بۇگىن, اعىمداعى جىلدىڭ 4 قازانىندا, اقپارات جانە قوعامدىق دامۋ مينيسترلىگىندە قازاقستان ۇكىمەتى مەن اقش مەملەكەتتىك دەپارتامەنتىنىڭ قارۋلى قاقتىعىستار ايماقتارىنان ورالعان ازاماتتاردى وڭالتۋ جونىندەگى بىرلەسكەن جوباسى شەڭبەرىندە ءدىن ىستەرى كوميتەتى توراعاسىنىڭ ورىنباسارى باۋىرجان باكىروۆتىڭ اقش ساراپشىلارى - چيكاگو ۋنيۆەرسيتەتىنىڭ پروفەسسورى ستيۆەن ۋەينمەن, دجوردج ۆاشينگتون ۋنيۆەرسيتەتىنىڭ ەلليوتت اتىنداعى حالىقارالىق قاتىناستار مەكتەبىنىڭ ساراپشىسى نوا تاكەرمەن كەزدەسۋى ءوتتى.
كەزدەسۋ بارىسىندا پروفەسسور ۋەين اقش مەملەكەتتىك دەپارتامەنتىنىڭ گرانتىن ىسكە اسىرۋ شەڭبەرىندە وڭالتۋ سالاسىنداعى ماماندارمەن سەمينارلار, ۆەبينارلار مەن دوڭگەلەك ۇستەلدەر, سونداي-اق ۇرىس قيمىلدارى ايماعىنان ورالعان ايەلدەر مەن بالالارمەن كەزدەسۋلەر وتكىزىپ جاتقانىن اتاپ ءوتتى.
كەزدەسۋدە ب.باكىروۆ «جۋسان» وپەراتسياسى اياسىندا ورالعان رەپاتريانتتاردى وڭالتۋ جانە قايتا الەۋمەتتەندىرۋ بويىنشا ءدىن ىستەرى كوميتەتىمەن جۇرگىزىپ جاتقان جۇمىستارى جانە وسى سالاداعى جەرگىلىكتى اتقارۋشى ورگاندارمەن بىرلەسىپ قول جەتكىزگەن وڭ ناتيجەلەرى تۋرالى باياندادى.
تالقىلاۋ بارىسىندا قارۋلى قاقتىعىستار ايماقتارىنان ورالعان ازاماتتاردى وڭالتۋ ماسەلەلەرى بويىنشا ەكى تاراپ ءۇشىن قىزىعۋشىلىق تۋدىراتىن ماسەلەلەر قوزعالدى.
