ىقپالداستىق تابىس نەگىزى

ينتەگراتسيا: الەمدىك تاجىريبە قازىرگى جاھاندانۋ زامانىندا وقشاۋلانىپ ءومىر سۇرەتىن مەملەكەتتى كوزگە ەلەستەتۋدىڭ ءوزى مۇمكىن ەمەس. كوپقىرلىلىققا ءوتۋ جاعدايىندا وڭىرلىك وداقتاردىڭ ءرولى ارتا تۇسەدى. ويتكەنى, الەمدەگى ەكونوميكالىق دامۋ ۇردىستەرى ءوزارا بايلانىس ارقىلى دامىعاننىڭ اتى وزاتىنىن كورسەتەدى. بۇگىنگى تاڭدا 200-دەن استام ءتۇرلى ينتەگراتسيالىق بىرلەستىكتەر قۇرىلعان. ولاردىڭ اسا ىرىلەرى – ەۋروپا وداعى, سولتۇستىكامەريكالىق NAFTA, وڭتۇستىكامەريكالىق MERCOSUR, اتەس, بريكس. پوستكەڭەستىك كەڭىستىكتە – بۇل كەدەن وداعى مەن ءبىرتۇتاس ەكونوميكالىق كەڭىستىك. بولاشاقتا بۇل ۇيىمدار ەۋرازيالىق ەكونوميكالىق وداققا ترانسفورماتسيالانۋى ءتيىس. ورتاق ماقسات بار جەردە, ەكونوميكالىق الەۋەت بىرىككەن كەزدە تاۋارلار مەن قىزمەت كورسەتۋلەردىڭ ورتاق رىنوگى قۇرىلادى, سينەرگيانىڭ تەتىكتەرى ىسكە قوسىلادى. قولدا بار الەۋەتتى ءتيىمدى پايدالانۋ جاھاندىق سىن-قاتەرلەر الدىندا وڭىرلىك ەكونوميكالاردىڭ ورنىقتىلىعىن ارتتىرۋعا مۇمكىندىك بەرىپ, ىسكەرلىك, قوعامدىق جانە مادەني بايلانىستاردى كەڭەيتە تۇسەدى, سونىمەن قاتار, كولىكتىك-كوممۋنيكاتسيالىق قۇرىلىمدار دامىپ, ساۋدا-ساتتىققا ىنتا كۇشەيەدى جانە ينۆەستيتسيالىق ءوزارا ءىس-قيمىل مەن ەنەرگەتيكالىق ارىپتەستىك الەۋەتى جوعارىلايدى. قازاقستان – وسى ۇدەرىستەردىڭ بەلسەندى قاتىسۋشىسى. مەملەكەت باسشىسى سوناۋ 1994 جىلى م.لومونوسوۆ اتىنداعى ممۋ-دە نەگىزىندە تىعىز ەكونوميكالىق ءوزارا بايلانىستار جاتقان ناقتى جۇمىس ىستەيتىن بىرلەستىك قۇرۋدى ۇسىندى. كورىپ وتىرعانىمىزداي, بۇل جوبا تابىستى جۇزەگە اسىرىلۋ ۇستىندە. قازاقستان, رەسەي جانە بەلارۋس ءوزارا ءىس-قيمىلدىڭ جاڭا دەڭگەيىنە كوتەرىلىپ وتىر. ءبىزدىڭ ەلىمىز ءۇشىن بۇل – دسۇ-عا كىرەر الدىندا باسەكەلەستىك ارقىلى كاسىپكەرلەردى شىڭداۋدىڭ جاقسى مۇمكىندىگى. ارينە, بۇل جەردە 170 ملن. ادامدىق كەڭ اۋقىمدى رىنوكتىڭ مۇمكىندىگى دە ماڭىزدى بولىپ تابىلادى. تۇتاستاي العاندا, جاھاندىق رىنوكتارعا جاقىن وڭىرلەردەگى ينتەگراتسيا تابىستىراق جۇزەگە اسىرىلادى. بۇعان مىسال رەتىندە ورتالىق امەريكا مەن كاريب باسسەينى, سولتۇستىك افريكا, شىعىس ەۋروپا ەلدەرىن كەلتىرۋگە بولادى. ينتەگراتسيالىق ۇدەرىستەردى بەلسەندىلەندىرۋ تۇرعىسىنان كەلگەندە, ءوزىنىڭ ءىرى رىنوكتارى بار وڭىرلەر مەن ەلدەر – ازيا, وڭتۇستىك امەريكا, وڭتۇستىك افريكا, ءۇندىستان جانە قىتاي پەرسپەكتيۆالى بولىپ سانالادى. ەۋرازيالىق ينتەگراتسيا ينستيتۋتى دايىنداعان ەۋرازيالىق ينتەگراتسيا ينستيتۋتى دايىنداعان2 «ەگەمەن قازاقستان» ءوزىنىڭ وقىرماندارىن الەمدەگى جەتەكشى ينتەگراتسيالىق بىرلەستىك­تەر­دىڭ قىزمەتى تۋرالى اقپاراتتارمەن تانىس­تىرۋىن جالعاستىرادى.