فوتو: اۋىل شارۋاشىلىعى مينيسترلىگى
جاڭا تەحنولوگيانىڭ ەرەكشەلىگى
عالىمداردىڭ ايتۋىنشا, قازىرگى نارىقتاعى كوپتەگەن قۇرعاق تاڭعى اس ونىمدەرى قانتقا باي, ال تاعامدىق تالشىقتار, ۆيتاميندەر مەن مينەرالدىق زاتتار از. جوبالانعان تەحنولوگيا وتاندىق ءداندى شيكىزاتتى پايدالانىپ, ءداننىڭ قۇرامداس بولىكتەرىن ساقتاۋ پرينتسيپىنە نەگىزدەلگەن. ناتيجەسىندە تاعامدىق تالشىقتار, ۆ توبى ۆيتاميندەرى مەن مينەرالدىق ەلەمەنتتەردىڭ مولشەرى ارتتىرىلادى, ال ەنەرگەتيكالىق تىعىزدىق تومەن بولادى.
دەنساۋلىققا پايداسى
جاڭا قۇرعاق تاڭعى اس ديەتالىق جانە پروفيلاكتيكالىق تاماقتانۋ رەتىندە ۇسىنىلادى. ول كومىرسۋ الماسۋىن قالىپقا كەلتىرۋگە, اسقازان-ىشەك جولدارىنىڭ جۇمىسىن جاقسارتۋعا جانە دەنە سالماعىن باقىلاۋعا كومەكتەسەدى. قولدانىستاعى يمپورتتىق ونىمدەرمەن سالىستىرعاندا, بۇل ءونىم وتاندىق نارىققا ساپالى جانە پايدالى التەرناتيۆا بولادى.
عىلىمي جانە ەكونوميكالىق ماڭىزى
جوبانى ىسكە اسىرۋ وتاندىق پايدالى ونىمدەر جەلىسىن كەڭەيتەدى, قۇرعاق تاڭعى اس يمپورتىنا تاۋەلدىلىكتى تومەندەتەدى جانە جوعارى قوسىمشا قۇنمەن وتاندىق ءداندى قايتا وڭدەۋدى دامىتۋعا عىلىمي نەگىز قالىپتاستىرادى. بۇگىنگە دەيىن ءونىمنىڭ دايىنداۋ ءادىسى مەن ءوندىرىس تەحنولوگياسى ازىرلەندى, ال كەلەر جىلى ءونىم نارىققا شىعارىلادى.
