ءىس-شاراعا ەلىمىزدىڭ جەتەكشى قوعامدىق-ساياسي پارتيالارى مەن قاۋىمداستىق وكىلدەرى قاتىستى.
قالالىق كواليتسياعا ءارتۇرلى جاستاعى ءتۇرلى سالانىڭ 200-گە جۋىق وكىلى قوسىلدى. ولاردىڭ قاتارىندا قوعام قايراتكەرلەرى, زاڭگەرلەر, دەپۋتاتتار, عىلىم مەن مادەنيەت سالاسىنىڭ وكىلدەرى, بەلسەندى جاستار, پەداگوگتار, سونىمەن قاتار, «AMANAT», «Respublica», «اۋىل», «اق جول», قازاقستان حالىق پارتيالارىنىڭ جەتەكشىلەرى مەن وكىلدەرى بار.
عىلىمي قاۋىمداستىق «حالىقتىق كونستيتۋتسيا ءۇشىن» كواليتسياسىن قولدادى
كواليتسيا قالالىق فيليالىنىڭ توراعاسى ەرلان كاناليموۆ جالپىۇلتتىق كواليتسيا قىزمەتىنىڭ ستراتەگيالىق ماڭىزدىلىعىنا توقتالىپ, كونستيتۋتسيالىق باستامالاردى ءتۇسىندىرۋ بويىنشا جۇيەلى جۇمىستىڭ قاجەتتىگىن اتاپ ءوتتى.
«جاڭا كونستيتۋتسيا – حالىقتىق ورتاق ماقساتتا ۇلتتىق رۋحتى نىعايتۋعا ىقپال ەتەتىن ەلىمىزدەگى ەڭ ماڭىزدى قۇجات. ول ەلدىك سانانى بەكەمدەپ, بولاشاققا باعىت سىلتەيدى. ونىڭ وزەگىندە ادامنىڭ قادىر-قاسيەتى مەن قۇقىعىن بارىنەن بيىك قوياتىن اسىل ۇستانىم جاتىر. جالپىۇلتتىق كواليتسياسىنىڭ استانا قالالىق فيليالىنا ءار بۋىننىڭ ءتۇرلى سالاداعى 200-گە جۋىق وكىلى قوسىلىپ وتىر», دەدى ەرلان كاناليموۆ.
استانا قالاسى اكىمىنىڭ ورىنباسارى ەسەت بايكەن جاڭا كونستيتۋتسيانىڭ وزەگى ادام مەن ونىڭ قۇقىعى ەكەنىن جەتكىزدى. قۇجاتتا قوعامدى بىرىكتىرەتىن قۇندىلىقتار بەكىتىلگەن: بىرلىك, ىنتىماق, ەتنوسارالىق كەلىسىم, ەگەمەندىك, مەملەكەتتىك تەرريتوريانىڭ بىرتۇتاستىعى. كونستيتۋتسيا ادىلەتتى قازاقستاندى, زاڭ مەن ءتارتىپ قاعيداتىن, سونىمەن قاتار بولاشاق ۇرپاق الدىندا تابيعات پەن ۇلتتىق قۇندىلىقتى ساقتاۋ جاۋاپكەرشىلىگىن كۇشەيتەدى.
«كونستيتۋتسيالىق رەفورما – قوعامنىڭ ساياسي جۇيەنى جاڭعىرتۋعا, مەملەكەتتىك ينستيتۋتتاردىڭ تيىمدىلىگىن ارتتىرۋعا جانە ادىلەتتىلىك قاعيداتتارىن نىعايتۋعا باعىتتالعان سۇرانىسىنا بەرىلگەن جاۋاپ. وزگەرىستەر تۋرالى باستامانى مەملەكەت باسشىسى قاسىم-جومارت توقاەۆ حالىققا جولداۋىندا جاريالاپ, زاماناۋي ورنىقتى جانە باسەكەگە قابىلەتتى جاساندى ينتەللەكت ءداۋىرىنىڭ سىن-قاتەرلەرىنە دايىن قازاقستاندى قالىپتاستىرۋعا باعىتتالدى», دەدى ەسەت بايكەن.
استانا قالاسى ءماسليحاتىنىڭ توراعاسى تابيعات زەينۇلقابدەن ءوز سوزىندە جاڭا كونستيتۋتسيانىڭ ۇلتتىق رۋحتى نىعايتىپ, ەلدى بىرىكتىرەتىن ەڭ ماڭىزدى قۇجات ەكەنىن اتاپ ءوتتى.
ۇلىتاۋ وبلىسىندا وڭىرلىك كواليتسيا قۇرىلدى
«بۇگىن ماڭىزدى ءارى اۋقىمدى جۇمىس باستاۋ الىپ جاتىر. جاڭا كونستيتۋتسيانىڭ باسىم باعىتتارى تۋرالى ءبارىڭىز حاباردارسىزدار. ەندى وسى وڭ وزگەرىسكە باستايتىن ماڭىزدى جوبانى جۇرتشىلىققا ءتۇسىندىرۋ, دۇرىس اقپارات جەتكىزۋ – ۇلكەن مىندەتىمىز», دەدى تابيعات زەينۇلقابدەن.
كواليتسيا فيليالىنىڭ قىزمەتى اياسىندا 1 000-عا جۋىق ءىس-شارا وتكىزىلىپ, وعان 700 مىڭنان اسا ادام قاتىسادى دەپ جوسپارلانعان. سونىڭ ىشىندە ورتالىق دەڭگەيدە – 100-گە جۋىق ءىس-شارا (6 مىڭ ادام), قالالىق دەڭگەيدە – 700 ءىس-شارا (660 مىڭ ادام), اۋداندىق دەڭگەيدە شامامەن 400 ءىس-شارا (35 مىڭ ادام) وتكىزۋ كوزدەلىپ وتىر.
