«تازالىق ويىنى» – كوماندالىق ويىن. قاتىسۋشى كوماندالار قالدىقتاردى سۇرىپتاۋ جانە قورشاعان ورتانى قورعاۋعا ءوز ۇلەستەرىن قوسادى. قوقىس جيناۋعا 90-عا جۋىق ادام اتسالىستى. قاتىسۋشىلار كوماندالارعا ءبولىنىپ, ەكو-تاپسىرمالاردى ورىنداۋعا كىرىستى. جارىس شارتى بويىنشا ءاربىر جينالعان قالدىق ءتۇرى ءۇشىن كوماندالارعا 0,4-تەن 2 بالعا دەيىن بەرىلدى. جەڭىسكە جەتۋ مۇمكىندىگى تۇرمىستىق قالدىقتاردى بولەك جيناپ, تاپسىرماسىن ورىنداعاندارعا كوبىرەك بەرىلدى.
ەكو-جارىستىڭ قورىتىندىسى بويىنشا جەڭىمپازدارعا Marwin دۇكەندەر جەلىسىنەن تاۋار ساتىپ الۋعا نومينالى 10 مىڭ تەڭگە بولاتىن سەرتيفيكاتتار تابىستالدى. سونداي-اق ەڭ جاس ەكو-بەلسەندىلەر سەرتيفيكاتتارعا يە بولدى. «تازالىق ويىنى» بارىسىندا قاتىسۋشىلار بارلىعى 300 كيلودان استام ماكۋلاتۋرا, پلاستيك, شىنى جانە باسقا دا قالدىق تۇرلەرىن جينادى. وسى جينالعان قالدىقتار ودان ءارى قايتا وڭدەۋگە جىبەرىلەدى.
ايتا كەتەيىك, 30 قىركۇيەكتە نۇر-سۇلتان, قاراعاندى, پەتروپاۆل, تەمىرتاۋ جانە سەمەي قالالارىندا «مەنىڭ ەكو-ءومىر مەكتەبىم» بايقاۋىنىڭ قورىتىندىسى شىعارىلدى. وسكەلەڭ ۇرپاقتىڭ ەكولوگيالىق مادەنيەتىن قالىپتاستىرۋ باعىتىندا ۇزدىك ءبىلىم بەرۋ مەكەمەلەرىنە سەرتيفيكاتتار مەن ەستەلىك سىيلىقتارى تابىستالدى. سونداي-اق «ەكواسار – يگى ىستەر مارافونى» اكتسياسى باستاۋ الادى. يگى شارا 2021-2022 وقۋ جىلىنا جوسپارلانىپ وتىر.
جازدىگۇنى «ەكواسار» كەزىندە 7 500 كيلو قايتالاما شيكىزات جينالىپ, قايتا وڭدەۋگە جىبەرىلدى. ودان تۇسكەن 363 263 تەڭگە قاراۋسىز قالعان جانۋارلارعا ازىق ساتىپ الۋعا باعىتتالدى.
جىل بويى وقۋشىلار 99 253 كيلو ماكۋلاتۋرا, پلاستيك, شىنى جانە اليۋميني قاپتاماسىن وڭدەۋگە تاپسىردى.
جالپى, قايتالاما شيكىزاتتى تاپسىرۋدان تۇسكەن سوما 2 ملن 870 مىڭ تەڭگەنى قۇرادى. بۇل قاراجات مەكتەپ اۋماقتارىن اباتتاندىرۋ مەن قايىرىمدىلىق باعىتىنا جۇمسالدى.
