وبلىستىق پوليتسيا دەپارتامەنتىنىڭ ءباسپاسوز قىزمەتى تاراتقان دەرەككە جۇگىنسەك, كوشى-قون سالاسى قىزمەتكەرلەرىنە جۇگىنگەن فاتيما اكوپيان 1993 جىلدان بەرى قازاقستاندا تۇرادى. قازاقستان ازاماتىنا تۇرمىسقا شىققان ول 7 بالانى دۇنيەگە اكەلگەن. ايتسە دە ول 33 جىل بويى ازاماتتىق الا الماعان.
پوليتسياعا جۇگىنگەننەن كەيىن قىزمەتكەرلەر ونىڭ قۇقىقتىق مارتەبەسىن تەكسەرىپ, قىرعىزستاننان جەكە باسىنا قاجەتتى قۇجاتتاردى سۇراتىپ, جيناپ, راسىمدەۋگە جاردەمدەستى.
قازاقستان ازاماتتىعىن الۋعا ارنالعان تەستىلەۋ اقپاندا باستالادى
سول سياقتى ءدال وسىنداي ماسەلەمەن گۋلنازيرا گاينەتدينوۆا دا جۇگىنگەن. 1986 جىلى رەسەيدەن قازاقستانعا كوشىپ كەلگەن ازاماتشا 40 جىل بويى ازاماتتىق الۋ بارىسىندا كوپ قيىندىقتارعا تاپ بولعان. پوليتسيا قىزمەتكەرلەرى رەسەي مەملەكەتىنە سۇراۋ سالىپ, ازاماتتىعى بار-جوعىن راستاي وتىرىپ, زاڭ اياسىندا جەدەل تۇردە قۇجاتتارىن راسىمدەپ بەردى.
ء«ار ازاماتتىڭ قۇجات ماسەلەسى زاڭ تۇرعىسىندا قارالادى. ءبىز ءاردايىم ءتيىستى كومەك كورسەتۋگە تىرىسامىز», دەيدى تاراز قالاسى پب كوشى-قون قىزمەتى ءبولىمىنىڭ اعا ينسپەكتورى شولپان اشيرباەۆا.
اتقارىلعان جۇمىس ناتيجەسىندە ەكى ازامات تا جەكە كۋالىكتەرىن راسىمدەپ, بارلىق قۇجاتتارىن قولدارىنا الدى.
