مۇحاممەد ءاليدىڭ بىلعارى قولعابى اۋكتسيونعا شىعارىلاتىن بولدى

«Heritage Auctions» اۋكتسيون ءۇيى اتاقتى بوكسشى مۇحاممەد ءاليدىڭ 1964 جىلى سونني ليستوندى جەڭىپ, تۇڭعىش رەت اۋىر سالماقتا چەمپيون اتانعان كەزدە كيگەن بىلعارى قولعابىن ساتىلىمعا شىعارادى. بۇل تۋرالى Vesti.az حابارلادى. اۋكتسيون ءۇيىنىڭ قوعاممەن بايلانىس جونىندەگى ديرەكتورى نوي فلايشەر مالىمدەگەندەي, باستاپقى باعاسى 500 مىڭ دوللاردى قۇرايتىن بىلعارى قولعاپتى سول كەزدە جەكپە-جەكتىڭ الدىندا ارنايى تاپسىرىسپەن تانىمال شەبەر سەممي فرەگەر تىگىپ بەرگەن ەكەن. «بۇل ءاليدىڭ تۇڭعىش رەت اۋىر سالماقتا چەمپيون اتانعان كەزدە كيگەن قولعابى, – دەيدى اۋكتسيون ءۇيىنىڭ سپورتقا بايلانىستى ساۋدا-ساتتىق جونىندەگى ديرەكتورى كريس ايۆي. – حالىق ءاليدى ءبىرتۋار بوكسشى رەتىندە تانيدى. ال بۇل قولعاپ ونىڭ سپورتتاعى العاشقى قادامىندا ماڭىزدى ءرول اتقاردى». ەسكە سالا كەتەيىك, سونني ليستون مەن مۇحاممەد ءاليدىڭ جەكپە-جەگى 1964 جىلدىڭ 25 اقپانىندا اقش-تىڭ مايامي قالاسىندا ءوتتى. ايدار ورىسباەۆ. دەرەككوز: Vesti.az. فوتو: Kombat.odessa.ua.