بۇل شولۋ كومپانيانى جۇيەلى تۇردە دامىتۋعا باعىتتالعان باستامالاردى قامتيدى.
ەل ەكونوميكاسى ءۇشىن ستراتەگيالىق ماڭىزى
قازاقستاندى قامتۋدى دامىتۋ ەكونوميكا مەن قوعام ءۇشىن ىرگەلى مانگە يە.
بىرىنشىدەن, ول ۇلتتىق ونەركاسىپتى نىعايتىپ, تەحنولوگيالىق تاۋەلسىزدىكتى كۇشەيتەدى. ءوندىرىس پەن قىزمەتتەردى جەرگىلىكتى دەڭگەيدە دامىتۋ يمپورتقا تاۋەلدىلىكتى ازايتىپ, ءوز قۇزىرەتتەرىمىزدى وسىرۋگە جانە جەتكىزۋ-لوگيستيكا تىزبەگىن وڭتايلاندىرۋعا مۇمكىندىك بەرەدى.
ەكىنشىدەن, وتاندىق جەتكىزۋشىلەردى قولداۋ جاڭا جۇمىس ورىندارىنىڭ اشىلۋىنا, مامانداردىڭ بىلىكتىلىگىن ارتتىرۋعا جانە شاعىن جانە ورتا بيزنەستىڭ دامۋىنا جول اشادى. بۇل حالىقتى جۇمىسپەن قامتۋ دەڭگەيى مەن تابىسىنا تىكەلەي اسەر ەتەدى.
ۇشىنشىدەن, جەرگىلىكتى قامتۋدىڭ ءوسۋى وڭىرلەرگە ينۆەستيتسيا تارتۋدى كۇشەيتىپ, ينفراقۇرىلىمدى جاڭعىرتۋعا جانە جەرگىلىكتى جاعدايعا بەيىمدەلگەن تەحنولوگيالاردى ەنگىزۋگە سەرپىن بەرەدى. سالىق بازاسىنىڭ كەڭەيۋى بيۋدجەت كىرىستەرىن ۇلعايتىپ, الەۋمەتتىك باعدارلامالاردى قارجىلاندىرۋعا مۇمكىندىك تۋعىزادى.
سونداي-اق جەرگىلىكتەندىرۋ حالىقارالىق كومپانيالار مەن وتاندىق كاسىپورىندار اراسىندا ۇزاق مەرزىمدى, تۇراقتى ارىپتەستىك ورناتىپ, جاھاندىق ستاندارتتار مەن وزىق تاجىريبەگە قول جەتكىزۋگە جول اشادى.
وسىلايشا قازاقستاندى قامتۋدى دامىتۋ − تەك ەكونوميكالىق قاجەتتىلىك ەمەس, ەلدىڭ ۇزاق مەرزىمدى تۇراقتى دامۋ ستراتەگياسىنىڭ ماڭىزدى بولىگى.
تشو ءتاسىلى: ستراتەگيادان ناقتى ناتيجەگە دەيىن
اتالعان قاعيداتتار تشو قىزمەتىنىڭ نەگىزىن قۇرايدى جانە ناقتى ناتيجەلەرمەن دالەلدەنىپ وتىر. كومپانيا قازاقستاندى قامتۋدى دامىتۋ ستراتەگياسىن جۇيەلى تۇردە ىسكە اسىرىپ, جەرگىلىكتى رەسۋرستارعا ينۆەستيتسيا قۇيادى ءارى وتاندىق كاسىپورىندار ءۇشىن جاڭا مۇمكىندىكتەر قالىپتاستىرادى.
بۇل ءبىر رەتتىك قولداۋ ەمەس, تۇراقتى ەكونوميكانى قالىپتاستىرۋعا, وڭىرلەردى دامىتۋعا جانە قازاقستاننىڭ جاھاندىق نارىقتاعى باسەكەگە قابىلەتتىلىگىن ارتتىرۋعا قوسىلعان ۇلەس.
ساندار سويلەيدى
سوڭعى ءۇش ونجىلدىقتا تشو ءجۇز مىڭداعان جۇمىس ورنىن قۇرىپ, وتاندىق تاۋارلار مەن قىزمەتتەردى بەلسەندى تۇردە ساتىپ الۋ ارقىلى ەكونوميكالىق بەلسەندىلىكتى تەك اتىراۋ وبلىسىندا عانا ەمەس, بۇكىل ەل اۋماعىندا دا ىنتالاندىردى.
2025 جىلدىڭ قورىتىندىسى بويىنشا كومپانيا قازاقستاننىڭ جەتكىزۋشىلەرىنەن شامامەن 1,8 ملرد اقش دوللارى كولەمىندە تاۋارلار مەن قىزمەتتەر ساتىپ الدى. ال 1993 جىلى قۇرىلعان ساتتەن باستاپ وتاندىق وندىرۋشىلەردەن ساتىپ الۋ كولەمى 52,3 ملرد اقش دوللارىنا جەتتى.
بۇل قاراجات حالىقارالىق ساپا ستاندارتتارىنا ساي كەلەتىن, قازاقستاندا وندىرىلگەن جانە ۇسىنىلعان تاۋارلارعا, جۇمىستار مەن قىزمەتتەرگە باعىتتالدى. مۇنداي ءتاسىل تەحنولوگيالاردى جەرگىلىكتەندىرۋگە, وندىرىستىك قۋاتتاردى دامىتۋعا جانە مامانداردىڭ بىلىكتىلىگىن ارتتىرۋعا سەرپىن بەرەدى.
2025 جىلى تشو وتاندىق جەتكىزۋشىلەردەن ساتىپ الىناتىن ءونىم كولەمىن ۇلعايتۋ ناتيجەسىندە قازاقستاندى قامتۋ ۇلەسىن 71%-عا جەتكىزدى.
ۇزاق مەرزىمدى سەرىكتەستىك جانە وڭىرلەردى دامىتۋ
تشو وتاندىق كومپانيالار ءۇشىن مۇمكىندىكتەردى كەڭەيتۋدى جالعاستىرىپ كەلەدى. تۇراقتى دامۋ ستراتەگياسى اياسىندا كومپانيا ءوندىرىستى ودان ءارى جەرگىلىكتەندىرۋگە, يننوۆاتسيالىق تەحنولوگيالاردى ەنگىزۋگە جانە مامانداردىڭ بىلىكتىلىگىن ارتتىرۋعا باسىمدىق بەرەدى.
جەرگىلىكتى بيزنەستىڭ تۇراقتىلىعى مەن حالىقارالىق دەڭگەيدەگى باسەكەگە قابىلەتتىلىگىن قامتاماسىز ەتەتىن ۇزاق مەرزىمدى ارىپتەستىكتەر قۇرۋعا ەرەكشە ءمان بەرىلەدى.
كومپانيا ۇستانىمى
«حالىقارالىق ستاندارتتاردى ەسكەرە وتىرىپ, وتاندىق تاۋارلار مەن قىزمەتتەر نارىعىن دامىتۋ − تشو-نىڭ نەگىزگى باسىمدىقتارىنىڭ ءبىرى. ءبىز جەرگىلىكتى قامتۋدى قولداپ قانا قويماي, وتاندىق كومپانيالار ءۇشىن جاڭا مۇمكىندىكتەر اشاتىن تۇراقتى جۇيە قالىپتاستىرۋعا ۇمتىلامىز. ءبىزدىڭ باعدارلامالار جەتكىزۋشىلەردىڭ قۇزىرەتتەرىن كەڭەيتۋگە, زاماناۋي تەحنولوگيالاردى ەنگىزۋگە جانە ءونىم ساپاسىن ارتتىرۋعا باعىتتالعان. قازاقستان سەرىكتەستەرىنە ينۆەستيتسيا قۇيۋ − بۇل ەل ەكونوميكاسىنىڭ وسىمىنە قوسىلعان ۇلەس ءارى كومپانيا قاجەتتىلىگىن جوعارى دەڭگەيدە قامتاماسىز ەتۋدىڭ جولى», دەپ اتاپ ءوتتى تشو باس ديرەكتورى ۋيليام لاكوبي.
جۇيەلى جەرگىلىكتەندىرۋ: جوسپارلاۋدان مونيتورينگكە دەيىن
تشو ءوندىرىستى جەرگىلىكتەندىرۋدى ىلگەرىلەتۋدىڭ كەشەندى جۇيەسىن ەنگىزدى. ول بۇكىل تسيكلدى قامتيدى: الداعى ساتىپ الۋلاردا قازاقستاندى قامتۋ ۇلەسىن جوسپارلاۋدان باستاپ, جاڭا جەتكىزۋشىلەردىڭ جەرگىلىكتەندىرۋ جونىندەگى مىندەتتەمەلەرىنە, پەرسونالدى وقىتۋعا جانە وتاندىق تاۋارلاردى ساتىپ الۋ بارىسىن تۇراقتى مونيتورينگتەۋگە دەيىن قامتيدى.
OEM جەرگىلىكتەندىرۋى: قۇزىرەتتەردىڭ جاڭا دەڭگەيى
جەكە باعىتتاردىڭ ءبىرى − تۇپنۇسقا جابدىق وندىرۋشىلەرى (OEM) شىعاراتىن ونىمدەردى جەرگىلىكتەندىرۋ. بۇل پروتسەسس ەل اۋماعىن قامتۋدى دامىتۋداعى ماڭىزدى درايۆەرگە اينالىپ, جەرگىلىكتى جەتكىزۋشىلەردى وقىتۋعا جانە ولاردىڭ بىلىكتىلىگىن ارتتىرۋعا قۋاتتى سەرپىن بەردى.
حالىقارالىق ستاندارتتاردى جەرگىلىكتى تاجىريبەگە ەنگىزۋ وتاندىق كومپانيالاردىڭ كاسىبي دەڭگەيى مەن تەحنيكالىق قۇزىرەتتەرىن كوتەردى. بۇدان بولەك, OEM جەرگىلىكتەندىرۋى اتىراۋ وبلىسىندا جاھاندىق كومپانيالاردىڭ فيليالدارىن اشۋعا ىنتالاندىرىپ, الەمدىك تاجىريبەنىڭ قازاقستان ەكونوميكاسىنا تەرەڭىرەك كىرىگۋىنە جول اشتى.
سوڭعى جىلدارى تشو-نىڭ ستراتەگيالىق سەرىكتەستەرى − Baker Hughes, Honeywell, Emerson, Erreesse Valves, WIKA, Cameron جانە باسقا كومپانيالار − قازاقستاندا وندىرىستىك جەلىلەرىن جانە جيناقتاۋ تسەحتارىن ىسكە قوسىپ, مۇناي-گاز سالاسىندا تۇراقتى سۇرانىسقا يە ونىمدەردى شىعارا باستادى.
مەملەكەتتىك سەرىكتەستىك جانە ماشينا جاساۋ سالاسى
2025 جىلى تشو ەنەرگەتيكا مينيسترلىگىمەن بىرلەسىپ, ىشكى قۇندىلىقتى (ۆنۋتريسترانوۆايا تسەننوست) دامىتۋ ستراتەگياسىن ازىرلەدى. قۇجات جەرگىلىكتى وندىرۋشىلەردى قولداۋ تەتىكتەرىن جەتىلدىرۋدى, تەندەرلەردە باعاعا قاتىستى يكەمدىلىكتى (price tolerance) قولدانۋدى, سونداي-اق ءۇش جانە ودان دا كوپ وتاندىق ءوندىرۋشى بولعان جاعدايدا ساتىپ الۋدى تەك وتاندىق كومپانيالار اراسىندا وتكىزۋدى كوزدەيدى.
سونىمەن قاتار تشو حالىقارالىق مۇناي-گاز ماشينا جاساۋ ورتالىعىنىڭ (IMBC) جەرگىلىكتى وندىرۋشىلەردى بىلىكتىلىك تۇرعىسىنان باعالاۋ جانە تەحنولوگيالىق ولقىلىقتاردى انىقتاۋ باعىتى بويىنشا اتقارىپ جاتقان جۇمىسىن قولدايدى.
وسى جۇمىستىڭ ناتيجەسىندە:
- 16 وتاندىق وندىرۋشىگە بىلىكتىلىك باعالاۋى جۇرگىزىلدى;
- MRO قىزمەتتەرى مەن قورعانىس ماتەريالدارىن جەتكىزۋ بويىنشا ۇزاق مەرزىمدى كەلىسىمشارتتارعا قول قويىلدى;
- قازاقستان ماشينا جاساۋشىلارىنىڭ XII فورۋمىندا جالپى سوماسى 10,5 ملن اقش دوللارىنان اساتىن كەلىسىمدەر جاسالدى;
- اقتاۋدا تەڭىز كەن ورنىنىڭ قاۋىپسىز ءارى سەنىمدى جۇمىسىن قامتاماسىز ەتۋگە ارنالعان 150 ملن اقش دوللارى كولەمىندەگى كەلىسىمشارتتارعا قول قويىلدى.
كەلىسىمشارتتار − بولاشاققا ينۆەستيتسيا
«كەلىسىمشارتتارعا قول قويۋ − تەڭىزدەگى قاۋىپسىز ءارى سەنىمدى جۇمىستى قامتاماسىز ەتۋدەگى كەزەكتى قادام عانا ەمەس. بۇل − ەل اۋماعىن قامتۋدى دامىتۋ جانە ەلىمىزدىڭ ماشينا جاساۋ سالاسىن نىعايتۋ جونىندەگى ۇزاق مەرزىمدى ستراتەگيامىزدىڭ ايقىن دالەلى», دەپ اتاپ ءوتتى تشو باس ديرەكتورى ۋيليام لاكوبي.
قورىتىندى: ءبىر رەتتىك شەشىمدەر ەمەس − تۇراقتى جۇيە
ەل اۋماعىن قامتۋدى دامىتۋ − ۋاقىتشا ترەند ەمەس, ستراتەگيالىق باسىمدىق. ءوندىرىستى جەرگىلىكتەندىرۋ, حالىقارالىق ستاندارتتاردى ينتەگراتسيالاۋ جانە وتاندىق جەتكىزۋشىلەردى قولداۋ تەحنولوگيالىق پروگرەسس پەن باسەكەگە قابىلەتتىلىكتىڭ بەرىك نەگىزىن قالىپتاستىرادى.
تشو بۇل باعىتتا كوپ ميلليوندىق كەلىسىمشارتتاردان باستاپ جاڭا وندىرىستىك قۋاتتاردى اشۋعا جانە يننوۆاتسيالاردى ەنگىزۋگە دەيىنگى ءتاسىلدى كورسەتىپ وتىر. بۇل كۇش-جىگەر جاڭا جۇمىس ورىندارىن قۇرۋعا, ماشينا جاساۋ سالاسىن دامىتۋعا جانە ەلدىڭ ەكونوميكالىق تاۋەلسىزدىگىن نىعايتۋعا ىقپال ەتەدى.
الداعى كەزەڭدە ەل اۋماعىن قامتۋدى دامىتۋ مىقتى ءارى باسەكەگە قابىلەتتى ەكونوميكانى قالىپتاستىرۋدىڭ نەگىزگى فاكتورلارىنىڭ ءبىرى بولماق. تشو وتاندىق كومپانيالارمەن ارىپتەستىككە ينۆەستيتسيا قۇيۋدى جالعاستىرىپ, سەنىم مەن يننوۆاتسياعا نەگىزدەلگەن ورتاق بولاشاقتى بىرلەسە قۇرۋعا باعىتتالعان جۇمىستى ودان ءارى جۇرگىزەدى.
