تاۋەلسىز مەملەكەتتەر دوستاستىعىنا قاتىسۋشى مەملەكەتتەر قارۋلى كۇشتەرىنىڭ بىرلەسكەن گۋمانيتارلىق ميناسىزداندىرۋ ينجەنەرلىك بولىمشەسى تۋرالى كەلىسىم 2020 جىلعى 18 جەلتوقساندا جاسالدى.
«كەلىسىمنىڭ ماقساتى – گۋمانيتارلىق ميناسىزداندىرۋ مىندەتىن ورىنداۋ ءۇشىن بىرلەسكەن بولىمشەنى قۇرۋ, قولدانۋ, ونىڭ مارتەبەسىن ايقىنداۋ. بىرلەسكەن بولىمشەنىڭ نەگىزگى مىندەتتەرى – مينا الاڭىن, نىسانداردى مينانىڭ جارىلۋ قاۋپى بار زاتتاردىڭ بولۋىنا تەحنيكالىق بارلاۋ, سونداي-اق ولاردى ميناسىزداندىرۋ, جاۋىنگەرلىك ءىس-قيمىل بولعان اۋداندى مينادان ءارى جارىلۋ قاۋپى بار زاتتان تازارتۋ», دەدى قر قورعانىس ءمينيسترىنىڭ ورىنباسارى دارىن تۇياقوۆ.
ونىڭ ايتۋىنشا, گۋمانيتارلىق ميناسىزداندىرۋ وپەراتسيالارىنا قاتىسۋ ءۇشىن ۇلتتىق ينجەنەرلىك بولىمشەنى جىبەرۋ تۋرالى شەشىمدى جىبەرۋشى تاراپ ءوزىنىڭ ۇلتتىق زاڭناماسىنا سايكەس قابىلدايدى.
كەلىسىمدە بىرلەسكەن بولىمشەنى تمد-عا قاتىسۋشى مەملەكەت بولىپ سانالمايتىن ەل اۋماعىندا گۋمانيتارلىق ميناسىزداندىرۋ مىندەتتەرىن ورىنداۋعا تارتۋ مۇمكىندىگى كوزدەلگەن. قازاقستان رەسپۋبليكاسى مۇنداي باعىت بۇۇ قاۋىپسىزدىك كەڭەسىنىڭ مانداتىنا سايكەس عانا مۇمكىن بولادى دەپ ەسەپتەيدى.
