كاسپي تەڭىزىنىڭ جاعالاۋىنداعى قامىس 5 قازاننان بەرى ورتەنىپ جاتىر. قامىس ءورتىن ءسوندىرۋ ءۇشىن 7 قازاندا «مي-8» (امت) ۆسۋ-5 سۋ اعىزۋ قۇرىلعىسى بار تىكۇشاعىمەن اۋەدەن بارلاۋ جۇرگىزىلدى. بارلاۋ كەزىندە قامىس ءورتىنىڭ ەكى فرونتالدى وشاعى انىقتالدى. ءورتتى ءسوندىرۋ ءۇشىن قۇرمانعازى اۋداندىق توتەنشە جاعدايلار ءبولىمى مەن №7 ءورت ءسوندىرۋ ءبولىمىنىڭ جەكە قۇرامىنان 11 قىزمەتكەر, قوسىمشا كۇشتەر مەن قۇرالدار تارتىلدى.
«جەكە قۇرامنىڭ قىزمەتكەرلەرى 7 قازاندا ساعات 12:30-دان ساعات 17:30-عا دەيىن 12 گەكتار اۋماقتىڭ ءورتىن ءوشىردى. ال, 8 قازاندا كاسپي تەڭىزىنىڭ جاعالاۋىندا جانىپ جاتقان ءورت وشاقتارىن ءسوندىرۋ جۇمىستارىنا وبلىستىق توتەنشە جاعدايلار دەپارتامەنتىنىڭ 23 قىزمەتكەرى, 4 بىرلىك تەحنيكا, 4 موتوسورعىش جۇمىلدىرىلدى. جانۋ وشاعىنا جاقىن ورنالاسقان سۋ كوزىن ىزدەۋ ماقساتىندا «قازاۆياقۇتقارۋ» اق باتىس وڭىرلىك فيليالىنىڭ «مي-871» تىكۇشاعى ساعات 12:12-دە اۋەگە كوتەرىلىپ, 5 شاقىرىم قاشىقتا ورنالاسقان سۋ قويماسىن انىقتادى. سۋ قويماسىنان سۋ تاسۋ ارقىلى «مي-871» تىكۇشاعى ۆسۋ-5 سۋ اعىزۋ قۇرىلعىسىمەن جانۋ وشاقتارىنا اۋەدەن 30 توننا سۋ توگىلدى. ءورتتىڭ جالپى اۋماعى 150 گەكتاردى قۇرادى. جالىن شارپىعان 50 گەكتار اۋماقتاعى ءورت ءسوندىرىلدى» دەپ حابارلادى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
