يننوۆاتسيا كەپىلى

الەمنىڭ دامىعان ەلىندە يننوۆاتسيالىق جاڭا جوبالاردى ەكونوميكانىڭ, جاڭا تەحنولوگيانىڭ جەتىستىكتەرى رەتىندە قارايتىندىعى بەلگىلى, ويتكەنى يننوۆاتسيا دەگەنىمىز – ەڭبەك ونىمدىلىگىن ايتارلىقتاي ارتتىراتىن ءىس. اسىرەسە, ين­نوۆاتسيالىق ءبىلىم تەحنولوگيالارىن ءومىر سالالارىنا ەنگىزۋ – جاڭالىقتىڭ جارشىسى بولىپ تابىلادى. مىنە, بۇل ورايدا ەلباسى جولداۋىندا ايتقانداي, يننوۆاتسيالىق تەحنولوگيالاردى دامىتۋ, جاڭا باس­­تا­مالاردى ومىرگە ەندىرۋ جالپى­ ەلىمىزدى دامىتۋدىڭ جولدارى. سونىڭ ءبىر دالەلىندەي, جاقىندا پرەزيدەنت جانىنداعى مەملەكەتتىك باسقارۋ اكادەمياسىندا دا العاش رەت «ا» كورپۋسىنىڭ مەملەكەتتىك قىزمەتشىلەرىن ونلاين-قاشىقتىقتان وقىتۋ» يننوۆاتسيالىق جوباسى ءوز جۇمىسىن باستادى. بۇل تىنىمسىز دايىندىق جۇمىستارى ارقاسىندا جۇزەگە اسىرىلعان ەكەن. وسىلايشا اكادەميادا شەتەلدەردىڭ جەتەكشى عىلىمي ورتالىقتارىنىڭ ين­نو­ۆاتسيالىق تەحنولوگيالارى­نا نەگىزدەلگەن, «ا» كورپۋسىن­ وقىتۋ ءۇشىن ىرگەلى, ءىس-تاجىريبەگە ۇشتاستىرىلعان ونلاين-قا­شىق­تىقتان مودۋلدەرى قۇراستىرىلعان كورىنەدى. ءسويتىپ, اتالعان باسقارۋ اكادەمياسى ءوزىنىڭ قازىرگى كوم­مۋ­نيكاتسيالىق جابدىقتارىن پايدالانا وتىرىپ, «ا» كورپۋسىنىڭ باسقارۋشىلارىنا قازاقستان رەسپۋبليكاسىنداعى ستراتەگيالىق جوسپارلاۋ مەن بيۋدجەتتەۋ; مەملەكەتتىك ورگاندارداعى كادر­لار مەنەدجمەنتى; باسقارۋشىلىق شەشىمدەردى ازىرلەۋ مەن قابىلداۋ پاندەرىن زەردەلەۋ بويىنشا يننوۆاتسيالىق ءبىلىم تەحنولوگيا­لارى سالاسىنا ەنۋگە مۇمكىندىك بەرگەن. وقۋدىڭ سوڭعى كەزەڭىندە اكادەميانىڭ پروفەسسور-وقى­تۋ­شىلار قۇرامى, كۋرستىڭ تىڭ­داۋ­شىلارى بىرقاتار ترەنينگتەر, اتاپ ايتقاندا, اكادەميانىڭ پسيحولوگ وقىتۋشىلارىنىڭ باسشىلىعىمەن «ا» كورپۋسىنىڭ مەملەكەتتىك قىزمەتشىلەرىنىڭ قۇزىرەتتىگىن دامىتۋ ءۇشىن كوۋچ-ترەنينگتەر ۇيىمداستىرىپ, وتكىزەدى. ال اكادەميا «ا» كورپۋسى ءۇشىن ولاردىڭ كاسىبي, باسقارۋشىلىق جانە تۇلعالىق قۇزىرەتتەرىن ءتيىمدى ىسكە اسىرۋعا مۇمكىندىك بەرەتىن ءبىلىمدى قالىپتاستىرۋ ماقساتىندا قولايلى جاعداي تۋعىزادى. وقىتۋ بارىسىندا تاجىريبەلىك قۇرام بولىگى وقيتىندار ءۇشىن كەيستەر دايىنداۋ تۇرىندە ايقىندالاتىن بولادى دەيدى. كەيستەرمەن جۇمىس «ا» كورپۋسىنا العاش تاعايىندالعان مەملەكەتتىك قىزمەتشىلەرگە كوماندامەن جۇمىس ىستەۋ, ءتيىمدى باسقارۋشىلىق شەشىمدەردى قابىلداۋ, اقپارات كوزدەرىمەن جانە تىعىز ۋاقىت شەڭبەرىندە جۇمىس ىستەي ءبىلۋ داعدىلارىن كورسەتۋىنە مۇمكىندىك بەرەتىندىگى ءسوزسىز. كۋرستى ويداعىداي يگەرگەن مەملەكەتتىك قىزمەتشىلەرگە قايتا دايارلاۋدان وتكەنىن راستايتىن قۇجات تاپسىرىلادى. ءسويتىپ, وسى جىلى «ا» كورپۋسىنا العاش تاعايىندالعان اكىمشىلىك مەملەكەتتىك قىزمەتشىلەردىڭ 5 قايتا دايارلاۋ كۋرسىن ۇيىمداس­تى­رۋ جوسپارلانعان. اتاپ ايتا كەتەر ءجايت, بۇل جوبانى ىسكە اسى­رۋ مەملەكەت باسشىسىنىڭ مەم­لەكەتتىك قىزمەتشىلەردى وقىتۋ ءۇردىسىن جاڭعىرتۋعا بايلانىستى ناقتى تاپسىرمالارىن ورىنداۋعا نەگىزدەلگەن. الەكساندر تاسبولاتوۆ, «ەگەمەن قازاقستان».