سادىر جاپاروۆ «قىرعىز رەسپۋبليكاسى مينيسترلەر كابينەتىنىڭ ورنىنان ءتۇسۋى تۋرالى» جارلىققا قول قويدى, دەپ حابارلادى قىرعىزستان پرەزيدەنتىنىڭ ءباسپاسوز قىزمەتى.
جارلىققا سايكەس, قىرعىز رەسپۋبليكاسى مينيسترلەر كابينەتىنىڭ قازىرگى قۇرامى وتستاۆكاعا كەتتى.
قىرعىز رەسپۋبليكاسى مينيسترلەر كابينەتىنىڭ مۇشەلەرى قىزمەتىن اتقارعان ادامدار قىرعىز رەسپۋبليكاسى مينيسترلەر كابينەتىنىڭ جاڭا قۇرامى قۇرىلعانعا دەيىن ءوز مىندەتتەرىن اتقارۋدى جالعاستىراتىن بولادى.
سونىمەن قاتار جاپاروۆ قول قويعان جارلىققا سايكەس ۇلىقبەك ءمارىپوۆ قىرعىز رەسپۋبليكاسى مينيسترلەر كابينەتى توراعاسىنىڭ مىندەتىن اتقارۋدان بوساتىلدى.
قىرعىزستان رەسپۋبليكاسىنىڭ مينيسترلەر كابينەتى توراعاسىنىڭ مىندەتىن اتقارۋشى - قىرعىزستان رەسپۋبليكاسىنىڭ پرەزيدەنتى اكىمشىلىگىنىڭ باسشىسى بولىپ, جاپاروۆتىڭ باسقا جارلىعىنا سايكەس اقىلبەك جاپاروۆ تاعايىندالدى.
