پرەزيدەنت كۋبوگى

“استانا-ارەنا” جاسىل الا­ڭىن­داعى اقتىق فينالعا 12 مىڭعا جۋىق جانكۇيەر جينال­دى. ولار­دىڭ الدىندا سەربيا اياقدوپ شە­بەرلەرى رەسەيدىڭ “زەنيت” (سانكت-پەتەر­بۋرگ) كومانداسىن 7:0 ەسەبى­مەن وي­سىراتا جەڭدى. ەندى ءبىر رەسەيلىك كلۋب “تسسكا” (ماسكەۋ) قولا ءجۇل­­دەنى ەنشىلەدى. ولار ءۇشىنشى ورىن ءۇشىن تارتىسى مول بولعان ماتچتا ەلىمىزدىڭ “تسەسنا” (استانا) كومان­داسىنان ماتچ سوڭىن­داعى پەنال­تيدە 8:7 ەسەبى­مەن ۇتتى. ويىن­نىڭ نەگىزگى ۋاقى­تى 1:1 ەسەبىمەن تەڭ اياقتالعان بولاتىن. قالعان ءجۇل­دەلەردى ءتۇر­كيانىڭ “گالا­تا­ساراي”, وزبەك­ستاننىڭ “بۋ­نNد­كور” (تاش­كەنت), ءازىر­باي­جاننىڭ “باكى” جانە قىتاي­دىڭ “شۇار-94” كومان­داسى يەلەندى. اقتىق ويىننان كەيىن جۇلدە­گەرلەردى ماراپاتتاۋ ءراسىمى ءوتتى. ونى قازاقستان فۋتبول فەدەرا­تسياسىنىڭ باس حاتشىسى س.حاميت­جانوۆ پەن “نۇر وتان” حدپ ورتالىق اپپاراتى جەتەكشىسىنىڭ ءبىرىنشى ورىنباسارى ق. اقساقالوۆ بىرلەسە وتىرىپ جۇرگىزدى. مۇندا ولار سەربيا كومانداسىنىڭ كاپي­تانى ماركو پاۆلوۆسكيگە قازاق­ستان رەسپۋبليكاسى پرەزي­دەنتى­نىڭ كۋبوگىن تابىس ەتتى. ال رەسەيلىك “زەنيت” كومان­داسى كۇمىس, “تسسكا” قولا جۇلدەنى قاناعات تۇتتى. تۋرنير قورىتىندىسىندا ۇزدىك قاقپاشى دەپ دانيل كوۆالەۆ (“تسسكا”), ۇزدىك قورعاۋشى – وگنەن پوپا­ديچ (“سەربيا”), ۇزدىك جارتىلاي قورعاۋشى– رەنات حاي­رۋللين (“تسەس­نا”), ۇزدىك شابۋىل­شى– يگور ەلين (“زەنيت”), ال كورەرمەندەر ىقىلا­سىنا دەپ قىتايدىڭ “شۇار-94” كو­­مان­دا­سىنىڭ قاقپاشىسى  ەرجەت ەرزات ۇلى تانىلدى. مەرگەن شابۋىل­­شى اتاعىنا 8 دوپ اۆتورى اتانعان سەر­بيا­لىق نيكولا نينكو­ۆيچ يە بولدى. ايتا كەتەتىن ءجايت, وسى تۋر­نيرگە 1994 جىلدان كەيىن ومىرگە كەلگەن دارىندى بالالار قاتىسقان ەدى. بۇل حالىقارالىق جارىس كەلە­شەكتە دە جالعاسا بەرمەك, دەيدى ونى ۇيىمداستىرۋشىلار. جاندوس مەديمانوۆ.