بيىل ءپىتىر ساداقا مولشەرى قانشا تەڭگە؟

قمدب مالىمەتىنشە, ءپىتىر ساداقانىڭ مولشەرى ەلىمىز بويىنشا 2 كەلى ۇننىڭ ورتاشا باعاسىمەن ەسەپتەلگەن. ال ۇننىڭ باعاسى قمدب-نىڭ قالا جانە وبلىستارداعى وكىلدىكتەرىنىڭ بەرگەن مالىمەتى نەگىزىندە انىقتالعان. باسقارما ءپىتىر ساداقاسىن قۇرما, مەيىز باعاسىمەن دە بەرۋگە بولاتىنىنا نازار اۋدارعان.

2026 جىلعى ءپىتىر ساداقانىڭ باعاسى نارىقتىق ورتاشا باعامەن ەسەپتەلىپ تومەندەگىدەي بەكىتىلدى:

بيداي 2 كگ – 318 تەڭگە;

ۇن 2 كگ – 735 تەڭگە;

ارپا 4 كگ – 514 تەڭگە;

مەيىز 2 كگ – 6400 تەڭگە;

قۇرما 4 كگ – 12400 تەڭگە.

2026 جىلعى ورازا كەستەسى جاريالاندى

«قازىر بيدايدىڭ ءوزى ەمەس, ۇن, تالقان سەكىلدى ونىڭ ونىمدەرى كەڭ قولدانىلادى. سول سەبەپتى قازاقستان مۇسىلماندارى ءدىني باسقارماسى ءپىتىر ساداقانىڭ قۇنىن ۇنمەن ەسەپتەۋدى نەگىزگە الادى. ويتكەنى شاريعاتتا بيدايمەن قاتار ونىڭ ونىمدەرىمەن دە ءپىتىر ساداقا بەرۋگە رۇقسات ەتىلەدى. ءپىتىر ساداقانى بەرۋدىڭ ءۋاجىپ ۋاقىتى ايتتىڭ ءبىرىنشى كۇنى. ونى رامازان ايىنىڭ ءبىرىنشى كۇنىنەن باستاپ بەرۋگە بولادى. ۋاقىتىندا بەرە الماعان جاعدايدا ايت نامازىنان كەيىن بەرسە دە بولادى. الايدا ءپىتىردى ايت نامازىنا دەيىن بەرۋ – مۇستاحاب», دەلىنگەن قمدب تاراتقان حابارلامادا. 

قمدب اۋقاتتى ادامدار ءپىتىر ساداقانى 2 كەلى مەيىزبەن (6400 تەڭگە) نەمەسە 4 كەلى قۇرمامەن (12400 تەڭگە) بەرگەنى جاقسىراق ەكەنىن قاپەرگە سالعان. 

بيىل ورازا 19 اقپاندا باستالادى

ء«پىديا مولشەرى – ءبىر ادامنىڭ كۇندەلىكتى (تاڭعى جانە كەشكى) تويىپ ىشەتىن اسى. ونىڭ بيىلعى مولشەرى 4000 ء(تورت مىڭ) تەڭگە بولىپ بەكىتىلدى. بۇعان شاماسى كەلمەگەندەر ورازانىڭ ءار كۇنىنە ءپىتىر ساداقاسىنىڭ قۇنىن بەرەدى», دەدى قمدب توراعاسىنىڭ ورىنباسارى, نايب ءمۇفتي سانسىزباي قۇربان ۇلى.