«كۇز مەزگىلىندە حالىقتى كومىرمەن قامتاماسىز ەتۋ ماسەلەسى قاشاندا وزەكتى. بۇل الەۋمەتتىك ماڭىزى زور شارۋا ۇلتتىق تەمىر جول كومپانياسىنىڭ باسشىلىعىنىڭ ءجىتى باقىلاۋىندا. جىل جايىن قتج جۇيەسى ورتاشا ەسەپپەن 100 ملن توننا كومىر تاسمالدايدى. ونىڭ 75 ملن تونناسى ەل ىشىنە, قالعانى ەكسپورتقا شىعارىلادى. ەگەر كومىر جونەلتۋشىلەر جۇكتى ۋاقىتىندا تيەيتىن بولسا, ۆاگونداردى ۇلەستىرۋ تەپە-تەڭدىگى ساقتالىپ, كولىك تاپشىلىعى بولمايدى», دەدى «قازاقستان تەمىر جولى» ۇلتتىق كومپانياسىنىڭ باق-پەن جۇمىس جونىندەگى دەپارتامەنتىنىڭ ديرەكتورى قايسار كوبەسوۆ.
سپيكەردىڭ ايتۋىنشا, بيىل 9 اي ىشىندە 76 ملن توننا كومىر تاسمالدانعان. بۇل جوسپاردان 1,4 ملن تونناعا ارتىق. سونىڭ ىشىندە ىشكى تۇتىنۋشىلار ءۇشىن 53,5 ملن توننا كومىر تاسىمالداندى. بۇل كورسەتكىش جوسپاردان 2 پايىزعا جوعارى.
