ساپاردىڭ نەگىزگى ماقساتى — ددسۇ جاھاندىق بەنچماركينگ قۇرالىنىڭ (ددسۇ جبق) كومەگىمەن قازاقستانداعى رەتتەۋ جۇيەسىنىڭ مارتەبەسىن ايقىنداۋ جانە جۇيەنىڭ كەمەلدىك دەڭگەيىن باعالاۋ.
ددسۇ باعالاۋىنا سايكەس, قازاقستاننىڭ ۇلتتىق رەتتەۋ جۇيەسى مۇمكىن بولاتىن 4-تەن 2-ءنىڭ كەمەلدىك دەڭگەيىن راستادى
بەنچماركينگ نەگىزگى 8 ينديكاتور بويىنشا وتكىزىلدى: ۇلتتىق رەتتەۋ جۇيەسى, تىركەۋ جانە ماركەتينگكە رۇقسات بەرۋ, فارماكولوگيالىق قاداعالاۋ, نارىقتى باقىلاۋ, ليتسەنزيا بەرۋ, رەتتەۋ ينسپەكتسيالارىن وتكىزۋ, زەرتحانالىق رەتتەۋلەر جۇرگىزۋ, كلينيكالىق زەرتتەۋلەردى قاداعالاۋ.
ددسۇ ساپارىنىڭ ميسسياسى — 2018 جىلدان باستاپ تۇزەتۋ ارەكەتتەرىن ورىنداۋدان كەيىنگى ناقتى دەرەكتەردى زەرتتەۋ, ۆاكتسينالار رەتتەلىسىن قاداعالاۋعا ارنالعان باقىلاۋ كورسەتكىشتەرىنىڭ شەڭبەرىن كەڭەيتۋ, قالعان قاجەتتى ءىس-شارالاردى تالقىلاۋ, سونداي-اق قازاقستانداعى دارىلىك زاتتار مەن ۆاكتسينالاردى ۇلتتىق رەتتەۋ جۇيەسىن رەسمي تالداۋعا ارنالعان كەلەشەك قادامدار مەن مەرزىمدەردى كەلىسۋ.
جۇمىس ساپارى بارىسىندا ددسۇ وكىلدەرى قر دسم مەديتسينالىق جانە فارماتسەۆتيكالىق باقىلاۋ كوميتەتىمەن جانە دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىمەن, اتاپ ايتقاندا, بىرقاتار كەزدەسۋ مەن تالقىلاۋ وتكىزدى. بۇدان بولەك, ددسۇ ساپارىنىڭ قورىتىندىلارى بويىنشا قر ۇلتتىق رەتتەۋ ورگانىن كەمەلدەنۋدىڭ 3 دەڭگەيىنە جەتكىزۋدىڭ جول كارتاسى ازىرلەندى جانە بەكىتىلدى.
«بەنچماركينگ جونىندەگى كوميسسيامەن ءبىز بىرقاتار ماڭىزدى تارماقتى تالقىلادىق. ول بويىنشا ءارى قاراي جۇمىسىمىزدى جالعاستىرامىز. ءبىزدىڭ ماقساتىمىز — جۇيەنى كەمەلدىكتىڭ كەلەسى ءۇشىنشى دەڭگەيىنە جەتكىزۋ. ددسۇ جبق جىكتەۋى «تۇراقتى, جاقسى جۇمىس ىستەيتىن جانە ىقپالداستىرىلعان جۇيە» دەگەن ماعىنانى بىلدىرەدى. ساراپشىلار بىرقاتار ماڭىزدى نۇسقاۋ ۇسىندى. ءبىزدىڭ قىزمەتىمىزدىڭ وزىق جاقتارىن جوعارى باعالادى. كەلەسى جىلعى ددسۇ ساپارىندا جۇمىسىمىزدىڭ ناتيجەلەرىن كورسەتۋگە دايىن بولامىز», دەپ ءتۇسىندىردى دزسۇو باس ديرەكتورى ەركەن داۋتباەۆ.
