وقيعا • 07 قازان، 2021

تالعاردا ەكس-اكىمنىڭ سوتى ءوتىپ جاتىر

98 رەت كورسەتىلدى

الماتى وبلىسى تالعار اۋدانىنىڭ پارا الدى دەگەن كۇدىككە ىلىنگەن بۇرىنعى اكىمى سەرىكجان ەرەكەشەۆتىڭ سوتى ءوتىپ جاتىر، دەپ حابارلايدى Egemen.kz.

قىلمىستىق ءىس سوتقا شىلدەنىڭ سوڭىندا كەلىپ تۇسكەن. تالعار اۋداندىق سوتىنىڭ سۋدياسى ەركەبۇلان كەلىمسەيىتوۆ سوت تالقىلاۋىن 5 تامىزعا تاعايىنداعان. وسى ۋاقىتتان باستاپ سوت وتىرىستارى جالعاسىپ جاتىر، سوڭعى سوت وتىرىسى 6 قازاندا ءوتتى.

سوتتالۋشىلار اراسىندا اۋداننىڭ بۇرىنعى باسشىسى سەرىكجان ەرەكەشەۆتەن باسقا تكش ءبولىمى باسشىسى اسقار شاماەۆ تا بار. ولار الدىن الا ءسوز بايلاسۋ دەرەگى بويىنشا پارا الدى دەگەن كۇدىككە ىلىنگەن. بۇل ايىپتى تالعار اۋداندىق پروكۋراتۋراسىنىڭ پروكۋرورى دامير دارحانباەۆ تاققان.

«سوتتالۋشىلار ەرەكەشەۆ پەن شاماەۆ قىلمىستىق كودەكستىڭ 366-بابى 3-بولىگىنىڭ 2-تارماعىندا كوزدەلگەن قىلمىستى جاسادى دەپ ايىپتالىپ جاتىر. بۇل اۋىر قىلمىسقا جاتادى. بۇل ءىستى ۋاقىتشا توقتاتۋعا،  پروكۋرورعا جولداۋعا ەش نەگىز جوق. سوتقا دەيىنگى تەرگەۋ بارىسىندا سوت تالقىلاۋىن تاعايىنداۋعا كەدەرگى كەلتىرەتىن قىلمىستىق ءىس جۇرگىزۋ زاڭىن بۇزۋعا جول بەرىلگەن جوق»، دەلىنگەن سۋديا كەلەمسەيىتوۆتىڭ قاۋلىسىندا.

ونىڭ ايتۋىنشا، ايىپتاۋ اكتىسىنىڭ كوشىرمەسى سوتتالۋشىعا ۋاقىتىلى بەرىلگەن. سونداي-اق، ەرەكەشەۆكە قاتىستى ءۇي قاماق تۇرىندەگى بۇلتارتپاۋ شاراسى، شاماەۆقا قاتىستى ەشقايدا كەتپەۋ جانە ءتيىستى مىنەز-ق ۇلىق تۋرالى قولحات تۇرىندەگى جازا بەرىلگەن.

«ادۆوكات تاراپىنان قىلمىس قۇرامىنىڭ بولماۋىنا بايلانىستى ەرەكەشەۆكە قاتىستى قىلمىستىق ءىستى قىسقارتۋ تۋرالى ءوتىنىش ءتۇستى. سوت ونى قاراپ، ءوتىنىش قاناعاتتاندىرۋسىز قالدىرىلۋى كەرەك دەپ سانادى. ءوتىنىشحاتتا كورسەتىلگەن دالەلدەر نەگىزسىز جانە باستى سوت تالقىلاۋىندا قارالادى. سوتتالۋشىلارعا قاتىستى تاڭدالعان بۇلتارتپاۋ شارالارىن وزگەرتۋگە نەگىز جوق»،  دەلىنگەن قاۋلىدا.

ەسكە سالايىق، بيىل اقپاننىڭ باسىندا 48 جاستاعى سەرىكجان ەرەكەشەۆتىڭ ۇستالعانى بەلگىلى بولدى. ونىڭ ورىنباسارى مەن 38 جاستاعى تكش ءبولىمىنىڭ باسشىسى اسقار شاماەۆتىڭ دا ۇستالعانى حابارلانعان بولاتىن. شەنەۋنىكتەردى ورىندالعان جۇمىستار اكتىسىنە قول قويعانى ءۇشىن مەردىگەر ۇيىم ديرەكتورىنان 10 ميلليون تەڭگە پارا الدى دەگەن كۇدىككە ىلىنگەن.

 

 

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار