«تامىز ايىنىڭ سوڭىندا جانە قىركۇيەك ايىنىڭ باسىندا قالا بويىنشا ەپيدەميولوگيالىق جاعداي جاقساردى. بۇگىنگى تاڭدا ەلوردادا 990 توسەك-ورىنعا ارنالعان 7 ينفەكتسيالىق ستاتسيونار اشىلدى. ەستەرىڭىزگە سالا كەتەيىك, جازدا كوۆيدتىك ستاتسيونارلارعا 4 مىڭعا جۋىق توسەك ورنى بار 16 ستاتسيونار تارتىلعان بولاتىن», دەدى ا.ورالوۆ.
ەلوردادا 12 قازان كۇنى تاڭەرتەڭ 578 ادام جۇقپالى اۋرۋلار اۋرۋحاناسىندا كوروناۆيرۋستان ەمدەلۋدە, پاندەميا كەزىندە بۇل كورسەتكىش 70%-دان اسقان كەزدە جۇكتەمە 58,4%-دى قۇرايدى.
اكىم ورىنباسارى سونداي-اق جۇقپالى اۋرۋلار ستاتسيونارى رەتىندە تارتىلعان قالالىق اۋرۋحانالاردىڭ نەگىزگى قىزمەتى قالاي جانە قاشان قالپىنا كەلتىرىلەتىنىن ايتتى.
«وسى اپتادا ءبىز №1 كوپبەيىندى قالالىق اۋرۋحانا بازاسىندا كوۆيدتىك ستاتسيوناردى جابامىز, وندا تاۋلىك بويى جانە كۇندىزگى ستاتسيونارلارعا جوسپارلى ەمدەۋگە جاتقىزۋ قالپىنا كەلتىرىلەدى. بۇل قالالىق اۋرۋحانا بيىل شىلدە ايىنىڭ باسىندا 600 توسەكتىك جۇقپالى اۋرۋلار ستاتسيونارىنا قايتا بەيىمدەلگەن بولاتىن», دەپ حابارلادى سپيكەر.
اسحات ورالوۆ COVID-19-بەن كۇرەستەگى باستى قۇرالداردىڭ ءبىرى حالىقتى ۆاكتسيناتسيالاۋ ەكەنىن اتاپ ءوتتى.
بۇگىندە ەلوردالىق ستاتسيونارلاردىڭ جانساقتاۋ بولىمىندە 56 پاتسيەنت, ال ءوجج-دە 14 پاتسيەنت جاتىر. بارلىعى 127 رەانيماتسيالىق توسەك ورىن بار.
