ەلوردا • 05 قازان، 2021

ەلوردا گازبەن قاشان تولىق قامتىلادى؟

59 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ 2023 جىلعا قاراي ەلوردا تولىقتاي گازبەن قامتىلاتىنىن ايتتى، دەپ جازادى Egemen.kz.


اكىمنىڭ سوزىنشە، قازىرگى كۇنى «كوكتال-1»، «كوكتال-2»، «وڭتۇستىك شىعىس»، «پرومىشلەننىي» جانە «اگروقالاشىق» شاعىن اۋداندارىنا گاز قۇبىرىنىڭ 645 شاقىرىمى تارتىلعان.

«قازىر ول جەرلەرگە ينجەنەرلىك جەلىلەر جۇرگىزىلىپ جاتىر. سارىارقا اۋدانىنىڭ 100 ءۇيى گازعا قوسىلىپ ۇلگەردى. تۇرعىندار وتە قۋانىشتى. ارينە، گاز بەن كومىردىڭ ايىرماشىلىعى ۇلكەن عوي. جوسپار بويىنشا 2023 جىلعا دەيىن ەلوردا تولىقتاي گازداندىرىلادى»، دەدى اكىم.

كولگىنوۆ گاز ءتاريفى ماسەلەسىنە دە توقتالدى. ونىڭ ايتۋىنشا، اكىمدىك تۇرعىندار شاعىمىن نازارعا الدى.

«باستاپقىدا تاريف 45 تەڭگە بولدى. كەيىن 60 تەڭگە بولىپ بەكىتىلدى، ارتىنشا قايتادان 45 تەڭگەگە ءتۇستى. قازىر تاريف 37 تەڭگە. بۇل ءتيىمدى باعا»،  دەدى ول.

كولگىنوۆتىڭ ايتۋىنشا، قازىر قالادا گازبەن جۇمىس ىستەيتىن تەتس-3 قۇرىلىسى جۇرگىزىلىپ جاتىر. قۋاتى 420 گكال تەتس قولدانىستاعى ەكى جىلۋ ورتالىعىنا ءتۇسىپ وتىرعان سالماقتى ءبىراز جەڭىلدەتەدى.

«الايدا قالانىڭ ءوسۋ قارقىنىنا قاراساق، بۇل دا جەتكىلىكسىز بولادى. سوندىقتان قۋاتى 600 گكالدىق گاز قازاندىقتارىن سالاتىن بولامىز. ولار جاعالاۋ جانە جاڭا ۆوكزال اۋدانىندا سالىنادى»، دەدى ول.

 

سوڭعى جاڭالىقتار

ەڭبەكتىڭ ەلەنگەنى جاقسى

پىكىر • بۇگىن، 20:33

«رولان گارروس» باستالدى

سپورت • بۇگىن، 20:26

ءالجاننىڭ كىسە بەلبەۋى

تاريح • بۇگىن، 20:23

ۇقساس جاڭالىقتار