ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ ۇكىمەت وتىرىسىندا وسىنداي مالىمەت بەردى.
«ماڭعىستاۋ وبلىسىنىڭ الەۋمەتتىك-ەكونوميكالىق دامۋىنىڭ كەشەندى جوسپارى بويىنشا سۋمەن جابدىقتاۋ سالاسىندا جالپى سوماسى 170 ميلليارد تەڭگەگە 3 جوبا قاراستىرىلعان.
«قازمۇنايگاز» ۇلتتىق كومپانياسىنىڭ 123,7 ميلليارد تەڭگە كولەمىندەگى جەكە ينۆەستيتسياسى ەسەبىنەن «بەينەۋ-اقتاۋ» ۋچاسكەسىندە, ۇزىندىعى 171 شاقىرىم بولاتىن «استراحان-ماڭعىشلاق» ماگيسترالدىق سۋ تارتقىشىن رەكونسترۋكتسيالاۋ جوسپارلانعان. ول 226 مىڭ ادامى بار 1 قالا مەن 15 اۋىلدىق ەلدى مەكەندە سۋمەن جابدىقتاۋدى جاقسارتادى. وتكىزۋ قابىلەتى تاۋلىگىنە 110 مىڭنان 170 مىڭ تەكشە مەترگە دەيىن ۇلعايادى», دەگەن مينيستر تاعى ءبىر كەشەندى جوبانىڭ ارقاسىندا 15 اۋىلدى ەلدى مەكەندە اۋىز سۋ ماسەلەسى شەشىلەتىنىن اتادى.
«ودان باسقا, جالپى ۇزىندىعى شامامەن 243 شاقىرىمداي بولاتىن «اقتاۋ-قۇرىق-جەتىباي-شەتپە» جانە «كۋيۋلۋس-مەلوۆوە» كەن ورنىنان كاسپي سۋ تۇشىتۋ زاۋىتىنا دەيىن» ەكى سۋ تارتقىش سالۋ جوسپارلانعان. قازىر جوبالىق قۇجاتتاماسى ازىرلەنىپ جاتىر. بۇل 278 مىڭ ادامى بار 15 اۋىلدىڭ سۋمەن جابدىقتالۋىن جاقسارتۋعا جانە قامتاماسىز ەتۋگە مۇمكىندىك بەرەدى», دەدى سەرىكقالي برەكەشەۆ.
