ەكسپورتشىلارىمىزدىڭ جاعدايىن جاقسارتادى

«قاينار-اكب» جشس-ءنىڭ ۇجىمى تەڭگە باعامىنىڭ تومەندەۋى جاعدايىندا ۇتىسقا شىعادى. ويتكەنى, ءبىز ەكونوميكانىڭ شيكىزاتتىق ەمەس سەكتورىندا ەكسپورتشى بولىپ تابىلامىز. جشس ءوزىنىڭ الدىنا دايىن ءونىمدى – قازاقستاندا وندىرىلەتىن بارلىق قورعاسىندى اككۋمۋلياتور باتارەيالارىنا اينالدىرۋ تۋرالى مىندەت قويدى. تەڭگە باعامىنىڭ تومەندەۋى «قاينار» ءۇشىن وڭتايلى جاعداي قالىپتاستىرماق, سەبەبى, دايىن ءونىمنىڭ 70 پايىزدان استامى ەكسپورتقا شىعارىلادى. س.اجماعامبەتوۆ, باس ديرەكتور.  *  *  * قازاقستان ۆاليۋتاسىنا ەنگىزىلگەن تۇزەتۋ ونىمدەرى ەكسپورتقا باعدارلانعان «قازاقمىس» سەكىلدى ءىرى وتاندىق وندىرىستىك كومپانيالار ءۇشىن وڭ ىقپال ەتەتىن بولادى. ينۆەستيتسيالىق تارتىمدىلىعى ارتىپ, سىندارلى يمپورت الماستىرۋ جانە جاڭعىرتۋ باعدارلامالارىن جۇزەگە اسىرۋ ءۇشىن وڭتايلى جاعداي قالىپتاسادى. تەڭگە باعامىن تۇزەتۋ بويىنشا قا­دام­­دار 60 مىڭنان استام ادام جۇمىس ىستەيتىن «قازاقمىس» سياقتى قازاقستاندىق وندىرىسشىلەردىڭ احۋالىنا وڭ اسەر ەتەتىن بولادى. «قازاقمىس» باسشىلىعى. *  *  * تاۋ-كەن مەتاللۋرگياسى سالاسىندا اسا ءىرى كا­سىپورىن بولا وتىرىپ, «ارسەلورميتتال تە­مىرتاۋ» اق ۇلتتىق بانك جۇرگىزگەن اقش دوللارىنا قاتىستى تەڭگە باعامىن تۇزەتۋدى قولدايدى. جاھاندىق قارجى داعدارىسى رىنوكتاعى جاعدايمەن تىكەلەي بايلانىستى. سوندىقتان تەڭگەنىڭ جاڭا ايىرباس باعامى بىزگە دە, ەكسپورتقا باعدارلانعان باسقا ءىرى وندىرىستىك كومپانيالارعا دا وڭ ىقپال ەتەتىنىنە سەنىمدىمىز. ۇلتتىق ۆاليۋتانىڭ تۇزەتىلگەن ايىرباس باعامى ءبىزدىڭ عانا ەمەس, بۇكىل قازاقستان ەكسپورتشىلارىنىڭ باسەكەگە قابىلەتتىلىگىن ارتتىراتىنىنا ەش كۇمان جوق. «ارسەلورميتتال تەمىرتاۋ» اق ۇجىمى. *  *  * سارىادىر كومىر كەن ورنى رەسەي فەدەراتسياسىنا كومىر ونىمدەرىن ەكسپورتتايتىن, سونداي-اق, تۇرعىندارعا كوممۋنالدىق-تۇرمىستىق كومىر جەتكىزۋشىلەر مەن قازاقستانداعى مەملەكەتتىك جانە كوممەرتسيالىق كاسىپورىنداردى كومىرمەن قامتاماسىز ەتەتىن ءىرى كاسىپورىننىڭ ءبىرى بولىپ تابىلادى. سارىادىر كەن ورنىنىڭ ۇجىمى دوللاردىڭ تەڭگەگە قاتىستى جاڭا باعامى كومىر ونىمدەرىنە جانە تۇتاستاي العاندا, كاسىپورىن ەكونوميكاسىنا وڭ ىقپال ەتەتىنىنە سەنىمدى. سارىادىر كومىر كاسىپورنىنىڭ ۇجىمى.  *  *  * «قازفوسفات» جشس – ەكسپورتقا باع­دارلانعان كاسىپورىن. وندا 6200 ادام جۇمىس ىستەيدى. كومپانيا تەك وڭىردەگى الەۋمەتتىك تۇراقتىلىقتى قامتاماسىز ەتەتىن قالا قۇراۋشى كاسىپورىن عانا ەمەس, سونداي-اق, وبلىس بيۋدجەتى ءتۇسىمىنىڭ 30 پايىزدان استامىن بەرەتىن اسا ءىرى سالىق تولەۋشىنىڭ ءبىرى بولىپ تابىلادى. ال قازاقستان ۇلتتىق ۆاليۋتاسى باعامىنىڭ تومەندەۋى ءبىزدىڭ «قازفوسفات» سەكىلدى ەكسپورتقا باع­دارلانعان كاسىپورىن ءۇشىن وتە ءتيىمدى بولماق. ءويت­كەنى, باسەكەگە قابىلەتتىلىگىمىز ارتادى. بۇل ءوز كەزەگىندە دامۋعا جاڭا سەرپىن قوسادى. سو­نى­­مەن قاتار, كومپانيانىڭ تۇرىپ قالعان زاۋىت­­تارىنىڭ جۇمىسىن قايتا جانداندىرۋعا, ۆا­­ليۋتا-قارجىلىق جۇكتەمەسىنە قىسىمنىڭ ءتو­مەن­دەۋىنە مۇمكىندىك بەرەدى. ءسويتىپ, قارجى-شا­رۋا­شىلىق قىزمەتىمىزدە تۇراقتىلىققا قول جەتكىزىلمەك. «قازفوسفات» جشس باسشىلىعى.     تەڭگە باعامىنا تۇزەتۋلەر ەنگىزىلۋى ناتيجەسىندە قازاقستاندىق كومپانيالار قازاقستان اۋماعىنداعى رەسەي جانە قىتاي كومپانيالارىنىڭ اگرەسسيۆتى دەمپينگتىك ساياساتىمەن نارىقتىق كۇرەستە ايتارلىقتاي رەزەرۆتەر الادى. بۇل قازاقستاننىڭ دۇنيەجۇزىلىك ساۋدا ۇيىمىنا كىرۋىنە وپتيميستىك تۇرعىدان قاراۋىنا دا مۇمكىندىك بەرەدى. ويتكەنى, قازاقستاندىق كومپانيالار بۇرىنعىعا قاراعاندا اناعۇرلىم باسەكەگە قابىلەتتى بولا تۇسەدى. ەدۋارد ل.كرايمەر, KSP Steel كومپانياسىنىڭ باس ديرەكتورى.    *  *  * قازاقستان ۇلتتىق ۆاليۋتاسى باعامىن تومەندەتۋ قازاقستان ەكونوميكاسىن الەمدىك داعدارىستان قورعايتىن جانە وتاندىق وندىرۋشىلەردىڭ ەكونوميكالىق وسىمگە قول جەتكىزۋىن قولدايتىن شارا بولىپ تابىلادى. ماسەلەن, رەسەي بانكى دە مۇنداي قادامعا بىرنەشە مارتە باردى. ەندى «كازتسينكتى» قوسا العاندا, قازاقستاندىق كوپتەگەن كاسىپورىنداردىڭ باسەكەگە قابىلەتتىلىگى ارتادى دەپ پايىمدايمىز. سونىمەن قاتار, يمپورت كولەمى ازايسا, بۇل يمپورت الماستىرۋ ساياساتىن جۇرگىزۋگە مۇمكىندىك بەرەدى. مۇنىڭ ەل بيۋدجەتى ءۇشىن دە تيىمدىلىك اكەلەتىنى ءسوزسىز. وسى قاتاردا ءبىزدىڭ كومپانياعا دا ءوزىنىڭ قىزمەتكەرلەرى مەن ارىپتەستەرى, مەملەكەت الدىنداعى مىندەتتەمەلەرىن تولىق ورىنداۋعا, كومپانيانىڭ بولاشاعى تىكەلەي بايلانىسى بارلىق ينۆەستيتسيالىق جوبالاردى جۇزەگە اسىرۋعا جاعداي تۋعىزادى. بۇل شارانىڭ باستى ارتىقشىلىعى, ءبىزدىڭ پىكىرىمىزشە, مەملەكەتتىڭ التىن-ۆاليۋتا رەزەرۆىن ساقتاۋ بولىپ تابىلادى. ال التىن-ۆاليۋتا قورى – ەل تۇراقتىلىعى مەن ونىڭ ودان ءارى ورنىقتى دامۋىنىڭ كەپىلى. «كازتسينك» جشس-ءنىڭ ۇجىمى.     *  *  * ەت پەن ءسۇت ونىمدەرىن وندىرەتىن قازاقستانداعى اسا ءىرى كومپانيالاردىڭ ءبىرى – «رۋبيكوم» جشس-ءنىڭ ۇجىمى تەڭگە باعامىنىڭ اقش دوللارىنا قاتىستى تۇزەتىلۋى وتاندىق تاۋار وندىرۋشىلەردىڭ باسەكەگە قابىلەتتىلىگىن جاقسارتۋى ءتيىس دەپ ەسەپتەيدى. مۇنىڭ ەكسپورتشىلارمەن قاتار, يمپورت الماستىرۋشى ءونىم وندىرەتىندەرگە دە تىكەلەي قاتىسى بار. «بۇل ءبىزدىڭ ناق كەدەن وداعى شەڭبەرىندە, ونىڭ ىشىندە رەسەي رىنوگىندا  ءوزىمىزدىڭ شەبىمىزدى كۇشەيتۋگە مۇمكىندىك بەرەدى دەپ ەسەپتەيمىز, – دەيدى كاسىپورىن ديرەكتورى يرينا تۋرىگينا. – ارينە, ازىرشە بىزگە ناقتى ساندار تۋرالى ايتۋ قيىن, الايدا مەن ۇلتتىق بانكتىڭ شەشىمىنەن كەيىن ءبىزدىڭ ەكسپورتتىڭ كولەمى كەم دەگەندە 10 پايىزعا ارتادى دەپ وتىرمىز. سەبەبى, ءوزىمىزدى رەسەيلىك باسەكەلەستەرىمىزگە قاتىستى سەنىمدىرەك سەزىنەتىن بولامىز». بۇعان قوسا, كاسىپورىن باسشىسى قازىرگى دۇنيەدە قازاقستان ەكونوميكاسى سىرتقى رىنوكتارعا, ونىڭ ىشىندە رەسەي دە بار, وتە تاۋەلدى ەكەنىن اتاپ كورسەتتى. وسى تۇرعىدان العاندا, ۇلتتىق بانكتىڭ ءىس-ارەكەتى تۇسىنىستىكپەن قابىلداۋعا ابدەن تۇرارلىق قادام. ەكاتەرينا بەسكورسكايا. پاۆلودار.