قازاقستاندىق پاۆيلون الاڭىندا قازستاندارت باسشىلىعىنىڭ امىرلىكتەردىڭ حالىقارالىق اككرەديتتەۋ ورتالىعى (EIAC) جانە موڭعول ستاندارتتاۋ جانە مەترولوگيا اگەنتتىگى (MASM) وكىلدەرىمەن كەزدەسۋلەر ءوتتى.
ىسكەرلىك كەزدەسۋلەر بارىسىندا تاراپتار قازاقستانداعى اۋىل شارۋاشىلىعى ونىمدەرى ساپاسىنىڭ ينفراقۇرىلىمىن, حالال-يندۋستريانى دامىتۋدى تالقىلادى, ال كەزدەسۋلەردىڭ باستى قورىتىندىلارى حالال ونىمدەرىنىڭ سايكەستىگىن باعالاۋ جونىندەگى قازاقستاندىق ورگاندى اككرەديتتەۋ تۋرالى كەلىسىمگە, سونداي-اق ەت جانە ەت ونىمدەرىنىڭ ەكسپورتى سالاسىنداعى ۇلتتىق ستاندارتتاردى تاراتۋ تۋرالى كەلىسىمگە قول قويۋ بولدى.
سونىمەن قاتار 5 قازاندا قازستاندارت پرەزيدەنت – ساۋد ءال-حۋسايبي باستاعان پارسى شىعاناعىنداعى اراب مەملەكەتتەرىنىڭ ىنتىماقتاستىق كەڭەسىنىڭ ستاندارتتاۋ جونىندەگى ۇيىمىنىڭ وكىلدەرىمەن كەزدەستى.
كەزدەسۋ بارىسىندا تاراپتار قازاقستانداعى جانە پارسى شىعاناعى ەلدەرىندەگى اۋىل شارۋاشىلىعى ونىمدەرى ساپاسىنىڭ ينفراقۇرىلىمىن تالقىلادى, بىراق باستى تاقىرىپ قازستاندارت پەن GSO ىنتىماقتاستىعىنىڭ ىقتيمال نۇسقالارى بولدى.
كەزدەسۋ بايلانىس توپتارىن قۇرۋ, ستاندارتتارمەن جانە ولاردى ازىرلەۋ تاجىريبەسىمەن الماسۋ, سونداي-اق ساراپشىلارمەن الماسۋ ءۇشىن تاعىلىمدامالار ۇيىمداستىرۋ سياقتى شارالار كىرەتىن 2021-2022 جىلدارعا ارنالعان ءىس-شارالار جوسپارىنا قول قويىلدى.
قر پاۆيلونى قازاقستاننىڭ ءباا-دەگى تۋريستىك ورتالىعى عانا ەمەس, سونىمەن قاتار ەلىمىزدىڭ ءىرى حالىقارالىق كاسىپورىندارمەن جەمىستى ىنتىماقتاستىققا باعىتتالعان ىسكەرلىك پلاتفورما بولىپ تابىلادى.
