 ملرد 67 ملن تەڭ­گەنى قۇراپ وتىر. دە­مەك، قىزمەت كور­سە­تۋ­شى­لەر دەبي­تور­­لىق بەرەشەكتى ءون­دىرىپ الۋ جايىن قاراستىرۋلارى قاجەت.

قىستىڭ قاتال سىنشى ەكەندىگىن قاپە­رىمىزدەن شىعارماۋ كەرەك. ەرتە قام­دانساق، قاپى قالماس ەدىك.

سوڭعى جاڭالىقتار

الماتى تۇرعىندارى سۋسىز قالدى

ايماقتار • بۇگىن، 15:57

كانەلونى اۋىر شايقاس كۇتىپ تۇر

كاسىپقوي بوكس • بۇگىن، 12:18

ۇقساس جاڭالىقتار