«ەلىمىزگە 30 تاۋلىكتەن كوپ ۋاقىتقا كەلگەن شەتەلدىكتەرگە ۋاقىتشا تۇرۋعا رۇقسات راسىمدەلەدى. جىل باسىنان بەرى مۇنداي 19 مىڭنان استام رۇقسات راسىمدەلدى. ولاردىقابىلداۋشى تاراپ, ياعني قوناق ۇيلەر, جالعا بەرىلەتىن پاتەرلەر, وقۋ ورىندارى, ەمدەلۋ مەكەمەلەرى, جەكە تۇلعالار ءۇش كۇننىڭ ىشىندە وزگە ەلدىڭ ازاماتىنىڭ كەلگەنى تۋرالى كوشى-قون قىزمەتىنە حابار بەرۋى ءتيىس. بۇل تالاپ بۇزىلعان جاعدايدا قابىلداۋشى تاراپ اكىمشىلىك جاۋاپكەرشىلىككە تارتىلادى», دەدى ول.
ەگەر شەتەلدىك ەلدە رۇقسات ەتىلگەن مەرزىمنەن 10 كۇنگە استام ۋاقىتقا قالسا, اكىمشىلىك حاتتاما تولتىرىلادى. ول بويىنشا 25 اەك ايىپپۇل تولەيدى نەمەسە قازاقستان اۋماعىنان شىعارىلادى.
