باقىت سارسەكباەۆتىڭ داۋلى پاتەرىنە سوت نۇكتە قويدى

وليمپيادا چەمپيونى باقىت سارسەكباەۆ باپكەرىنە سىيعا بەرگەن پاتەرىنە قاتىستى سوتقا شاعىمدانعان بولاتىن. سوت ءىستى قاراي كەلە, قازىرگى قوجايىننىڭ مەنشىگىندە قالدىرۋ تۋرالى شەشىم شىعاردى. بۇل تۋرالى «استانا» تەلەارناسى حابارلادى. «سارسەكباەۆ باقىت ءابدىراحمان ۇلى مەن پاتەردەگى وزگە دە ادامدار استانا قالاسى شەۆچەنكو كوشەسىندە ورنالاسقان ۇيدەن شىعارىلىپ, پاتەر ساعىنباەۆ مىرزاعا بەرىلسىن. باقىت سارسەكباەۆ پەن كارىم ماحمۇتوۆ مىرزا اراسىندا جاسالعان سىيلىققا بەرۋ جونىندەگى كەلىسىم-شارت جارامدى دەپ تابىلسىن. سوت كارىم ماحمۇتوۆ پەن ساعىنباەۆ مىرزا اراسىنداعى ءۇيدى ساتۋ جونىندەگى كەلىسىم-شارتتان زاڭ بۇزۋشىلىق تاپپادى. سايكەسىنشە, ءۇيدىڭ كىلتى ساعىنباەۆ مىرزاعا بەرىلسىن», - دەدى شەشىمدى وقىعان استانا قالاسى سارىارقا اۋداندىق سوتىنىڭ سۋدياسى ارداق بالاعۇماروۆا. ەندى سوت شەشىمىنە سايكەس, بوكسشى باقىت سارسەكباەۆ پاتەرىڭ بوساتۋى ءتيىس.  پاتەر داۋىنا قاتىستى ماسەلەگە وسىلايشا نۇكتە قويىلدى. ءامىرحان الماعانبەتوۆ. دەرەككوز: «استانا» تەلەارناسى. فوتو: «استانا» تەلەارناسى.