كحدر مەن وڭتۇستىك كورەيا باۋىرلاستىق تۋرالى كەلىسسوز جۇرگىزدى

بۇگىن, كحدر مەن وڭتۇستىك كورەيا اراسىندا سوڭعى التى جىل ىشىندە العاش رەت جوعارى دەڭگەيدە كەلىسسوزدەر ءوتتى. بۇل تۋرالى ريا «نوۆوستي» حابارلادى. كەلىسسوزدەر پحانمۋنچجوم شەكارا بەكەتىندە ءوتتى. وڭتۇستىك كورەيا دەلەگاتسياسىن كيم گيۋ حەن ۇكىمەتى جانىنداعى ۇلتتىق قاۋىپسىزدىك كەڭەسىنىڭ باس حاتشىسى باستاسا, كحدر تاراپىن بىرلەسكەن فرونت باسشىسىنىڭ ورىنباسارى ۆون دون ەن باستاپ كەلدى. سەيسەنبى كۇنى وڭتۇستىك كورەيا مينيسترلىگىنىڭ ءباسپاسوز قىزمەتى حابارلاعانداي, ەكىجاقتى كەزدەسۋدە 1950-1953 جىلدارى ورىن العان كورەي سوعىسى كەزىندە ءبىر-بىرىنەن كوز جازىپ قالعان وتباسىلاردى كەزدەستىرۋ جونىندە ماسەلە قوزعالماق. سونداي-اق كەلىسسوزدەردە مۇنداي شارالاردىڭ ءجيى وتكىزىلىپ تۇرۋى تالقىلانادى. بۇدان بۇرىن ءبىر-بىرىنەن كوز جازىپ قالعان وتباسىلاردى كەزدەستىرۋ شاراسىن 20-25 اقپاندا وتكىزۋ جوسپارلانعان ەدى. الايدا, سوڭعى ساتتە بۇل شارا كەيىنگە قالدىرىلدى. ءبىر-بىرىنەن كوز جازىپ قالعان وتباسىلاردى كەزدەستىرۋ شاراسى العاش رەت 1985 جىلى وتكەن بولاتىن. سودان بەرگى 15 جىل ىشىندە مۇنداي شارا قولعا الىنباپتى. ال وڭتۇستىك كورەيا مەن كحدر اراسىندا جوعارى دەڭگەيدەگى كەلىسسوزدەر سوڭعى رەت 2007 جىلى وتكىزىلگەن ەكەن. ايدار ورىسباەۆ. دەرەككوز: Ria.ru. فوتو: Itar-tass.com.