فوتو: konstituciyalikreforma
دەپۋتات جاڭا اتا زاڭ جوباسىنىڭ مازمۇنىنا توقتالىپ, ونىڭ دايىن ۇلگىلەردىڭ كوشىرمەسى ەمەس ەكەنىن اتاپ ءوتتى.
«ۇسىنىلىپ وتىرعان كونستيتۋتسيا جوباسى دايىن ۇلگىلەردىڭ كوشىرمەسى ەمەس. ءيا, ءبىز حالىقارالىق تاجىريبەنى زەردەلەپ, كاسىبي قاۋىمداستىقپەن كەڭەستىك. الايدا تۇپكىلىكتى ءماتىن – دەربەس تاڭداۋىمىزدىڭ ناتيجەسى. ول ءبىزدىڭ قوعامنىڭ قۇندىلىق نەگىزدەرىن بەينەلەيدى, تاريحي ساباقتاستىقتى ساقتايدى ءارى جاڭا سىن-قاتەرلەردى ەسكەرەدى», دەدى ايداربەك قوجانازاروۆ.
ونىڭ سوزىنشە, قۇجاتتا ەگەمەندىكتىڭ يەسى ءارى بيلىكتىڭ بىردەن-ءبىر باستاۋى – حالىق ەكەنى ايقىن كورسەتىلگەن. مەملەكەتتىك تۇراقتىلىق قوعامدىق كەلىسىم مەن ءوزارا سەنىمگە نەگىزدەلەدى. سونىمەن قاتار بولاشاق دامۋ باعىتتارى, تسيفرلىق ترانسفورماتسيا جانە زاماناۋي سىن-قاتەرلەرگە جاۋاپ بەرۋ تەتىكتەرى دە قامتىلعان.
اسحات راحىمجانوۆ: جاڭا كونستيتۋتسيا ازاماتتاردىڭ ەلدىڭ ساياسي ومىرىنە قاتىسۋ مۇمكىندىگىن كەڭەيتەدى
ايداربەك قوجانازاروۆ باسقارۋ جۇيەسىندەگى ينستيتۋتسيونالدىق وزگەرىستەرگە دە نازار اۋداردى.
ء«بىرپالاتالى پارلامەنت – قۇرىلتاي قالىپتاستىرىلادى, ونىڭ باقىلاۋ فۋنكتسيالارى كۇشەيتىلەدى. پارتيالاردىڭ ماڭىزى ارتىپ, ولاردىڭ قوعام الدىنداعى ساياسي جاۋاپكەرشىلىگى كۇشەيەدى. بۇل قادامدار ينستيتۋتسيونالدىق تەپە-تەڭدىكتى قامتاماسىز ەتۋگە باعىتتالعان», دەدى فراكتسيا جەتەكشىسى.
سەرگەي پونومارەۆ: جاڭا كونستيتۋتسيا قازاقستانداعى قوعامدىق كەلىسىم مەن بىرلىكتى نىعايتادى
دەپۋتاتتىڭ پايىمىنشا, جاڭا كونستيتۋتسيا ۇزاق مەرزىمدى جاڭعىرۋدىڭ قۇقىقتىق نەگىزىن قالايدى.
«جالپى العاندا, جاڭا كونستيتۋتسيا – جاي عانا قۇقىقتىق قۇجات ەمەس. بۇل – ينستيتۋتتاردى جاڭارتۋعا ارنالعان قۇرال. ءبىز وكىلەتتىك پەن جاۋاپكەرشىلىك اراسىنداعى سايكەستىك, ستراتەگيالىق جاۋاپكەرشىلىك پەن قوعامدىق سەنىم قالىپتى قاعيداعا اينالاتىن, مىقتى, ادىلەتتى ءارى تۇراقتى قازاقستاننىڭ نەگىزىن قالايمىز», دەپ تۇيىندەدى ايداربەك قوجانازاروۆ.
ماگەررام ماگەرراموۆ كونستيتۋتسيا جوباسىن رەفەرەندۋمعا شىعارۋدى ۇسىندى
ايتا كەتەيىك, 2026 جىلعى 15 ناۋرىزدا رەسپۋبليكالىق رەفەرەندۋم وتەدى. ءتيىستى جارلىققا پرەزيدەنت قاسىم-جومارت توقاەۆ قول قويدى.
