1979 جىلدىڭ 25 جەلتوقسانىندا باستالىپ, تۋرا ون جىلعا سوزىلعان اۋعان ورتىنە شەكاراشىلار دا قاتىسقان. مۇنى بولىمشە باسقارىپ جۇرگەن جەرىنەن وتريادقا اۋىستىرىلىپ, ءارى قاراي اۋعانستانعا اتتانىپ كەتە بارعان گەنەرال-مايور ق. بەرقاليەۆتىڭ شەكاراعا ارنالعان سانالى عۇمىرىنان بىلەمىز. شەكارا قىزمەتىنىڭ قابىرعاسىن ءوز قولىمەن قالاعان گەنەرال-لەيتەنانت ب. زاكيەۆتى دە اتاپ وتە الامىز.
گەنەرال-لەيتەنانت, حالىق قاھارمانى ب. ەرتاەۆ اۋعان سوعىسىنىڭ زاردابى تۋرالى ايتا كەلىپ, «كەۋدەسىن وققا توسقان ەرلەردىڭ كوزسىز ەرلىگى ۇمىتىلمايتىنىن ايتتى.
ەلوردادا تاجىك-اۋعان شەكاراسىندا قازا تاپقان جاۋىنگەرلەر رۋحىنا تاعزىم ەتىلدى
جيىندا ءسوز العان ۇقك شەكارا قىزمەتىنىڭ ارداگەرى, گەنەرال-مايور مارات ماجيتوۆ, الماتى قالاسى ارداگەرلەر ۇيىمدارىنىڭ ۇيىمداستىرۋ كەڭەسىنىڭ جانە «كوك بايراق» قوعامدىق بىرلەستىگىنىڭ توراعاسى اۋەز بەيسەنباەۆ, الماتى قالالىق اۋعانستان ارداگەرلەرى كەڭەسىنىڭ توراعاسى مۇرات ابدۋشۋكۋروۆتار بۇگىنگى كۇننىڭ ماڭىزىنا كەڭىنەن توقتالدى.
تاريحقا جۇگىنسەك, قابىرعانى قايىستىرار سول سوعىستى 32 مىڭنان استام وتانداسىمىز باسىنان وتكەرىپتى. ونىڭ 927-ءسى قازا تاۋىپ, 19-ى حابارسىز كەتتى. مىڭداعان ادام تۋعان ۇيىنە مۇگەدەك بولىپ ورالدى. بەس وتانداسىمىز – كەڭەس وداعىنىڭ باتىرى, بىرەۋىنە حالىق قاھارمانى اتاعى بەرىلسە, ەكى جاۋىنگەر «ايبىن» وردەنىمەن ماراپاتتالعان.
ءۇندى مۇحيتىنا جول: قازاقستان اۋعانستان ارقىلى تەمىرجول سالماق
ءبىر مينۋت ۇنسىزدىكتەن سوڭ اۋعاندىق ارداگەرلەر «ماڭگىلىك الاۋ» مونۋمەنتىنە گۇل شوقتارىن قويىپ, تەرەڭ داستۇرگە ساي, ۇلى وتان سوعىسىنىڭ باتىرلارىنا قۇرمەت كورسەتكەن. مۇنى ۇقك شەكارا قىزمەتى الماتى وبلىسى بويىنشا دەپارتامەنتىنىڭ جانىنان قۇرىلعان «جاس شەكاراشى» اسكەري-پاتريوتتىق كلۋبىنىڭ كادەتتەرى دە اينا-قاتەسىز قايتالاعان. بۇل دا جاس ۇرپاقتى پاتريوتتىق رۋحقا تاربيەلەۋدىڭ تاماشا ۇلگىسى. سونىمەن قاتار بۇگىنگى شاراعا شەكاراشى ارداگەرلەردىڭ «زاستاۆا تارلاندارى» رەسپۋبليكالىق قوعامدىق بىرلەستىگىنىڭ الماتى قالالىق جانە وبلىستىق فيليالدارىنىڭ مۇشەلەرى دە قاتىسقان. ايتا كەتەرلىگى, اتالمىش قوعامعا مۇشە شەكاراشىلاردىڭ اراسىندا دا اۋعانستان جەرىندە بولعان ارداگەرلەر از ەمەس. بۇگىنگى تاريحي كۇنگە وراي, ساياباقتا باس قوسقان ارداگەرلەر «تاعزىم» شاراسىنا قاتىسۋمەن شەكتەلمەي, وزدەرىنىڭ قارۋلاستارىن كەزدەستىرىپ, وزدەرىنىڭ اۋعان جەرىندەگى اۋىر كۇندەرىن ەسكە العاندارى حاق. تاريح – سوسىن دا ومىرشەڭ!
شارا سوڭىندا «جاس شەكاراشى» اسكەري-پاتريتتىق كلۋبىنىڭ مۇشەلەرى, ءبىزدىڭ بولاشاق ءىزباسارلارىمىز اۋعانستاندا قازا تاپقان جاۋىنگەرلەردىڭ ەسكەرتكىشىنىڭ الدىنان سالتاناتتى ساپ تۇزەپ ءوتتى.
تامارا داۋلەتباەۆا
ۇقك شەكارا قىزمەتىنىڭ زاپاستاعى پودپولكوۆنيگى
