ورتالىق ديرەكتورىنىڭ ايتۋىنشا, قازىرگى ۋاقىتتا قوعامدىق كەڭەستەردىڭ ەداۋىر بولىگىنىڭ «بەلگىلى ءبىر دارەجەدە ونشا جوعارى ەمەس بەلسەندىلىگى» بايقالادى.
«بۇل, مۇمكىن, ءبىر جاعىنان, قوعامدىق كەڭەستەر مۇشەلەرىنىڭ بەلسەندىلىگىنەن تۋىنداعان ماسەلە. ەكىنشى جاعىنان, ولاردىڭ قىزمەتى تۋرالى اقپاراتتىڭ بولماۋى. وسىنىڭ اياسىندا ءبىز اقدم-نىڭ بىرىڭعاي پورتال قۇرۋ جونىندەگى باستاماسىن قۇپتايمىز. kazkenes.kz بارلىق قوعامدىق كەڭەستەردىڭ قىزمەتى تۋرالى اقپارات بەرۋگە ارنالعان بىرىڭعاي الاڭ رەتىندە, ولاردى قۇرۋ ءبىزدىڭ زاڭنامادا كوزدەلگەن», دەدى وشاقباەۆ.
ونىڭ ايتۋىنشا, جاقىن ارادا بۇل پورتال ءوز جۇمىسىن باستايدى.
«بۇل قالىڭ جۇرتشىلىقتىڭ, ءبىرىنشى كەزەكتە - جۋرناليستەردىڭ وتىرىستاردىڭ حاتتامالارىنا جانە ءارتۇرلى دەڭگەيلەردە قارالاتىن ماسەلەلەرگە قول جەتكىزۋىنە مۇمكىندىك بەرەدى. قوعام دا, باق تا ونى پايدالانا باستاۋى ءۇشىن جانە وسى پورتال ماڭىزدى جانە سەنىمدى اقپارات كوزىنە اينالۋى ءۇشىن ءبىراز ۋاقىت قاجەت بولادى», دەپ ناقتىلادى سپيكەر.
ول بۇل پورتالدى تولتىرۋ قوعامدىق كەڭەستەر حاتشىلارىنىڭ, قوعامدىق كەڭەستەر مۇشەلەرىنىڭ بەلسەندىلىگىنە بايلانىستى بولاتىنىن ايتتى. بۇل ينستيتۋتتىڭ دامۋىنىڭ كەلەسى كەزەڭى رەتىندە, ونىڭ پىكىرىنشە, ەڭ بەلسەندى عانا ەمەس, بۇكىل رەسپۋبليكانى قامتيتىن كەم دەگەندە جىل سايىن نەمەسە توقسان سايىن ۇلكەن جينالىستار, ترەنينگتەر وتكىزۋ ماڭىزدى.
