وقيعا • 09 قازان، 2021

قىزىل كىتاپقا ەنگەن اققۋدى اتقاندار ۇستالدى

285 رەت كورسەتىلدى

اقمولا وبلىسىندا قىزىل كىتاپقا ەنگەن اققۋدى اتقاندار ۇستالدى، دەپ حابارلايدى Egemen.kz Polisia.kz-كە سىلتەمە جاساپ.

7 قازاندا ەگىندىكول اپب كەزەكشى بولىمىنە اۋماقتىق ورمان شارۋاشىلىعى قىزمەتكەرىنەن تەلەفون حابارلاماسى كەلىپ ءتۇستى.

ول «جۇلدىز» اڭشىلىق شارۋاشىلىعى اۋماعىندا بەلگىسىز تۇلعالاردىڭ زاڭسىز اڭ اۋلاۋمەن اينالىساتىنىن حابارلادى. وقيعا ورنىنا دەرەۋ كەلگەن پوليتسيا قىزمەتكەرلەرى 41 جانە 42 جاستاعى نۇر-سۇلتان قالاسىنىڭ ەكى تۇرعىنىن انىقتادى.

وقيعا بولعان جەردى تەكسەرۋ بارىسىندا پوليتسيا قىزمەتكەرلەرى ءبىر اققۋ ۇشاسىن، ۇستالعاندارعا تىركەلگەن ەكى مىلتىقتى، سونداي-اق گيلزالاردى، 60-تان استام پاتروندى، پاترونتاشتى تاركىلەدى. الدىن الا شىعىن 5 ملن 250 مىڭ تەڭگەنى قۇرايدى.

قازىرگى ۋاقىتتا زاڭسىز اڭ اۋلاۋ فاكتىسى بويىنشا ەگىندىكول اپب تەرگەۋ ءبولىمى قر قك 337-بابى بويىنشا سوتقا دەيىنگى ءىس باستادى. ساراپتاما تاعايىندالدى.

ەستەرىڭىزگە سالا كەتەيىك، ايماقتا بۇل سۋدا جۇزەتىن قۇستاردى اۋلاۋعا تىيىم سالىنعان. اققۋلار سيرەك كەزدەسەتىن جانە قۇرىپ كەتۋ قاۋپى تونگەن جانۋارلار تۇرلەرىنىڭ تىزىمىنە جاتادى جانە قازاقستان رەسپۋبليكاسىنىڭ قىزىل كىتابىنا ەنگىزىلگەن.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار