جەرلەستەرىمىزدەن بولەك, ۇزدىكتەر سەبەتىندە يسپانيا, رەسەي جانە پورتۋگاليا بار. بۇل كوماندالاردىڭ بارلىعى دا مىقتى. ماسەلەن, يسپاندىقتار وسى كۇنگە دەيىن ۇيىمداستىرىلعان 11 ەۋروپا چەمپيوناتىنىڭ جەتۋىندە جەڭىمپاز اتاندى. پورتۋگاليالىقتار سوڭعى الەم جانە قۇرلىق بىرىنشىلىكتەرىندە باس جۇلدەنى ولجالادى. سول سەكىلدى رەسەيلىكتەردىڭ دە باعىندىرعان بەلەستەرى ءبىر توبە. ولار ايتۋلى جارىستا ءبىر مارتە توپ جارىپ, بەس رەت فينالدا وينادى. قازاقستان 2016 جىلعى ەۋروپا بىرىنشىلىگىندە قولا مەدالدى يەلەنسە, بيىلعى الەمدىك دوپ دوداسىندا ءتورتىنشى ورىنعا تابان تىرەدى.
وزگە سەبەتتەردە مىنا كوماندالار بار: ەكىنشى سەبەت - حورۆاتيا, ازەربايجان, سەربيا/بەلارۋس, يتاليا. ءۇشىنشى سەبەت - ۋكراينا, سلوۆەنيا, بوسنيا مەن گەرتسەگوۆينا, پولشا. ءتورتىنشى سەبەت – فينليانديا, سلوۆاكيا, گرۋزيا جانە نيدەرلاندى.
جەرەبە تارتۋ ءراسىمى 18-قازاندا نيدەرلاندتىڭ زەيست قالاسىدا وتەدى. ال قۇرلىق بىرىنشىلىگىنىڭ جالاۋى 19-قاڭتار مەن 6-اقپان ارالىعىندا جەلبىرەيدى. ايتۋلى دودادا 16 كوماندا ونەر كورسەتەدى.
