اسەت ەرعاليەۆتىڭ ايتۋىنشا, ءوڭىردىڭ تۋريستىك الەۋەتىن دامىتۋ بويىنشا جىلى جاعاجاي اۋدانىندا تۋريستىك كەشەن مەن ساۋدا قاتارلارى, كەلۋشىلەرگە ارنالعان ورتالىعى بار ەتنواۋىل, 9 قوناقۇي, دەمالىس ايماقتارى, ساۋىقتىرۋ كەشەندەرى, اقتاۋ قالاسىنىڭ اۋەجايىندا جاڭا تەرمينال سالىنادى. سونىمەن قاتار قورىق پورتىنداعى ساعاتوۆ فۋنكتسيونالدى تەڭىز تەرمينالىن جاڭعىرتۋ جوسپارلانعان.
«كاسىپكەرلىكتى دامىتۋ ماقساتىندا «بيزنەستىڭ جول كارتاسى - 2025», «قاراپايىم زاتتار ەكونوميكاسى» جانە «ەڭبەك» باعدارلامالارىنىڭ قۇرالى بەلسەندى قولدانىلادى. سونداي-اق, اقتاۋ قالاسى مەن مۇنايلى قالاسىندا ەكى كوتەرمە تاراتۋ ورتالىعى سالىنادى. ونەركاسىپتىك كەشەن سالاسىندا 25 ينۆەستيتسيالىق جوبا ىسكە اسىرىلادى. سونداي-اق, اگروونەركاسىپتىك كەشەن سۋبەكتىلەرىنە كەرديت بەرۋ جانە اۋىل شارۋاشىلىعى جانۋارلارىن, تەحنيكا مەن تەحنيكالىق جابدىق ساتىپ الۋعا ليزينگ راسىمدەۋ كەزىندە سىياقى مولشەرلەمەلەرى سۋبسيديالانادى», دەدى ۇلتتىق ەكونوميكا ءمينيسترى.
