ىشكى ىستەر ءمينيسترىنىڭ ورىنباسارى مۇرات بايمۇقاشەۆ پارتيانىڭ سايلاۋالدى ۋادەلەرىن ىسكە اسىرۋ اياسىندا پوليتسەيلەردىڭ, اتاپ ايتقاندا, اسكەري-تەرگەۋ بولىمشەلەرى قىزمەتكەرلەرىنىڭ جالاقىسى – 55%-عا, قاتارداعى جانە كىشى باسشى قۇرامنىڭ جالاقىسى – 33%-عا ارتقانىن ايتتى. سونداي-اق تۇرعىن ءۇي ماسەلەسىن شەشۋگە كومەكتەسۋدە تۇرعىن ءۇيدى جالداۋ ءۇشىن وتەماقى الۋعا قۇقىعى بار لاۋازىمدار ءتىزىمى كەڭەيتىلدى. «ول تىزىمگە كەزەكشى بولىمدەردىڭ, ايداۋىل جانە كينولوگيالىق قىزمەت بولىمشەلەرىنىڭ, پاترۋلدىك پوليتسيا بولىمشەلەرىنىڭ قىزمەتكەرلەرى, جالپى العاندا, 8 مىڭنان استام قىزمەتكەر قوسىمشا ەنگىزىلگەن. بۇگىنگى تاڭدا بۇل الەۋمەتتىك كەپىلدىكپەن ىشكى ىستەر ورگاندارى قىزمەتتەرىنىڭ 72%-دان استامى نەمەسە شامامەن 24 مىڭ ادام قامتىلعان. سونىمەن قاتار, وتەماقى تۇرعىن ءۇي تولەمدەرىنىڭ تەتىگىنە اۋىستىرىلدى, ياعني بۇل – يپوتەكا نەمەسە تۇرعىن ءۇيدى كەيىننەن ساتىپ الۋ ارقىلى جالعا الۋ», دەدى م.بايمۇقاشەۆ.
بۇدان باسقا, پارتيانىڭ سايلاۋالدى باعدارلاماسى اياسىندا «پوليتسيانىڭ قادامدىق قولجەتىمدىلىگى» قاعيداتىن قامتاماسىز ەتۋ ءۇشىن ىشكى ىستەر مينيسترلىگى اكىمدىكتەرمەن بىرلەسىپ جاڭا ۋچاسكەلىك پوليتسيا پۋنكتتەرىنىڭ قۇرىلىسىن جالعاستىرۋدا. الايدا بيىل جوسپارلانعان 78 ۋچاسكەلىك پوليتسيا پۋنكتىنىڭ 26-سى عانا اشىلدى. «ۋچاسكەلىك پوليتسيا پۋنكتتەرىنىڭ قۇرىلىسى, سونداي-اق ونى قارجىلاندىرۋ جەرگىلىكتى بيۋدجەتتىڭ مەنشىگىندە. ءبىز جەرگىلىكتى ءماسليحاتتار مەن اكىمدىكتەردىڭ شەشىمدەرىنە تاۋەلدىمىز. ىشكى ىستەر مينيسترلىگى ءوز تاراپىنان 2023 جىلعا دەيىن ءوڭىر اكىمدەرىمەن ءتيىستى مەموراندۋمدار جاساستى», دەدى ول.
كەڭەس مۇشەسى, ءماجىلىس دەپۋتاتى گۇلنار بيجانوۆا ىشكى ىستەر مينيسترلىگى جەرگىلىكتى جەرلەردەگى بيۋدجەت ماسەلەلەرىن شەشۋدە ۇيلەستىرۋشى ءرول اتقارماسا, وندا جاڭا ۋچاسكەلىك پۋنكتتەر پايدا بولمايدى دەپ اتاپ ءوتتى. بۇل, اسىرەسە, اۋىلدىق جەرلەردە وتكىر ماسەلە دەيدى دەپۋتات. ء«بىر ۋچاسكەلىك پوليتسيا ينسپەكتورى 3-4 اۋىلعا قىزمەت كورسەتەدى جانە ولاردىڭ ەشقايىسىندا ءوزىنىڭ جەكە باسپاناسى جوق, كوپ جاعدايدا ول باسقا جاقتان كوشىپ كەلگەن ادام. وعان اكىمدىكتىڭ عيماراتىنان كەڭسە بەرىلەدى. ال تۇراتىن باسپاناسى, قاراپايىم عانا تۇرمىستىق جاعدايدىڭ ءوزى قاراستىرىلماعان. كەيبىر اۋىلداردا وعان تۇراتىن جەردىڭ ورنىنا فەرمەرلىك شارۋاشىلىق ۇسىنىلعان. بۇل مۇلدەم دۇرىس ەمەس», دەدى گ.بيجانوۆا.
ءوز كەزەگىندە سۋديا قىزمەتىنە ۇمىتكەرلەردى ىرىكتەۋدىڭ جاڭا ءتارتىبى تۋرالى جوعارى سوت كەڭەسى اپپاراتى باسشىسىنىڭ ورىنباسارى نايل الماباەۆ ايتىپ ءوتتى. ونىڭ ايتۋىنشا, بيىل ۇمىتكەرلەردىڭ جەكە قاسيەتتەرىنە قويىلاتىن تالاپتاردى ايقىندايتىن سۋديالار قۇزىرەتتىلىگىنىڭ بىرىڭعاي شەڭبەرى ەنگىزگەن.
«پارتيانىڭ سايلاۋالدى باعدارلاماسىنا سايكەس, سۋديالار كورپۋسىنا كاسىبي كادرلاردى تارتۋ ماقساتىندا ءبىز كونكۋرستىق ىرىكتەۋ ءراسىمىن جۇرگىزدىك, اتاپ ايتقاندا, 10 جىلدان استام زاڭدى ءوتىلى بار كانديداتتار ءۇشىن الدىڭعى 11 ءپاننىڭ ورنىنا 8 ءپان بويىنشا ەمتيحان وتكىزىلەدى. كانديداتتاردى ىرىكتەۋ كەزىندە سالىق سالۋ, جەر قويناۋىن پايدالانۋ, زياتكەرلىك مەنشىك, كورپوراتيۆتىك قۇقىق سالالارىنداعى جۇمىس تاجىريبەسى بار تۇلعالارعا باسىمدىق بەرىلەدى», دەدى ن.الماباەۆ.
جوعارعى سوت جانىنداعى سوتتاردىڭ قىزمەتىن قامتاماسىز ەتۋ دەپارتامەنتى باسشىسىنىڭ ورىنباسارى اسىلبەك مۋسرالينوۆ كەڭەس مۇشەلەرىنە سۋديالاردىڭ جۇمىسىنا جاساندى ينتەللەكتتى ەنگىزۋ جۇمىسى بويىنشا ايتىپ بەردى. بۇل دا Nur Otan-نىڭ سايلاۋالدى باعدارلاماسىندا قاراستىرىلعان. اتالعان جۇيە سوت پراكتيكاسىنىڭ بىركەلكىلىگىن جانە پرەتسەدەنتتىك قۇقىقتى ەنگىزۋدى قامتىپ قانا قويماي, سوت اكتىلەرىنىڭ بارىنشا اشىقتىعى مەن قولجەتىمدىلىگىن دە قامتاماسىز ەتەدى دەپ جوسپارلانۋدا. «سۋديا قالىپتاسقان سوت پراكتيكاسىنا قايشى كەلەتىن شەشىم قابىلداعان جاعدايدا, جۇيە جوعارعى سوتقا دەرەۋ حابارلايدى. وسىلايشا, ءبىز قاجەت بولعان جاعدايدا, بارلىق وڭىردەگى تومەنگى سوتتار شەشىم قابىلداعان كەزدە انوماليالارعا ءمان بەرەتىن بولامىز», دەدى ول.
وتىرىس قورىتىندىسى بويىنشا پارتيا مۇشەلەرى ىشكى ىستەر مينيسترلىگىنە الماتى وبلىسىنداعى 180-گە جۋىق اۋىلدىق وكرۋگتىك پوليتسيا ۋچاسكەلەرىنىڭ تۇرعىن ۇيمەن بىرگە اشىلعانىن مىسال كەلتىردى. بۇل وڭ تاجىريبەنى بارلىق ايماقتارعا قولدانۋ كەرەك, دەپ تۇيىندەدى كەڭەس مۇشەلەرى. سونىمەن قاتار كەڭەستە بىرقاتار ۇسىنىمدار مەن ۇسىنىستار تۇجىرىمدالدى, ولار ۋاكىلەتتى ۆەدومستۆولار مەن جەرگىلىكتى اتقارۋشى ورگاندارعا جىبەرىلەدى.
