ءبىلىم • 08 قازان، 2021

نوبەل سىيلىعىنىڭ لاۋرەاتى قازاقستاندىق ستۋدەنتتەرمەن كەزدەستى

95 رەت كورسەتىلدى

ەكونوميكا بويىنشا نوبەل سىيلىعىنىڭ لاۋرەاتى مايكل سپەنس نوبەل فەستيۆالى اياسىندا قازاقستان مەن ورتالىق ازيا ەلدەرىنىڭ ساراپشىلارى مەن ستۋدەنتتەرى الدىندا ءسوز سويلەدى، دەپ حابارلايدى Egemen.kz.

شاراعا بەلگىلى قازاقستاندىق ساراپشىلار مەن ساياساتكەرلەر دە قاتىستى. جيىندى ەكونوميكا مەن ينۆەستيتسيا سالاسىنداعى ساراپشى مارات ءبىرىمجان جۇرگىزدى. جيىن س.سەيفۋللين اتىنداعى قازاتۋ-دا ۇيىمداستىرىلدى.

مايكل سپەنس الەمدىك دەڭگەيدە ەكونوميكا سالاسىن زەرتتەگەن تۇلعا. جانە ونىڭ ءبىرشاما تۇجىرىمدارى ەكونوميكانىڭ نەگىزگى سالالارىنا ەداۋىر ءتيىمدى وزگەرىستەر اكەلگەن. جيىنداعى نەگىزگى تاقىرىپ – ۇلكەن وزگەرىستەردىڭ جاڭا ءداۋىرى حاقىندا بولدى. ونىڭ ىشىندە «جاھاندىق ەكونوميكانىڭ جاڭا ءداۋىرى: تسيفرلىق رەۆوليۋتسيا، ەنەرگيانىڭ اۋىسۋى، كليمات جانە پوليۋستەرىنىڭ كەرى كەتۋى مەن الەمدى ۇرەيلەندىرگەن COVID-19 پاندەمياسى سالدارىنان ەكونوميكانىڭ قايتا تۇلەۋى» بويىنشا دا پىكىرتالاس ۇيىمداستىرىلدى.

سونىمەن بىرگە نوبەل سىيلىعىنىڭ لاۋرەاتى بۇكىل الەم ءۇشىن، قازاقستان مەن ورتالىق ازيا ءۇشىن دە ەكونوميكالىق دامۋعا قاجەتتى ماڭىزدى كورسەتكىشتەرىن ايتىپ، قىسقاشا تالداپ ءوتتى.

ساراپشىلار مەن كورەرمەندەر، جاھاندىق ەكونوميكا، تسيفرلىق دامۋ، ەنەرگەتيكالىق ءوسۋ، ەكولوگيالىق وڭالۋ مەن اۋىل شارۋاشىلىعى جانە ازىق-ت ۇلىك سەكتورىنداعى جاڭا ۇردىستەر بويىنشا دا تۇيتكىلدى ماسەلەلەردى ورتاعا تاستاۋعا مۇمكىندىك الدى.

ساراپشىعا «الەمنىڭ دامۋىنداعى نەگىزگى تاۋەكەلدەردىڭ ءبىرى – ازىق-ت ۇلىك سالاسى مەن ونىڭ داعدارىسى بولماق. ءسىزدىڭ ويىڭىزشا، كليماتتىڭ وزگەرۋى مەن حالىقتىڭ ءوسۋىن ەسكەرە وتىرىپ، بۇل پروتسەسس قانشالىقتى ناشارلاۋى مۇمكىن؟» دەگەن سۇراق قويىلدى. ءوز كەزەگىندە دوكتور مايكل سپەنس ازىق-ت ۇلىك قاۋىپسىزدىگىن ساقتاپ، الەمدى اشتىقتان قورعاۋ ءۇشىن بۇگىننەن باستاپ ەڭبەكتەنۋ كەرەكتىگىن ايتتى. عالىمدار جان-جاقتى ماسەلە كوتەرىپ، عالامدىق جىلىنۋدىڭ الدىن الىپ، ادامنان وزگە تەحنيكانى دا يكەمدەگەنى ابزال ەكەندىگىن باسا ايتتى.

ايتا كەتەيىك، نوبەل فەستيۆالى شاراسىنا قازاتۋ مەن G-Global حالىقارالىق حاتشىلىعى دەمەۋشىلىك تانىتىپ وتىر.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار