بۇل تۋرالى «موي گورود» باسىلىمى ءمالىم ەتتى.
وبلىستىق دەنساۋلىق ساقتاۋ باسقارماسىنىڭ بۇرىنعى باسشىسى سوت بارىسىندا كىناسىن مويىنداعان جوق. بىراق 3 شىلدە كۇنى سۋديا بولاتبەك كايۋپوۆتى قر قك-ءنىڭ 366-بابى «پارا الۋ» بويىنشا كىنالى دەپ تانىپ, قاۋىپسىزدىگى بارىنشا تومەن كولونيادا 4 جىل 6 ايعا باس بوستاندىعىنان ايىرعان بولاتىن. سونىمەن قاتار, وعان ءومىر بويى مەملەكەتتىك قىزمەتتە جۇمىس ىستەۋگە تىيىم سالىنعان. ال اپەللياتسيالىق القا ءبىرىنشى ساتىداعى سوتتىڭ شەشىمىن كۇشىندە قالدىردى.
«مەملەكەتتىك قىزمەت تۋرالى» زاڭعا سايكەس قاراماعىنداعى قىزمەتكەرى سىبايلاس جەمقورلىق جاساعانى ءۇشىن جاۋاپتى باسشى وتستاۆكاعا كەتۋى ءتيىس. وسىعان سايكەس دەنساۋلىق ساقتاۋ سالاسىنا جاۋاپتى وبلىس اكىمىنىڭ ورىنباسارى ايدار نۇرعاليەۆ وتستاۆكاعا ءوتىنىش ءبىلدىردى. ال اكىم عالي ەسقاليەۆ ءوز ورىنباسارىنىڭ وتستاۆكاسىن قابىلداپ, ونى قىزمەتىنەن بوساتتى.
«بولاتبەك قايىپوۆقا قاتىستى سوتتىڭ ايىپتاۋ ۇكىمى شىقتى. وسىعان بايلانىستى ايدار نۇراليەۆ وتستاۆكاعا كەتۋگە مىندەتتى بولدى. مەنىڭ بىلۋىمشە, ونىڭ وتستاۆكاعا كەتۋى قابىلداندى, نۇراليەۆتى قىزمەتىنەن بوساتۋ تۋرالى وكىم بار. بۇگىن ءبىزدى رەسمي حاتپەن حاباردار ەتۋى كەرەك», دەدى قر مەملەكەتتىك قىزمەت ىستەرى اگەنتتىگىنىڭ بقو بويىنشا دەپارتامەنتىنىڭ باسشىسى عالىم تۇرسىنباەۆ.
ايتا كەتەيىك, ايدار نۇراليەۆ وبلىس اكىمىنىڭ ورىنباسارى قىزمەتىندە ءبىر جىلدان استام ۋاقىت جۇمىس ىستەدى. ول 2020 جىلدىڭ ماۋسىم ايىندا تاعايىندالعان بولاتىن.
