«وتباسىمنىڭ» تۇساۋكەسەرى

استاناداعى تاۋەلسىزدىك سارايىندا «وتباسىم» ۇلتتىق قۇندىلىقتار ورتالىعىنىڭ تۇساۋكەسەر راسىمىنە ارنالعان شارا ءوتتى. اتالعان شارا مىڭ بۇرالعان قازاق بيىمەن اشىلدى. «بۇگىنگى وتكىزىلىپ وتىرعان يگى شارا بارشامىزدىڭ وتباسىمىزعا, ۇشقان ۇيامىزعا دەگەن قۇرمەتىمىز» دەپ بىلەمىن. وتباسىنىڭ ەڭ باستى پارىزى ۇلاعاتتى ۇرپاق تاربيەلەۋ. سوندىقتان ۇلتتىق كوميسسيانىڭ جانىنان حالقىمىزدىڭ سالت-ءداستۇرىن ناسيحاتتايتىن «وتباسىم» ورتالىعىن قۇرۋ شەشىمى قابىلدانعان-دى. بۇگىن ءبىز ءوز قىزمەتىن باستاعان ورتالىقتىڭ العاشقى قادا­مىنا ءسات-ساپار تىلەپ وتىرمىز», دەدى جيىننىڭ اشىلۋ سالتاناتىندا ءسوز العان پرەزي­­­دەنت جانىنداعى ايەل­دەر ىستەرى ءجا­نە وتباسىلىق-دەمو­­گرافيالىق سايا­­­سات ءجونىن­­­دەگى ۇلتتىق كوميسسيانىڭ ءتورايىمى ماحاببات بەكبوسىنوۆا. تۇساۋكەسەر باعدارلاماسىنا وراي قازاق­تىڭ «قىز ۇزاتۋ» جانە «كەلىن ءتۇسىرۋ» ءداس­تۇرلەرىنەن كورىنىستەر ۇسى­نىلدى. سونى­مەن قاتار, تانىمال وتاندىق ديزاينەر ايدارحان قاليەۆتىڭ « ۇلى دالا ارۋلارى» اتتى بىرەگەي توپ­تاماسى جيىلعان جۇرت نازارىنا ۇسىنىلدى. ونەرتانۋ عىلىمدارىنىڭ كانديداتى, دوتسەنت ا.قاليەۆ «اسىل-ديزاين» ءسان ءۇيىنىڭ نەگىزىن قالاۋشى ءارى باس ديزاينەرى. ونىڭ اۆتورلىق توپتامالارى الىس-جاقىن شەتەلدەردە وتكەن دۇنيەجۇزىلىك جانە حالىقارالىق كورمەلەر مەن فورۋمداردا قازاق ەلى اتىنان ۇسىنىلعان. سونداي-اق, ول الپىستان اسا يميدجدىك جانە ماۋسىمدىق توپتامالاردىڭ دا اۆتورى ەكەن. ««وتباسىم» بۇل – ۇلتتىق قۇندى­لىق­تاردى جاڭعىرتۋ مەن ناسيحاتتاۋ ىسىنە جۇ­مىس ىستەيتىن قوعامدىق ۇيىم. سونى­مەن بىرگە, قازاقستاندىق وتباسى ءۇشىن حالقى­مىز­دىڭ مادەني مۇراسىن دامىتۋعا ۇلەس قوسۋ ەكەنىن دە ايتا كەتسەك دەيمىز. ءابدىراحمان قىدىربەك, «ەگەمەن قازاقستان».