ونىڭ ايتۋىنشا, مۇناي-گاز-حيميا زاۋىتىن 2025 جىلعا قاراي پايدالانۋعا بەرۋ جوسپارلانىپ وتىرعان كورىنەدى.
وسىلايشا, وڭدەۋ ونەركاسىبىنىڭ جوعارى تەحنولوگيالىق ونىمدەرىن شىعارۋعا جول اشىلادى.
ەنەرگەتيكالىق كەشەندى بەلسەندى جاڭعىرتۋ ارقىلى ەلەكتر ەنەرگياسىن ءوندىرۋدىڭ جالپى كولەمىندەگى جاڭارتىلاتىن ەنەرگيا كوزدەرىنىڭ ۇلەسى 6%-عا جەتەدى. قابىلدانعان شارالار ناتيجەسىندە وڭدەۋ ونەركاسىبى ونىمدەرىنىڭ ءوندىرىسى 1,5 ەسەگە ارتادى. شيكىزاتتىق ەمەس ەكسپورت 2 ەسەگە ۇلعايىپ, 2025 جىلى 41 ملرد دوللاردى قۇرايدى, دەپ اتاپ ءوتتى ۇلتتىق ەكونوميكا ءمينيسترى.
سونىمەن قاتار شيكىزاتتىق ەمەس سەكتوردىڭ نەگىزگى كاپيتالىنا ينۆەستيتسيالاردى 75% ارتتىرۋ دا جوسپاردا بار.
ناتيجەسىندە ەكونوميكاداعى ەڭبەك ونىمدىلىگى 1,2 ەسەگە وسەدى. ەنەرگەتيكالىق كەشەندى جاڭعىرتۋ ەسەبىنەن 2000 مەگاۆاتت جاڭارتىلاتىن ەنەرگيا كوزدەرىنىڭ قوسىمشا قۋاتتارىن ىسكە قوسۋ جۇزەگە اسىرىلاتىن بولادى, دەدى اسەت ەرعاليەۆ.
