فوتو: اقوردا
مەملەكەتتەر باسشىلارى قازاقستان-رەسەي سان قىرلى قارىم-قاتىناسىنىڭ قازىرگى جاي-كۇيى مەن دامۋ پەرسپەكتيۆاسىن دوستىق ءارى ءوزارا سەنىم سيپاتىندا تالقىلادى.
پرەزيدەنتتەر جوعارى دەڭگەيدە قول جەتكىزىلگەن ۋاعدالاستىقتاردىڭ دايەكتى تۇردە جۇزەگە اسىرىلىپ جاتقانىن اتاپ ءوتتى.
سونداي-اق مادەني-گۋمانيتارلىق بايلانىستاردى تەرەڭدەتۋ جۇمىستارىنا وڭ باعا بەرىپ, بىرلەسكەن عىلىمي-ءبىلىم بەرۋ باستامالارىن ىلگەرىلەتۋدىڭ ماڭىزىنا توقتالدى.
قاسىم-جومارت توقاەۆ ۆلاديمير ءپۋتيندى قازاقستانعا مەملەكەتتىك ساپارمەن كەلۋگە شاقىرعانىن تاعى دا راستادى.
اڭگىمەلەسۋ بارىسىندا تاراپتار حالىقارالىق جانە وڭىرلىك كۇن تارتىبىندەگى ماسەلەلەر جونىندە پىكىر الماستى.
ايتا كەتەيىك, بۇگىن قاسىم-جومارت توقاەۆ سۋمو سپورتىنىڭ وتانى جاپونيادا زور جەتىستىككە جەتكەن قازاقستاندىق بالۋان ەرسىن بالتاعۇلمەن كەزدەستى. كەزدەسۋ بارىسىندا پرەزيدەنت ەرسىن بالتاعۇلدى ءىى دارەجەلى «بارىس» وردەنىمەن ماراپاتتادى.
