پاۆلودار وبلىسى ىلعي دا كوكونىسىمەن, ەتىمەن تانىمال بولعان. ەلوردا تۇرعىندارىنا قاجەتتى ازىق-ت ۇلىك وسى دەمالىس كۇندەرى تاڭعى 9-دان 18:00-گە دەيىن ساتىلادى.
ء«بىز 550 توننا اۋىلشارۋاشىلىق ونىمدەرىن اكەلدىك. نەگىزىنەن بۇل كارتوپ, ءسابىز, ەت جانە ت.ب», دەدى پاۆلودار وبلىسى اۋىل شارۋاشىلىعى باسقارماسىنىڭ باسشىسى نۇربولات ماقاشەۆ.
ء«بىز جارمەڭكە تۋرالى سان مارتە ەستىدىك. بىراق باراتىن مۇمكىندىگىمىز بولمادى. ال بۇگىن ۋاقىت تاۋىپ كەلىپ وتىرمىز. جارمەڭكەنىڭ اپتا سايىن وتەتىنى جاقسى», دەدى ەلوردا تۇرعىنى اسەمگۇل.
پاۆلودار وبلىسى تاۋار اكەلىپ قانا قويماي, قازاق دالاسىندا تانىمال بولعان جارمەڭكەلەر جايلى تاريحتان سىر شەرتتى. ارنايى ستەند ۇيىمداستىرىلدى, وندا تالانتتى ونەرپازدار ءوز ونەرىن ورتاعا سالدى, كۇمبىرلەگەن كۇي ورىندالىپ, جارمەڭكەلەردىڭ ءداستۇرى مەن تاريحى تۋرالى ايتتى.
«پاۆلودار كارتوبىمەن تانىمال. اسسورتيمەنتتىڭ ۇلكەن توبى – كوكونىس توبى. سونداي-اق, وبلىس باكالەيا, ەت-ءسۇت ونىمدەرىن اكەلدى. جارمەڭكە بارىسىندا 3 مىڭ تونناعا جۋىق ءونىم ساتىلدى. رەسپۋبليكانىڭ بارلىق وڭىرىنەن 420-دان استام كاسىپكەر قاتىستى», دەدى نۇر-سۇلتان قالاسى كاسىپكەرلىك باسقارماسىنىڭ باسشىسى رۋسلان ىدىرىسوۆ.
مۇنداي جارمەڭكەلەر قالا تۇرعىندارى ءۇشىن تاۋارلاردى قولايلى باعامەن ساتىپ الۋعا تاماشا مۇمكىندىك بەرەدى.
جارمەڭكەدە سانيتارلىق نورمالار تولىقتاي ساقتالعان. ىڭعايلى بولۋ ءۇشىن مۇندا قوزعالىس باعىتى دا كورسەتىلگەن, الەۋمەتتىك قاشىقتىقتى ساقتاۋعا ارنالعان بەلگىلەر دە جوق ەمەس, ال تۋرنيكەتتەردە قول گيگيەناسىنا ارنالعان سانيتايزەرلەر ورناتىلعان. سونداي-اق, كەلۋشىلەرگە كارانتيندىك شارالاردى, ونىڭ ىشىندە ماسكا رەجيمىن ساقتاۋدى ەسكە سالاتىن باننەرلەر بار.
ەلوردادا بيىل الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ ءۇشىن كوكونىستەر مەن جەمىستەردىڭ ءپىسۋ ۋاقىتىنا ساي 14 جارمەڭكە وتكىزۋ جوسپارلانعان. اۋىل شارۋاشىلىعى وڭىرلىك جارمەڭكەلەرىنىڭ ماۋسىمى نۇر-سۇلتاندا 31 قازانعا دەيىن جالعاسادى. 21 تامىزدان باستاپ ەلورداداعى جارمەڭكەلەردە تۇركىستان, باتىس قازاقستان, شىعىس قازاقستان, قىزىلوردا, الماتى, اتىراۋ, ماڭعىستاۋ, جامبىل, اقتوبە جانە قاراعاندى وبلىستارىنىڭ اۋىلشارۋاشىلىق تاۋار وندىرۋشىلەرى ءوز ونىمدەرىن ۇسىندى.
