ەاەو ازاماتتارى ەلىمىزدە قاشىقتان جۇمىس ىستەيدى

ەڭبەك جانە حالىقتى الەۋمەت­تىك قورعاۋ مينيسترلىگى ءباسپاسوز قىزمەتىنىڭ حابارلاۋىنشا, بۇدان باسقا, ەڭبەك كودەكسىنە تج, تو جانە باسقا دا شەكتەۋ شارالارى كەزەڭىندە قىزمەتكەرلەردى قالىپ­تى جۇمىس رەجىمىنەن قاشىقتان جۇمىس ىستەۋگە اۋىستىرۋ ءتارتىبىن وڭايلاتاتىن تۇزەتۋلەر ەنگىزىلدى. سون­داي-اق قىزمەتتىڭ ەرەكشەلى­گىن ەسكەرە وتىرىپ, قاشىقتان جانە ادەتتەگى جۇمىس كەزەكتەسەتىن ارا­لاس جۇمىس رەجىمىن پايدالانۋ مۇمكىندىكتەرى جاقسارتىلدى. سونىمەن قاتار جۇمىس بەرۋشى مەن قىزمەتكەردىڭ ارالاس جانە قاشىقتان جۇمىس رەجىمىندەگى قۇقىقتارى مەن مىندەتتەرى جانە باسقا دا بىرقاتار وزگەرىستەر كورسەتىلگەن.

بۇل رەتتە ەۋرازيالىق ەكونو­مي­كالىق وداق تۋرالى شارتتا قاشىقتىقتان ەڭبەك قىزمەتىن جۇ­زە­گە اسىرۋ ءۇشىن ەاەو-عا مۇ­شە مەملەكەتتىڭ ازاماتىن قا­بىل­داعان جۇمىس بەرۋشى قاي ەلدىڭ زاڭناماسىن قولدانۋعا ءتيىس ەكەنىن رەگلامەنتتەيتىن نورمالار جوق.

وسىعان بايلانىستى, قازىر­گى ۋاقىتتا ەۋرازيالىق ەكو­نو­ميكالىق ينتەگراتسيانى دا­مىتۋدىڭ 2025 جىلعا دەيىنگى سترا­تەگيالىق باعىتتارىن ىسكە اسىرۋ شەڭبەرىندە, جۇمىس بەرۋشى ەاەو-عا مۇشە باسقا مەملەكەت­تىڭ اۋماعىندا تىركەلگەن جاعداي­دا, مۇشە مەملەكەتتە جۇمىستار­دى ورىندايتىن قىزمەتكەرلەر­دىڭ قۇقىقتىق جاعدايىن رەتتەۋ قاجەتتىلىگى تۋرالى ۇسىنىستار ازىرلەنەدى.