«جانۋارلارعا قاتىگەزدىكتىڭ ءجيى كەزدەسەتىن فاكتىلەرى قوعام مەن ۇكىمەتتىڭ الاڭداۋشىلىعىن ارتتىرادى. مەملەكەت باسشىسىنىڭ وتكەن جىلعى جولداۋىندا كورىنىس تاپقان وسى ماسەلەگە نازار اۋدارۋ دەڭگەيى مەملەكەتتىك رەتتەۋدىڭ ماڭىزدىلىعى مەن قاجەتتىلىگىن كورسەتەدى. زاڭ جوباسى ازاماتتاردىڭ ادامگەرشىلىك تاربيەسىنىڭ يدەولوگياسىن قالىپتاستىرادى. اتاپ ايتقاندا, جانۋارلاردى ۇستاۋدىڭ مورالدىق جانە ادامگەرشىلىگىنىڭ نەگىزگى پرينتسيپتەرى, مىسالى: جانۋارلاردى اۋىرۋ مەن قينالۋعا اكەپ سوقتىراتىن جاراتىلىس رەتىندە قاراۋ; جانۋاردىڭ ءومىرى, دەنساۋلىعى جانە ءال-اۋقاتى ءۇشىن يەسىنىڭ دەربەس جاۋاپكەرشىلىگى; جانۋارلاردى قاتىگەزدىكتەن قورعاۋ; حالىقتىڭ جانۋارلارعا جاناشىرلىق جانە ادامگەرشىلىك قاتىناسقا تاربيەلەۋ. وسى قاعيداتتاردى ىسكە اسىرۋ ءۇشىن تالاپتار مەن ەرەجەلەردى بەلگىلەۋ ارقىلى وسى قۇقىقتىق قاتىناستاردى مەملەكەتتىك رەتتەۋ تەتىكتەرى بەكىتىلەدى», دەدى سپيكەر.
زاڭ جوباسىن ازىرلەۋشىلەر جاڭا زاڭ قازاقستاننىڭ پروگرەسسيۆتى, زاماناۋي مەملەكەت رەتىندەگى ءيميدجىن نىعايتىپ, بارلىق تىرشىلىك يەلەرىنە ادامگەرشىلىك پەن ىزگىلىكتى قاتىناستى تاربيەلەۋگە, ءۇي جانۋارلارىنا قاتىستى تۇرمىستىق زورلىق-زومبىلىقتىڭ الدىن الۋعا مۇمكىندىك بەرەدى دەپ ەسەپتەيدى.
