ەلوردا • 06 قازان، 2021

«Elorda Jastary» باعدارلاماسى قاشان باستالادى؟

181 رەت كورسەتىلدى

بۇل تۋرالى نۇر-سۇلتان قالاسىنىڭ اكىمى التاي كولگىنوۆ حابارلادى، دەپ جازادى Egemen.kz.

«قۇرمەتتى قالا تۇرعىندارى! سىزدەرگە ايتار قۋانىشتى حابارىم بار! ەلوردادا جاستارعا ارنالعان «Elorda Jastary» ارنايى تۇرعىن ءۇي باعدارلاماسىن ىسكە قوسامىز»، دەپ حابارلادى اكىم.

جەڭىلدەتىلگەن الەۋمەتتىك نەسيەلەندىرۋ تۇرعىن ءۇي باعدارلاماسى ەلوردانىڭ جاس ماماندارىنا ارنالعان. مىسالى، نۇر-سۇلتان قالاسىندا «جەتىم بالالار» ساناتى بويىنشا تۇرعىن ۇيگە كەزەكتە تۇرعان دەنساۋلىق ساقتاۋ، ءبىلىم بەرۋ، الەۋمەتتىك، مادەنيەت جانە سپورت سالالارى، جوعارى وقۋ ورىندارى مەن عزي، پوليتسيا دەپارتامەنتى، تجد قىزمەتكەرلەرى، كوممۋنالدىق كاسىپورىنداردىڭ بەيىندى قىزمەتكەرلەرى جانە ت.ب. ارنالعان.

جاستارعا ارنالعان تۇرعىن ءۇي باعدارلاماسىن ىسكە اسىرۋعا وتباسى بانكى مەن 2021-2023 جىلدارعا ارنالعان «Elorda Jastary» باعدارلاماسى كومەكتەسەدى. «Elorda Jastary» جاستارعا، سونىڭ ىشىندە تۇرعىن ءۇي جەلىسى بويىنشا تولىق قولداۋ كورسەتۋگە باعىتتالعان. سونىمەن قاتار «Elorda Jastary» باعدارلاماسىندا ءبىلىم بەرۋ، جۇمىسپەن قامتۋ، بوس ۋاقىتتى پايدالى وتكىزۋ جانە ت.ب. باعىتتار بار.

1

جاستارعا ارنالعان تۇرعىن ءۇي باعدارلاماسىنا 35 جاسقا دەيىنگى (35 جاستى قوسا العاندا، جۇبايىنىڭ/زايىبىنىڭ جاسى ماڭىزدى ەمەس) جاستار قاتىسا الادى. وعان مىنانداي تالاپتار كىرەدى: قالادا كەمىندە ءبىر جىل تىركەۋلى، وتباسى بانكتە جيناق شوتى بار، باعدارلاما ۇمىتكەرىنىڭ جەكە تۇرعىن ءۇيى بولماۋى ءتيىس (سوڭعى 5 جىل ىشىندە)، رەسمي جۇمىس ءوتىلى ءبىر جىلدان كەم ەمەس.

وسىلايشا، اتالعان تۇرعىن ءۇي باعدارلاماسىنا قاتىسۋشى تۇرعىن ءۇي ساتىپ الۋعا 18 ملن تەڭگەگە دەيىن قارىز الا الادى. (جىلدىق 5% جەڭىلدىكپەن). ساتىپ الىناتىن تۇرعىن ءۇيدىڭ قۇنى - شەكتەۋسىز. قارىز 25 جىلعا دەيىنگى مەرزىمگە بەرىلەدى.

وتىنىمدەردى قابىلداۋ 14 قازاندا باستالادى، qatysu.zhilfond.kz پورتالىندا جۇزەگە اسىرىلادى. قاتىسۋشىلاردىڭ ساناتتارى، تۇرعىن ءۇي الۋ تالاپتارى مەن الگوريتمى بويىنشا قوسىمشا اقپاراتپەن نۇر-سۇلتان قالاسى اكىمدىگىنىڭ «تۇرعىن ءۇي قورى» كمم سايتىندا (zhilfond.kz) تانىسۋعا بولادى. وتىنىشتەردى قابىلداۋ مەرزىمى اياقتالعاننان كەيىن قاتىسۋشىلاردى ىرىكتەۋ بالدىق جۇيەگە سايكەس باستالادى.

«سونىمەن قاتار بيىل ەلباسىنىڭ باستاماسىمەن قولعا الىنعان «جۇمىس ىستەيتىن جاستارعا جالعا بەرىلەتىن تۇرعىن ءۇي» باعدارلاماسىن جالعاستىرامىز. وسى باعدارلاما اياسىندا ءبىر مىڭنان استام جاس باسپانالى بولادى.

مەملەكەت باسشىسى حالىققا جولداۋىندا ازاماتتاردىڭ قولجەتىمدى جەڭىلدىكتى تۇرعىن ءۇي ساتىپ الۋىنا جاعداي جاساۋ ماسەلەسىنە نازار اۋداردى»، دەپ تۇيىندەدى اكىم.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار