ء«وڭىردى گازداندىرۋ ماسەلەسىنە كەلەتىن بولساق, وبلىستا جالپى قۇنى 266,6 ملرد تەڭگە بولاتىن 7 گاز ينفراقۇرىلىمى جوباسىن ىسكە اسىرۋ جوسپارلانىپ وتىر», دەدى مينيستر.
ولار:
- جالپى سوماسى 207,4 ملرد تەڭگەگە «بەينەۋ-جاڭاوزەن» ۋچاسكەسىنىڭ 1-ءشى جەلىسىن كۇردەلى جوندەۋ جانە 2-ءشى جەلىسىن سالۋ جوباسى;
- 16,5 ملرد تەڭگە قاجەت ەتىپ وتىرعان «جاڭاوزەن-اقتاۋ» ماگيسترالدىق گاز قۇبىرىن كۇردەلى جوندەۋ جوباسى;
- 25,7 ملرد تەڭگە سالۋ جوسپارلانعان قۇرىق اۋىلىنا «جاڭاوزەن-اقتاۋ» ماگيسترالدىق گاز قۇبىرىنان گاز بۇرۋ جانە گاز تاراتۋ قۇبىرلارىن سالۋ جوباسى.
«وسى جوبالاردى ىسكە اسىرۋدىڭ ارقاسىندا ماڭعىستاۋ وبلىسىن گازبەن جابدىقتاۋ ماسەلەسى تولىق شەشىلەدى. جۇمىس ىستەپ تۇرعان «قازاق گاز وڭدەۋ زاۋىتىنىڭ» توزۋ دەڭگەيى وتە جوعارى. مەملەكەت باسشىسىنىڭ تاپسىرماسى بويىنشا جاڭاوزەن قالاسىندا زاماناۋي گاز وڭدەۋ زاۋىتىن سالۋ جوسپارلانعان. بۇل زاۋىت الەمدىك ستاندارتتارعا سايكەس جىلىنا 900 ملن تەكشە كولەمىندە شيكى گازدى قايتا وڭدەيتىن بولادى. وسىعان بايلانىستى, «قازمۇنايگازعا» بۇل جوبانى ىسكە اسىرۋ جۇمىسىن جەدەلدەتۋ قاجەتتىگىن اتاپ وتەمىن», دەدى ماعزۇم مىرزاعاليەۆ.
