Statcounter Global Stats دەرەگى بويىنشا, قازاقستانداعى ەڭ تانىمال الەۋمەتتىك جەلى Twitter ەكەن. ۇزدىك ۇشتىككە سونداي-اق YouTube پەن Facebook كىرەدى. بىراق الەمدەگى احۋال وزگەشەلەۋ. 2021 جىلدىڭ تامىزىنداعى مالىمەت بويىنشا, حالىقارالىق دەڭگەيدە فەيسبۋكتىڭ ۇلەسى باسىم – 73,27 پايىز. ودان كەيىنگى ورىنداردا تۇرعان Twitter (8,91 پايىز), Pinterest (7,22 پايىز), YouTube (4,72 پايىز) جانە Instagram (3,41 پايىز) جەلىلەرىنىڭ تسۋكەربەرگ نەگىزىن قالاعان جۇيەنىڭ شاڭىنا دا ىلەسە الماي تۇرعانىن بايقار ەدىك.
فەيسبۋكتىڭ قازاقستانداعى ۇلەسى 14,85 پايىز مولشەرىندە عانا. Twitter – 16,56, YouTube – 16,07 پايىز. سونىمەن قاتار Instagram مەن VK-نىڭ نارىقتاعى ۇلەسى قارايلاس – 13,92 جانە 13,7 پايىز. ال ءموبيلدى تەلەفوننان كىرىپ پايدالانۋ تۇرعىسىنان Twitter (17,1 پايىز), Facebook (16,4 پايىز) جانە Instagram-نىڭ (16,11 پايىز) ءباسى بيىك بولسا, ۇستەل كومپيۋتەرى جانە نوۋتبۋك ارقىلى پايدالانۋ جاعىنان YouTube (39,22 پايىز), VK (16,86 پايىز) جانە Twitter (12,79 پايىز) كوش باستايدى.
